Ergoferon

Tarkib

1 tabletka quyidagilarni o‘z ichiga oladi:

Faol moddalar: odam gamma interferoniga affin tozalangan antitanalar - 0,006 g*; gistaminga affin tozalangan antitanalar - 0,006 g*; CD4 ga affin tozalangan antitanalar - 0,006 g*.

Yordamchi moddalar: laktoza monogidrati 0,267 g, mikrokristall sellyuloza 0,03 g, magniy stearati 0,003 g.

* laktoza monogidratiga mos ravishda 10012, 10030, 10050 marta suyultirilgan substansiyaning uchta faol suv-spirtli suyultirishlari aralashmasi ko‘rinishida surtiladi.

Tavsif

Yassi silindr shaklidagi, chiziqcha va faskali, oqdan deyarli oq ranggacha bo‘lgan tabletkalar. Tekis tomoniga chiziqcha bilan MATERIA MEDICA, boshqa tekis tomoniga ERGOFERON yozuvi tushirilgan.

Dori shakli

So‘rish uchun gomeopatik tabletkalar.

Farmakoterapevtik guruh

Virusga qarshi vosita, antigistamin vosita. ATX kodlari. J05AX, R06A

Farmakologik xususiyatlari

Ergoferonning farmakologik faollik spektri virusga qarshi, immunomodullovchi, antigistamin, yallig‘lanishga qarshi funksiyalarni o‘z ichiga oladi.

Ergoferon komponentlarini virusli yuqumli kasalliklar: gripp A va gripp B, o‘tkir respirator virusli infeksiyalar (paragripp viruslari, adenoviruslar, respirator-sinsitial viruslar, koronaviruslar keltirib chiqaradigan), gerpesvirusli infeksiyalar (lab gerpesi, oftalmogerpes, genital gerpes, belbog‘simon gerpes, suvchechak, yuqumli mononukleoz), virusli etiologiyali o‘tkir ichak infeksiyalari (kalitsiviruslar, koronaviruslar, rotaviruslar, enteroviruslar keltirib chiqaradigan), enterovirusli va meningokokkli meningitlar, buyrak sindromi bilan gemorragik isitma, kana ensefalitida qo‘llash samaradorligi eksperimental va klinik jihatdan isbotlangan.

Preparat bakterial infeksiyalarni kompleks davolashda qo‘llaniladi (psevdotuberkulyoz, ko‘kyo‘tal, iyersinioz, turli etiologiyali pnevmoniya, shu jumladan atipik qo‘zg‘atuvchilar (M.pneumoniae, C.Pneumoniae, Legionella spp.)), virusli infeksiyalarning bakterial asoratlarini oldini olish uchun ishlatiladi, superinfeksiyalar rivojlanishining oldini oladi. Preparatni emlashdan oldingi va keyingi davrda qo‘llash emlash samaradorligini oshiradi, emlashdan keyingi immunitet shakllanishi paytida O‘RVI va grippning nospetsifik profilaktikasini ta’minlaydi. Ergoferon gripp bo‘lmagan etiologiyali O‘RVIga nisbatan profilaktik samaradorlikka ega bo‘lib, emlashdan keyingi davrda interkurrent kasalliklar rivojlanishining oldini oladi.

Preparat tarkibiga kiruvchi komponentlar CD4 retseptori, interferon gamma (IFN-γ) va gistamin retseptorlarining funksional faolligini oshirish ko‘rinishidagi yagona ta’sir mexanizmiga ega bo‘lib, bu kuchli immunotrop ta’sir bilan kechadi.

Gamma interferoniga qarshi antitanalar tajribada quyidagicha ekanligi isbotlangan:

IFN-γ, IFN α/β, shuningdek, ular bilan bog‘liq interleykinlar (IL-2, IL-4, IL-10 va boshqalar) ekspressiyasini oshiradi, IFNning ligand-retseptor o‘zaro ta’sirini yaxshilaydi, sitokin holatini tiklaydi; organizmning tabiiy virusga qarshi chidamliligining muhim omili bo‘lgan IFN-γ ga qarshi tabiiy antitelolar konsentratsiyasi va funksional faolligini me’yorlashtiradi; interferonga bog‘liq biologik jarayonlarni rag‘batlantiradi: I, II turdagi gistomoslikning asosiy kompleksi antigenlari va Fc-retseptorlari ekspressiyasining induksiyasini, monotsitlarning faollashuvini, NK-hujayralarining funksional faolligini rag‘batlantirishni, Th1 va Th2 aralash immun javobini faollashtirgan holda immunoglobulinlar sintezini boshqarishni rag‘batlantiradi.

CD4 ga qarshi antitanalar, ehtimol, ushbu retseptorning allosterik modulyatorlari bo‘lib, CD4 retseptorining funksional faolligini boshqaradi, bu esa CD4 limfotsitlarining funksional faolligini oshirishga, CD4/CD8 immunoregulyator indeksini, shuningdek, immunokompetent hujayralarning subpopulyatsion tarkibini (CD3, CD4, CD8, CD16, CD20) me’yorlashtirishga olib keladi.

Gistaminga qarshi antitanachalar periferik va markaziy H1-retseptorlarning gistaminga bog‘liq faollashuvini o‘zgartiradi va shu bilan bronxlar silliq mushaklari tonusini pasaytiradi, kapillyarlar o‘tkazuvchanligini kamaytiradi, bu esa rinoreya, burun shilliq qavati shishi, yo‘tal va aksirishning davomiyligi va ifodalanishining qisqarishiga, shuningdek, semiz hujayralar va bazofillardan gistamin ajralishini, leykotrienlar ishlab chiqarilishini, adgeziya molekulalari sintezini, eozinofillar xemotaksisini va allergen bilan aloqa reaksiyalarida trombotsitlar agregatsiyasini pasaytirishi hisobiga infeksion jarayonga hamroh bo‘lgan allergik reaksiyalarning ifodalanishini kamaytirishga olib keladi.

Kompleks preparat komponentlarining birgalikda qo‘llanilishi uning tarkibiga kiruvchi komponentlarning virusga qarshi faolligi kuchayishi bilan kechadi.

Farmakokinetika

Zamonaviy fizik-kimyoviy tahlil usullarining sezgirligi (gaz-suyuqlik xromatografiyasi, yuqori samarali suyuqlik xromatografiyasi, xromato-mass-spektrometriya) biologik suyuqliklar, a’zolar va to‘qimalardagi o‘ta kichik dozalardagi antitanalar miqdorini baholash imkonini bermaydi, bu esa Ergoferon preparatining farmakokinetikasini o‘rganishni texnik jihatdan imkonsiz qiladi.

Qo‘llanilishi

A va B grippining oldini olish va davolash.

Paragripp virusi, adenovirus, respirator-sinsitial virus, koronavirus qo‘zg‘atgan o‘tkir respirator virusli infeksiyalarning oldini olish va davolash.

Gerpes virusli infeksiyalarning (lab gerpesi, oftalmogerpes, genital gerpes, suvchechak, belbog‘simon gerpes, infeksion mononukleoz) oldini olish va davolash.

Virus etiologiyali o‘tkir ichak infeksiyalarining (kalitsivirus, adenovirus, koronavirus, rotavirus, enteroviruslar keltirib chiqargan) oldini olish va davolash.

Enterovirusli va meningokokkli meningit, buyrak sindromi bilan kechuvchi gemorragik isitma, kana ensefalitining oldini olish va davolash.

Bakterial infeksiyalarni kompleks davolashda qo‘llash (psevdotuberkulyoz, ko‘kyo‘tal, iyersinioz, turli etiologiyali pnevmoniya, shu jumladan atipik qo‘zg‘atuvchilar (M.pneumoniae, C.Pneumoniae, Legionella spp.)); virusli infeksiyalarning bakterial asoratlarini oldini olish, superinfeksiyalarning oldini olish.

Qo‘llash usuli va dozalari

Ichkariga. Bir marta qabul qilish uchun - 1 tabletka (ovqatlanish vaqtida emas). Tabletkani yutib yubormasdan, to‘liq eriguncha og‘izda ushlab turish kerak.

6 oylikdan boshlab bolalarga. Preparatni kichik yoshdagi (6 oylikdan 3 yoshgacha) bolalarga buyurganda, tabletkani oz miqdorda (1 osh qoshiq) xona haroratidagi qaynatilgan suvda eritish tavsiya etiladi.

Davolashni imkon qadar erta, o‘tkir infeksiyaning birinchi belgilari paydo bo‘lganda quyidagi sxema bo‘yicha boshlash kerak: dastlabki 2 soat davomida preparat har 30 daqiqada qabul qilinadi, so‘ngra birinchi sutka davomida teng vaqt oralig‘ida yana uchta qabul amalga oshiriladi. Ikkinchi kundan boshlab to‘liq tuzalguncha 1 tabletkadan kuniga 3 mahal ichiladi.

Virusli yuqumli kasalliklarning oldini olish uchun - kuniga 1-2 tabletkadan. Tavsiya etilgan profilaktika kursining davomiyligi individual ravishda belgilanadi va 1-6 oyni tashkil etishi mumkin.

Zarurat tug‘ilganda preparatni boshqa virusga qarshi va simptomatik vositalar bilan birga qo‘llash mumkin.

Nojo‘ya ta’sirlari

Preparatning tarkibiy qismlariga yuqori individual sezuvchanlik reaksiyalari kuzatilishi mumkin.

Qarshi ko‘rsatmalar

Preparat komponentlariga yuqori individual sezuvchanlik.

Dorilarning o‘zaro ta’siri

Boshqa dori vositalari bilan nomutanosiblik holatlari hozirgacha qayd etilmagan.

Maxsus ko‘rsatmalar

Preparat tarkibiga laktoza monogidrati kiradi, shu sababli uni tug‘ma galaktozemiya, glyukoza yoki galaktoza malabsorbsiyasi sindromi yoki tug‘ma laktoza yetishmovchiligi bo‘lgan bemorlarga buyurish tavsiya etilmaydi.

Ergoferon transport vositalari va boshqa potensial xavfli mexanizmlarni boshqarish qobiliyatiga ta’sir ko‘rsatmaydi.

Homiladorlik va laktatsiya davri

Ergoferonni homiladorlik va laktatsiya davrida qo‘llashning xavfsizligi o‘rganilmagan. Preparatni buyurish zarur bo‘lganda, xavf/foyda nisbatini hisobga olish lozim.

Preparatni bolalar qo‘li yetmaydigan joyda saqlang va yaroqlilik muddati tugaganidan keyin ishlatmang.

Dozani oshirib yuborish

Doza tasodifan oshirib yuborilganda, preparat tarkibiga kiruvchi to‘ldiruvchilar tufayli dispeptik hodisalar kuzatilishi mumkin.

Chiqarish shakli

So‘rish uchun gomeopatik tabletkalar. Polivinilxlorid plyonkasi va alyuminiy folgasidan yasalgan konturli katakli o‘ramda 20 tadan tabletka.

1, 2 yoki 5 ta konturli yacheykali o‘ramlar tibbiy qo‘llash bo‘yicha yo‘riqnoma va/yoki davlat va rus tillaridagi varaq-qo‘shimcha bilan birga karton qutiga joylashtiriladi.

Saqlash shartlari

Yorug‘lik tushmaydigan joyda, 25 °C dan yuqori bo‘lmagan haroratda.

Yaroqlilik muddati

3 yil.

Dorixonalardan berish shartlari

Retseptsiz.

Ishlab chiqaruvchi

"MATERIYA MEDIKA XOLDING" MCHJ; Rossiya, 127473, Moskva shahri,

3-samotekashniy per., 9-uy. Tel./faks: (495) 684-43-33.

Dori preparati ishlab chiqarilgan joyning manzili

Rossiya, 454139, Chelyabinsk shahri, Buguruslanskaya ko‘chasi, 54-uy.