B-vitrom

Tarkib

Bir ampula quyidagilarni o‘z ichiga oladi:

faol moddalar: tiamin gidroxlorid (vitamin B1) - 100 mg, piridoksin gidroxlorid (vitamin B6) - 100 mg, siankobalamin (vitamin B12) - 1 mg;

yordamchi moddalar: lidokain gidroxlorid, benzil spirti, kaliy geksatsianoferrat (III), natriy geksametafosfat, natriy gidroksidning 10% li eritmasi, inyeksiya uchun suv.

Tavsif

Qizil rangli tiniq eritma.

Farmakoterapevtik guruh

B1 vitaminining B6 va/yoki B12 vitaminlari bilan kombinatsiyasi. ATX kodi: A11DB.

Farmakologik xususiyatlari

B guruhidagi neyrotrop vitaminlar nerv va harakat apparatining yallig‘lanish hamda degenerativ kasalliklariga yaxshi ta’sir ko‘rsatadi. Tiamin uglevodlar almashinuvida, shuningdek, Krebs siklida asosiy rol o‘ynaydi, keyinchalik tiamin pirofosfat va ATF sintezida ishtirok etadi. Piridoksin protein metabolizmida va qisman uglevodlar va yog‘lar metabolizmida ishtirok etadi. Ikkala vitaminning fiziologik vazifasi bir-birining ta’sirini kuchaytirish bo‘lib, bu nerv va neyromushak tizimlariga ijobiy ta’sir ko‘rsatishda namoyon bo‘ladi. Sianokobalamin miyelin qobig‘i sintezida ishtirok etadi, periferik asab tizimi shikastlanishi bilan bog‘liq og‘riq sezgilarini kamaytiradi, folat kislotasini faollashtirish orqali nuklein almashinuvini rag‘batlantiradi. Lidokain - mahalliy anesteziyaning barcha turlarini keltirib chiqaradigan mahalliy anesteziya vositasi: terminal, infiltratsion, o‘tkazuvchan.

Qo‘llanilishi

B1, B6 va B12 vitaminlarining yetishmasligi tufayli kelib chiqadigan nevrologik buzilishlar, ularni ovqatlanishni tuzatish orqali bartaraf etib bo‘lmaydi.

Qo‘llash usuli va dozalari

Og‘ir hollarda va o‘tkir og‘riqlarda qondagi preparat miqdorini tezda oshirish uchun bir inyeksiya (2 ml) mushak ichiga chuqur yuboriladi. Kasallikning o‘tkir bosqichi yo‘qolganidan so‘ng va yengilroq shakllarida haftasiga 2-3 marta 1 inyeksiya qilinadi.

Inyeksiyalar mushak ichiga chuqur yuboriladi. Vena ichiga yuborish mumkin emas; tasodifan vena ichiga yuborilganda bemorlarni statsionarda nazorat qilish zarur.

Preparat tarkibida lidokain gidroxlorid mavjud. Lidokain gidroxloridni qo‘llashdan oldin individual sezuvchanlik uchun teri sinamasini o‘tkazish shart, buni inyeksiya joyidagi shish va qizarish ko‘rsatadi.

Nojo‘ya ta’siri

Nojo‘ya ta’sirlar paydo bo‘lish chastotasiga qarab tasniflanadi:

Juda tez-tez (≥1/10).

Tez-tez (≥1/100 dan <1/10 gacha).

Kamdan-kam (≥1/1000 dan <1/100 gacha).

Kamdan-kam (≥1/10000 dan <1/1000 gacha).

Juda kam (<1/10000).

Chastota noma’lum (mavjud ma’lumotlar asosida hisoblab bo‘lmaydi).

Immun tizimi tomonidan

Kamdan-kam hollarda: o‘ta sezuvchanlik reaksiyalari, ayniqsa ko‘p marta mushak orasiga yuborilgandan so‘ng (teri toshmasi, eshakemi, bronxospazm, anafilaktik shok). Ushbu yuqori sezuvchanlik reaksiyalari tarkibida B1 vitamini, B12 vitamini yoki lidokain bo‘lgan parenteral preparatlarni takroran yuborilgandan so‘ng qayd etildi.

Asab tizimi tomonidan

Kamdan-kam hollarda: paresteziyalar, B6 vitaminining yuqori dozalari (kuniga 500 mg) qo‘llanilganda periferik sensor nevropatiya.

Yurak-qon tomir tizimi tomonidan

Kamdan-kam hollarda: o‘tkinchi gipotenziya.

Teri tomonidan

Kamdan-kam: akne.

Tizimli nojo‘ya ta’sirlar odatda tasodifan venaga yuborish, yuqori darajada perfuziyalanadigan to‘qimalarga yuborish yoki dozani oshirib yuborish bilan bog‘liq. Bularga bosh aylanishi, qusish, bradikardiya, aritmiya va talvasalar kiradi.

Lidokain bilan bog‘liq nojo‘ya ta’sirlar

Markaziy va periferik asab tizimi tomonidan: bosh aylanishi, bosh og‘rig‘i, holsizlik, harakat bezovtaligi, eyforiya, nistagm, hushdan ketish, uyquchanlik, uyqu buzilishi, tremor, trizm, talvasalar (ularning rivojlanish xavfi giperkapniya va atsidozda oshadi), paresteziyalar, nafas mushaklari falaji, motor blok, sezuvchanlikning buzilishi, respirator falaj (ko‘pincha subaraxnoidal anesteziyada rivojlanadi), til va lablarning uvishishi (stomatologiyada qo‘llanganda).

Yurak-qon tomir tizimi tomonidan: yuqori dozalarda qo‘llanilganda - AB pasayishi, bradikardiya, vazokonstriktor bilan kiritilganda - taxikardiya, yurak o‘tkazuvchanligining sekinlashishi, yurakning ko‘ndalang blokadasi, kollaps, arterial gipertenziya, periferik vazodilatatsiya, ko‘krak qafasidagi og‘riq, aritmiyalar, yurak blokadasi, yurak faoliyatining to‘xtashi.

Nafas a’zolari tomonidan: nafas siqilishi, nafas to‘xtashi, hansirash.

Oshqozon-ichak trakti tomonidan: ko‘ngil aynishi, qusish.

Allergik reaksiyalar: teri toshmasi, eshakem, teri qichishi, angionevrotik shish, tarqalgan eksfoliativ dermatit, anafilaktoid reaksiyalar, konyunktivit, rinit.

Mahalliy reaksiyalar: yengil achishish hissi, u og‘riqsizlantiruvchi ta’sir rivojlanishi bilan yo‘qoladi.

Boshqalar: gipotermiya, qo‘l-oyoqlarda issiq, sovuq yoki uvishish hissi. Yuqori dozalarda qo‘llanganda - quloqda shovqin, qo‘zg‘alish.

Qarshi ko‘rsatmalar

B1, B6, B12 vitaminlariga yuqori sezuvchanlik.

Amid tuzilishli mahalliy anestetiklarga yuqori sezuvchanlik.

Preparatning tarkibiy qismlariga, shuningdek, boshqa amidli mahalliy og‘riqsizlantiruvchi dori vositalariga yuqori sezuvchanlik; anamnezda lidokain gidroxlorid yuborish bilan bog‘liq epileptiform tutqanoqlarga ko‘rsatmalar; II va III darajali AV-blokada, sinus tugunining zaiflik sindromi, Volf-Parkinson-Uayt sindromi, Adams-Stoks sindromi, yurak yetishmovchiligining og‘ir shakllari (II - III daraja), kuchli arterial gipotenziya, bradikardiya, kardiogen shok, yurakning to‘liq ko‘ndalang blokadasi; miasteniya; gipovolemiya; porfiriya, og‘ir buyrak va/yoki jigar yetishmovchiligi, homiladorlik, emizish davri, 12 yoshgacha bo‘lgan yosh.

Xavfli o‘smalar.

Dorilarning o‘zaro ta’siri

5-ftoruratsil tiaminning antagonisti hisoblanadi va shuning uchun B1 vitaminining samaradorligiga ta’sir qiladi. B1 vitamini atsetilxolin antagonisti sifatida ta’sir ko‘rsatadi va nerv-mushak blokatorlarining ta’sirini oshiradi.

Preparatni levodopa saqlovchi dori vositalari bilan bir vaqtda qo‘llash tavsiya etilmaydi, chunki B6 vitamini levodopaning samaradorligini pasaytiradi. B12 vitaminining oshqozon-ichak traktidan so‘rilishi proton pompasi ingibitorlari, aminoglikozidlar, kolxitsin, aminosalitsil kislotasi va uning tuzlari, fenitoin, kaliy tuzlari, primidon va fenobarbital kabi ba’zi dori vositalari bilan pasaytirilishi mumkin.

Xloramfenikol bir vaqtning o‘zida B12 vitamini bilan davolanayotgan B12 vitamini tanqisligi bo‘lgan bemorlarda B12 vitaminining gemopoetik javobini pasaytiradi.

Alkogol vitaminlar ta’sirini kamaytiradi.

B1 vitamini tarkibida sulfitlar bo‘lgan eritmalarda kam barqaror. Boshqa vitaminlar tiamin metabolitlari ishtirokida faolsizlanishi mumkin. Askorbin kislotasi sianokobalaminning samaradorligini pasaytiradi. Shunday qilib, yuqorida ko‘rsatilgan preparatlar bir vaqtda buyurilmaydi.

Lidokain gidroxlorid tarkibiga bog‘liq bo‘lgan o‘zaro ta’sirlar.

Lidokain narkoz vositalari (geksobarbital, vena ichiga tiopental natriy), uxlatuvchi va sedativ vositalarning nafas markaziga susaytiruvchi ta’sirini kuchaytiradi. Uxlatuvchi va sedativ vositalar bilan bir vaqtda qo‘llanganda markaziy asab tizimiga susaytiruvchi ta’sirning kuchayishi mumkin. Etanol lidokainning nafas olish funksiyasiga susaytiruvchi ta’sirini kuchaytiradi. Beta-adrenoretseptorlar blokatorlari bilan bir vaqtda qo‘llanganda lidokain dozasini kamaytirish zarur. Polimiksin V bilan bir vaqtda qo‘llanganda nafas olish funksiyasini nazorat qilish zarur. MAO ingibitorlari bilan davolash davrida lidokainni parenteral qo‘llash mumkin emas, chunki bu arterial gipotenziya rivojlanish xavfini oshiradi. Prokainamid bilan bir vaqtda qo‘llanganda gallyutsinatsiyalar kuzatilishi mumkin. Lidokain nerv-mushak o‘tkazuvchanligini bloklaydigan preparatlarning ta’sirini kuchaytirishi mumkin, chunki ular nerv impulslarining o‘tkazuvchanligini kamaytiradi. Yurak glikozidlari bilan zaharlanishda lidokain AV-blokada og‘irligini kuchaytirishi mumkin. Lidokain yurak glikozidlarining kardiotonik ta’sirini susaytiradi.

Preparat ehtiyotkorlik bilan quyidagilar bilan birga buyuriladi:

beta-adrenoretseptorlar blokatorlari (jigarda lidokain metabolizmi sekinlashadi, lidokainning ta’siri (shu jumladan toksik ta’siri) kuchayadi va bradikardiya hamda arterial gipotenziya rivojlanish xavfi ortadi;

kuraresimon preparatlar (miorelaksatsiyaning chuqurlashishi (nafas mushaklari falajigacha) mumkin);

norepinefrin, meksiletin (lidokainning toksikligi kuchayadi, lidokain klirensi pasayadi);

izadrin, glyukagon (lidokain klirensi oshadi);

midazolam (qon plazmasida lidokain konsentratsiyasi oshadi);

barbituratlar, shu jumladan fenobarbital (jigarda lidokain metabolizmini tezlashtirishi, qondagi konsentratsiyasini pasaytirishi mumkin); - antiaritmik vositalar (amiodaron, verapamil, xinidin, aymalin, dizopiramid, propafenon), gidantoin hosilalari (kardiodepressiv ta’siri kuchayadi, amiodaron bilan bir vaqtda qo‘llash tutqanoq rivojlanishiga olib kelishi mumkin);

novokain, novokainamid (markaziy asab tizimining qo‘zg‘alishi va gallyutsinatsiyalar paydo bo‘lishi mumkin);

morfin bilan (morfinning og‘riq qoldiruvchi ta’siri kuchayadi);

prenilamin bilan (piruet tipidagi qorincha aritmiyasi rivojlanish xavfi ortadi);

rifampitsin (qonda lidokain konsentratsiyasining pasayishi mumkin);

fenitoin (lidokainning kardiodepressiv ta’sirini kuchaytiradi);

vazokonstriktorlar (epinefrin, metoksamin, fenilefrin) (lidokainning so‘rilishini sekinlashtiradi va uning ta’sirini uzaytiradi).

Maxsus ko‘rsatmalar

Psoriaz bilan og‘rigan bemorlarda qo‘llash asoslangan bo‘lishi kerak, chunki B12 vitamini teri belgilarini kuchaytirishi mumkin.

Uzoq muddatli davolanishda (5 oydan ortiq) B6 vitaminining dozasi oshirib yuborilganda (kuniga 500 mg dan ortiq) sensor nevropatiya rivojlanishi mumkin.

Kamdan-kam hollarda tarkibida B1 vitamini bo‘lgan preparat qayta yuborilganidan keyin anafilaktik shok rivojlanishi mumkin.

Yordamchi moddalar

Yurak va jigar yetishmovchiligi bo‘lgan bemorlarda ehtiyotkorlik bilan qo‘llash tavsiya etiladi, chunki preparat tarkibida lidokain mavjud.

Preparatni yangi tug‘ilgan chaqaloqlarga, ayniqsa, chala tug‘ilgan bolalarga buyurish mumkin emas, chunki preparat tarkibida benzil spirti mavjud.

Lidokainni qo‘llashdan oldin dori vositasiga individual sezuvchanlik uchun teri sinamasini o‘tkazish shart, buni inyeksiya joyidagi shish va qizarish ko‘rsatadi. Vaskulyarizatsiyalangan to‘qimalarga yuborilganda aspiratsion sinama o‘tkazish va lidokainning qon oqimiga tushishini oldini olish uchun ehtiyotkorlik bilan yuborish tavsiya etiladi. Lidokain gidroxloridni yuqori dozalarda yuborishdan oldin barbituratlar buyurish tavsiya etiladi.

Inyeksiya joyiga tarkibida og‘ir metallar bo‘lgan dezinfeksiyalovchi eritmalar bilan ishlov berilganda, og‘riq va shish ko‘rinishidagi mahalliy reaksiya rivojlanish xavfi ortadi.

Lidokain qo‘llanganda EKG nazorati shart. Sinus tuguni faoliyati buzilganda, PQ oralig‘i uzayganda, QRS kengayganda yoki yangi aritmiya rivojlanganda dozani kamaytirish yoki preparatni bekor qilish kerak.

Yurak yetishmovchiligi, arterial gipertenziya, noto‘liq atrioventikulyar blokada, qorincha ichi o‘tkazuvchanligining buzilishi, jigar va buyraklar faoliyatining buzilishi, epilepsiya, yurak operatsiyasidan keyin, gipertermiyaga genetik moyillik bo‘lgan bemorlarda, zaiflashgan bemorlarda ehtiyotkorlik bilan va kamroq dozalarda qo‘llaniladi.

Keksa yoshdagi bemorlarga, shuningdek, anamnezida aritmiya bo‘lgan shaxslarga ehtiyotkorlik bilan qo‘llaniladi.

MAO ingibitorlarini davolashdan kamida 10 kun oldin bekor qilish kerak.

Homiladorlik va laktatsiya davrida qo‘llash

Preparatni homiladorlikda qo‘llash mumkin emas. Preparatni qo‘llash zarur bo‘lganda emizishni to‘xtatish kerak.

Transport vositalari yoki potensial xavfli mexanizmlarni boshqarish qobiliyatiga ta’sir

Ushbu dori vositasini qo‘llagandan so‘ng, psixomotor reaksiyalarning tezligini talab qiladigan faoliyat bilan shug‘ullanish tavsiya etilmaydi.

Dozani oshirib yuborish

Doza oshirib yuborilganda tizimli reaksiyalar paydo bo‘lishi mumkin. Bosh aylanishi, bradikardiya, qusish yoki shok kabi nojo‘ya ta’sirlar paydo bo‘lishi mumkin.

Vitamin B6 yuqori dozalarda (kuniga 500 mg) uzoq muddat (5 oydan ortiq) qo‘llanganda periferik sensor nevropatiya paydo bo‘lishi mumkin.

Davolash simptomatik va qo‘llab-quvvatlovchi. Maxsus antidot mavjud emas.

Lidokain dozasini oshirib yuborish

Markaziy asab tizimi va yurak-qon tomir tizimining susayishi bilan bog‘liq asosiy simptomlar: umumiy holsizlik, bosh aylanishi, dezoriyentatsiya, tonik-klonik talvasalar, koma, tremor, ko‘rishning buzilishi, atrioventikulyar blokada, asfiksiya, ko‘ngil aynishi, qusish, eyforiya, psixomotor qo‘zg‘alish, asteniya, apnoe, bradikardiya, arterial bosimning pasayishi, kollaps. Sog‘lom odamlarda dozani oshirib yuborishning birinchi belgilari qonda lidokain gidroxlorid konsentratsiyasi 0,006 mg/kg dan yuqori bo‘lganda, talvasalar - 0,01 mg/kg bo‘lganda paydo bo‘ladi.

Davolash: preparatni yuborishni to‘xtatish, oksigenoterapiya, vazokonstriktorlar (noradrenalin, mezaton), xolinolitiklar. Bemor gorizontal holatda bo‘lishi kerak; toza havo kirishini, kislorod berilishini va/yoki sun’iy nafas oldirishni ta’minlash zarur. Markaziy asab tizimidagi alomatlar qisqa muddatli ta’sirga ega bo‘lgan benzodiazepinlar yoki barbituratlarni qo‘llash orqali bartaraf etiladi. Bradikardiya va o‘tkazuvchanlik buzilishlarini tuzatish uchun atropin (0,5-1,0 mg), arterial gipotenziyada simpatomimetiklar beta-adrenoretseptorlar agonistlari bilan birgalikda qo‘llaniladi. Yurak to‘xtab qolganda zudlik bilan reanimatsiya tadbirlarini o‘tkazish ko‘rsatilgan. Intubatsiya, o‘pkaning sun’iy ventilyatsiyasini qo‘llash mumkin. Lidokain dozasini oshirib yuborishning o‘tkir bosqichida dializ samara bermaydi. Maxsus antidot yo‘q.

Chiqarish shakli

Preparat kamida 2 ml dan 2 ml sig‘imli, jigarrang, I sinf gidrolitik shishadan yasalgan, sindirish halqasi bilan jihozlangan ampulalarga qadoqlanadi. Ampulalarga ampula yorliqlari qo‘yiladi va qadoqlanadi:

5 ta ampulani yacheykali o‘ramga, tibbiy qo‘llash bo‘yicha yo‘riqnoma bilan birga markalangan karton qutiga joylash;

10 ta ampulani 2 ta yacheykali o‘ramga, tibbiy qo‘llash bo‘yicha yo‘riqnoma bilan birga markirovkalangan karton qutiga joylash.

Saqlash shartlari

25 °C dan yuqori bo‘lmagan haroratda saqlanadi.

Bolalar qo‘li yetmaydigan joyda saqlang.

Yaroqlilik muddati

2 yil.

Yaroqlilik muddati o‘tgandan keyin qo‘llash mumkin emas.

Dorixonalardan berish sharti

Retsept bo‘yicha.

Ishlab chiqaruvchi

"K.O. Romfarm Kompani S.R.L.," Ruminiya, Otopen shahri, Yeroilor ko‘chasi, 1A-uy

O‘zbekiston Respublikasi hududida dori vositalarining sifati bo‘yicha e’tirozlarni (takliflarni) qabul qiluvchi tashkilotning nomi va manzili

"K.O. Romfarm Kompani S.R.L."

100080, Toshkent shahri, Niyozbek yo‘li ko‘chasi, 2-uy

Tel.: +99871-234-94-50