Vitatsink

Tarkib

15 ml sirop tarkibida quyidagilar mavjud:

Faol moddalar: protein Gidroxlorid 20% BF-1 gr, vitamin B2 (riboflavin) BF-0,5 mg, vitamin B6 (piridoksin) BF-0,5 mg, niatsinamid BF-10 mg, D-Pantenol F. AQSH-0,5 mg, rux sulfat BF-16,5 mg (elementar rux ekvivalenti 3,75 mg), magniy xlorid BF-2,5 mg, manganat xlorid BF-OD mg, temir xlorid sitrat BF-20 mg, kalsiy glyukonat BF-20 mg, vitamin D3 BF-200 ME (IU), L-Lizin monogidroxlorid F. AQSH-15 mg.

Yordamchi moddalar: o‘simlik asosidagi qiyom.

Dori shakli

Sirop.

Farmakoterapevtik guruh

Vitaminlar. ATX kodi: A11A.

Farmakologik ta’siri

Protein (oqsil) organizm uchun asosiy qurilish materiali bo‘lib, mushaklar, ichki a’zolar, qon aylanish tizimi, immun tizimi, teri, soch, tirnoqlarning eng muhim tarkibiy qismidir.

Fermentlar tarkibiga kiradi, biokimyoviy reaksiyalarni katalizlaydi, organizmdagi moddalar almashinuvini boshqaradi, hujayraga uning hayot faoliyati uchun muhim moddalarni tashiydi, immun tizimi ishida eng faol ishtirok etadi.

Proteinlar yosh organizmning o‘sishini rag‘batlantiradi, rivojlanishiga va mustahkamlanishiga yordam beradi.

B2 vitamini to‘qimalar, jumladan, teri hujayralarining regeneratsiya jarayonlariga yordam beradi.

Vitamin B6 suyaklar, tishlar, milklarning tuzilishi va funksiyasini saqlashga yordam beradi; eritropoezga ta’sir ko‘rsatadi, asab tizimining normal ishlashiga yordam beradi.

Oz vitamini organizmda kalsiy va fosfor muvozanatini saqlashda muhim rol o‘ynaydi. U yetishmaganda suyak to‘qimasida kalsiy miqdori kamayadi (osteoporoz).

Niatsinamid va D-Pantenol oqsil metabolizmida, yog‘ kislotalari va xolesterin sintezida, energiya ishlab chiqarishda ishtirok etuvchi kofermentlar bo‘lib, markaziy asab tizimining normal ishlashi uchun zarurdir.

Rux tizimli qo‘llash uchun mo‘ljallangan mikroelement bo‘lib, organizmning biokimyoviy reaksiyalarida, qon hosil bo‘lish jarayonida, ichki sekretsiya bezlari faoliyatida ishtirok etadi. Rux to‘qimalar regeneratsiyasi uchun zarur, ba’zi gormonlar, jumladan, insulin tarkibiga kiradi. Rux ovqat hazm qilish, moddalar almashinuvi, nafas olish, yaralarni davolash, teri va sochlarni me’yorda saqlash uchun muhimdir. U ikki yuzdan ortiq ferment va ko‘pgina gormonlarning tarkibiy qismi sifatida ishtirok etadi. Homiladorlik davrida rux turli organlarning, skeletning, ko‘pgina sistemalarning, masalan, nerv sistemasi va qon aylanish sistemasining hosil bo‘lishi va rivojlanishida muhim rol o‘ynaydi.

Magniy hujayralarning normal ishlashi uchun zarur, moddalar almashinuvining aksariyat reaksiyalarida ishtirok etadi, energiya ishlab chiqarish va iste’mol qilishga yordam beradi, mushak va suyak to‘qimalarining shakllanishida ishtirok etadi hamda oqsil sintezida ishtirok etadi.

Marganes suyaklarning minerallashuviga yordam beradi.

Temir gemoglobin molekulasining bir qismi bo‘lib, organizmda kislorod tashishda ishtirok etadi va kamqonlik rivojlanishining oldini oladi.

Kalsiy suyak to‘qimasining shakllanishida, qon ivishida, nerv impulslarining uzatilishida, skelet va silliq mushaklarning qisqarishida, yurakning normal ishlashida ishtirok etadi. U temirning so‘rilishiga ham yordam beradi.

Ko‘rsatmalar

Vitatsink vitaminlar va minerallarga bo‘lgan ehtiyojning ortishi bilan kechadigan holatlarda profilaktik vosita sifatida, bolalarda ishtahaning yo‘qligi, jismoniy va asab-ruhiy zo‘riqishning ortishi, muntazam bo‘lmagan, sifatsiz ovqatlanish, beri-beri kasalligi, o‘sishning sekinlashishi, gipokalsiyemiya va temir tanqisligi bilan bog‘liq kamqonlikda, organizmning yuqumli va shamollash kasalliklariga qarshiligini oshirish uchun qo‘llaniladi.

Qo‘llash usuli va dozalari

Bir choy qoshiqdan (5 ml) kuniga 2 mahal ovqatdan keyin yoki shifokor ko‘rsatmasiga binoan.

Nojo‘ya ta’sirlari

Preparatning tarkibiy qismlariga allergik reaksiyalar kuzatilishi mumkin.

Tavsiya etilgan dozadan oshirmaslik, tasodifan yuqori dozalarni qabul qilganda darhol shifokorga murojaat qilish.

Qarshi ko‘rsatmalar

Preparat komponentlariga yuqori sezuvchanlik, gipervitaminoz.

Dozani oshirib yuborish

Doza oshirib yuborilganda shifokorga murojaat qiling.

Ehtiyot choralari va qo‘llash xususiyatlari

Tavsiya etilgan dozadan oshirmaslik kerak. Vitatsinkni tarkibida vitaminlar bo‘lgan boshqa preparatlar bilan birga qabul qilish tavsiya etilmaydi.

Homiladorlik va laktatsiya davrida qo‘llash

Preparatning tarkibiy qismlariga allergik reaksiyalar kuzatilishi mumkin.

Avtotransport yoki boshqa mexanizmlarni boshqarishda reaksiya tezligiga ta’sir qilish qobiliyati

Aniqlanmagan.

Boshqa dorilar bilan o‘zaro ta’siri

Preparat tarkibida temir va kalsiy mavjud, shuning uchun u tetratsiklinlar guruhidagi antibiotiklar, shuningdek, mikroblarga qarshi vositalar - ftorxinolon hosilalarining ichakda so‘rilishini sekinlashtiradi.

Tarkibida alyuminiy, magniy, kalsiy bo‘lgan antatsid preparatlar hamda xolesteramin temirning so‘rilishini kamaytiradi.

Bir vaqtning o‘zida tiazidlar guruhidagi siydik haydovchi vositalar buyurilganda giperkalsiyemiya ehtimoli ortadi.

Chiqarish shakli

Karton qutida 200 ml dan to‘q rangli plastik flakonlar.

Saqlash shartlari

Salqin, qorong‘i, bolalar qo‘li yetmaydigan joyda saqlanadi. Iste’mol qilishdan oldin chayqatiladi.

Yaroqlilik muddati

18 oy. Qadoqda ko‘rsatilgan sanadan keyin ishlatilmasin.

Ta’til shartlari

Retseptsiz.

Ishlab chiqaruvchi

Ultra Laboratories Pvt. Ltd, Hindiston.