Ambtset

Tarkib

Har 5 ml tarkibida quyidagilar mavjud:

faol moddalar: ambroksol gidroxlorid - 30 mg, setirizin gidroxlorid - 5 mg;

yordamchi moddalar: saxaroza, sorbitol (70% kristallanmagan), glitserin, natriy sitrat, metilgidroksibenzoat, propilgidroksibenzoat, Singapur ananas xushbo‘ylantiruvchisi, 1-raqamli malina xushbo‘ylantiruvchisi, FCF sariq shafaq bo‘yog‘i, mentol, tozalangan suv.

Tavsif

Apelsin rangli xushbo‘y qiyom.

Farmakoterapevtik guruh

Balg‘am ko‘chiruvchi vosita. ATX kodi: R05CA.

Farmakologik xususiyatlari

Preparat ambroksol gidroxlorid va setirizin gidroxloridni o‘z ichiga olgan kombinatsiyalangan preparatdir.

Ambroksol gidroxlorid bronxosekretolitik, sekretomotor (balg‘am ko‘chiruvchi) ta’sirga ega mukolitik vositadir. Surfaktant hosil bo‘lishini rag‘batlantiradi, o‘zgargan bronx-o‘pka sekretsiyasini me’yorlashtiradi, balg‘amning reologik ko‘rsatkichlarini yaxshilaydi, uning yopishqoqligi va adgeziv xususiyatlarini kamaytiradi, mukotsiliar transportni oshiradi, balg‘amning bronxlardan chiqarilishini osonlashtiradi. Preparat ortiqcha sekret hosil qilmaydi, bronxlar giperreaktivligini kamaytiradi.

Setirizin gidroxlorid - periferik gistaminli N1-retseptorlarning selektiv blokatori, gidroksizin metaboliti, antigistamin, allergiyaga qarshi ta’sir ko‘rsatadi. Allergik reaksiyalar rivojlanishining oldini oladi va kechishini yengillashtiradi, qichishishga qarshi va antiekssudativ ta’sirga ega. Allergik reaksiyalarning erta bosqichiga ta’sir qiladi, shuningdek, yallig‘lanish hujayralari migratsiyasini kamaytiradi: kechki allergik reaksiyada ishtirok etuvchi mediatorlar ajralishini susaytiradi. Kapillyarlar o‘tkazuvchanligini kamaytiradi, to‘qimalar shishining oldini oladi, silliq mushaklar spazmini bartaraf etadi. Gistaminlar, maxsus allergenlar yuborilishiga, shuningdek, sovutishga (sovuq eshakemda) teri reaksiyasini bartaraf etadi. Yengil kechuvchi bronxial astmada gistaminoindutsirlangan bronxokonstruksiyani kamaytiradi.

Tavsiya etilgan dozalarda qo‘llanilganda deyarli sedativ ta’sirga ega emas va deyarli antixolinergik hamda antiserotonik ta’sir ko‘rsatmaydi.

Farmakokinetika

Preparatning so‘rilishi tez va yetarli darajada to‘liq, terapevtik diapazonda chiziqli bog‘liqlikda. Ta’sir etuvchi moddaning plazmadagi maksimal konsentratsiyasiga 30 daqiqa - 3 soatdan keyin erishiladi. Plazmada preparatning taxminan 90% qismi protein bilan bog‘lanadi. Preparatning qon va to‘qimalar orasida taqsimlanishi tez sodir bo‘ladi, faol moddalarning o‘pkada yuqori konsentratsiyasi kuzatiladi. Plazmadan yarim chiqarilish davri 7-12 soatni tashkil etadi, to‘qimalarda to‘planishi aniqlanmagan. Preparat asosan jigarda konyugatsiya yo‘li bilan metabolizmga uchraydi. Preparatning 90% ga yaqini buyraklar orqali chiqariladi.

Qo‘llanilishi

Shamollash va tumov, yo‘tal, allergik rinit, sinusit, rinosinusit, pichan isitmasi, traxeobronxitning barcha shakllari, bronxit bilan emfizema, pnevmokotsioz, o‘pkaning surunkali yallig‘lanish holatlari, bronxoektaziya va bronxospazmik astma bilan bronxit. Bronxitning keskin zo‘rayishida preparatni adekvat antibiotik bilan birga qo‘llash lozim.

Qo‘llash usuli va dozalari

2-6 yoshli bolalar: 2,5 ml dan kuniga 3 mahal.

6-12 yoshli bolalar: 5 ml dan sutkada 2-3 marta.

Kattalar va 12 yoshdan oshgan bolalar: 10 ml dan kuniga 3 mahal yoki shifokor ko‘rsatmasiga binoan.

Nojo‘ya ta’sirlari

Ovqat hazm qilish yo‘llari tomonidan: ko‘ngil aynishi, qusish, ich ketishi, gastralgiya, epigastral sohada noqulaylik, jig‘ildon qaynashining yengil ko‘rinishlari.

Allergik reaksiyalar: teri toshmasi, qichishish, eshakyemi, yakka holatlar - kontakt dermatit, Kvinke shishi, anafilaktik shok, juda kam hollarda teri shikastlanishlari (Stivens-Jonson sindromi va Layell sindromi) haqida xabar berilgan.

Boshqalar: holsizlik, bosh og‘rig‘i, charchash, migren.

Qarshi ko‘rsatmalar

Ambset preparatning biron-bir tarkibiy qismiga yuqori sezuvchanligi bo‘lgan bemorlarda qo‘llash mumkin emas. Homilador va emizikli ayollarda xavfsizligi aniqlanmaganligi sababli, preparatni homiladorlik va emizish davrida qo‘llash mumkin emas. Preparatni 2 yoshdan kichik bolalarga buyurish mumkin emas.

Dorilarning o‘zaro ta’siri

Ambroksolni antibiotiklar: amoksitsillin, sefuroksim, eritromitsin, doksitsiklin bilan bir vaqtda qo‘llash o‘pka to‘qimasida antibiotiklar konsentratsiyasining oshishiga yordam beradi.

Preparatni yo‘talga qarshi faollikka ega bo‘lgan (masalan, tarkibida kodein bo‘lgan) dori vositalari bilan bir vaqtda qo‘llash tavsiya etilmaydi, chunki yo‘talning kamayishi fonida bronxlardan balg‘amning chiqarilishi qiyinlashadi. Ambroksolni yurak glikozidlari, diuretiklar bilan birga qo‘llash mumkin. Setirizinning alkogol bilan o‘zaro ta’siri haqida ma’lumotlar hozirgacha olinmagan, shunga qaramay, setirizin bilan davolash paytida spirtli ichimliklarni iste’mol qilish tavsiya etilmaydi.

Maxsus ko‘rsatmalar

Sharbatni uzoq davom etadigan kasalliklarda uzoq muddatli davolash sifatida qo‘llash mumkin emas. Agar preparatni qo‘llashning qisqa muddatidan so‘ng uning samarasi sezilarli bo‘lmasa, shifokor bilan maslahatlashish tavsiya etiladi. Agar balg‘am ajralishi va yo‘tal davolashning 2 haftasidan keyin kamaymasa, bunday chidamlilik sababini aniqlash va nafas yo‘llarining xavfli kasalligini istisno qilish uchun terapevt bilan maslahatlashish tavsiya etiladi.

Bronxial astma bilan og‘rigan bemorlar davolanish davrida diqqat bilan kuzatilishi kerak. Bronxospazm yuzaga kelganda, preparat bilan davolashni darhol to‘xtatish lozim. Anamnezida peptik yara bo‘lgan bemorlarda siropni ehtiyotkorlik bilan qo‘llash kerak, chunki preparat tufayli ko‘ngil aynishi va qusish oshqozon-ichakdan qon ketish xavfini oshiradi, shuningdek, mukolitikning oshqozon shilliq qavatini buzishi mumkinligi haqidagi nazariy xavf tufayli. Siropni qo‘llashni teri allergik testidan bir necha kun oldin to‘xtatish kerak, chunki preparat allergen ekstraktlariga terining gistamin javobini pasaytirishi mumkin.

Homiladorlik va laktatsiya davri

Homilador va emizikli ayollarda xavfsizligi aniqlanmaganligi sababli, siropni homiladorlik va emizikli davrda qo‘llash mumkin emas. Bundan tashqari, qiyom tarkibidagi setirizin ko‘krak sutiga chiqariladi.

Avtomobilni boshqarish va mexanizmlar bilan ishlash qobiliyatiga ta’siri

Tavsiya etilmaydi.

Dozani oshirib yuborish

Belgilari: nojo‘ya reaksiyalarning kuchayishi.

Davolash: simptomatik, spetsifik antidot yo‘q.

Chiqarish shakli

Flakonda 100 ml sirop; tibbiyotda qo‘llash bo‘yicha yo‘riqnoma va o‘lchov stakani bilan karton qutida bitta flakon.

Saqlash shartlari

Quruq va yorug‘likdan himoyalangan joyda, 30 oC dan yuqori bo‘lmagan haroratda saqlanadi.

Preparatni bolalar qo‘li yetmaydigan joyda saqlash lozim.

Yaroqlilik muddati

2 yil.

Yaroqlilik muddati o‘tgandan keyin iste’mol qilinmaydi.

Dorixonalardan berish shartlari

Retseptsiz.

Ishlab chiqaruvchi

Fourrts (India) Laboratories Pvt. Ltd"

Vandalur Road, Kelambakkam - 603103, Tamil Nadu, Hindiston

O‘zbekiston Respublikasi hududida dori vositalarining sifati bo‘yicha e’tirozlarni (takliflarni) qabul qiluvchi tashkilotning nomi va manzili

"Serene Pharma" MCHJ

Manzil: Toshkent shahri, Yashnobod tumani, M. Ashrafiy ko‘chasi, 2-berk ko‘cha, 9-uy

Tel.: + 99871-2910140