Eskuzan

Tarkib

1 g tarkibida:

Faol moddalar: soxta kashtan urug‘idan olingan quruq ekstrakt (5-7:1) 47,25 mg; ekstragent: etanol 60% (V/V), tiamin gidroxlorid 5,0 mg.

Yordamchi moddalar: Etanol 96%, laktoza monogidrati, yuqori dispersli kremniy dioksidi, tozalangan suv.

Tavsif

Sariqdan qizil-jigarranggacha bo‘lgan shaffof yoki biroz loyqa suyuqlik. Saqlash jarayonida cho‘kma hosil bo‘lishi mumkin.

Dori shakli

Ichish uchun eritma.

Farmakoterapevtik guruh

Angioprotektorlar. Tomirlar o‘tkazuvchanligini pasaytiruvchi preparatlar. ATX kodi: CO5CX.

Farmakologik xususiyatlari

Venotonik, antieksudativ ta’sirga ega. Lizosoma fermentlari konsentratsiyasini pasaytiradi va kapillyarlar devorida mukopolisaxaridlar degradatsiyasini tormozlaydi. Past molekulali oqsillar, elektrolitlar va suvning hujayralararo bo‘shliqqa filtrlanishini oldini olib, tomirlar o‘tkazuvchanligini kamaytiradi.

Transkapillyar filtratsiyani pasaytiradi va periferik shishlarni, oyoqlarda og‘irlik hissini, charchoqni, taranglikni, qichishishni, og‘riqni kamaytiradi.

Ko‘rsatmalar

Surunkali venoz yetishmovchilik (varikoz va posttrombotik genezli) va uning asoratlari, shu jumladan qon ta’minotining funksional buzilishlari (shishlar, boldir mushaklarining tortishishi, oyoqlarda og‘riq va og‘irlik hissi, venalarning varikoz kengayishi va gemorroidal tugunlar).

Qo‘llash usuli va dozalari

Ichga, ovqatdan oldin 12-15 tomchidan oz miqdordagi suyuqlik bilan kuniga 3 mahal.

Ishlatishdan oldin chayqating!

Qabul shikoyatlar yo‘qolguncha davom etadi.

Qarshi ko‘rsatmalar

Preparat komponentlariga yuqori sezuvchanlik, homiladorlik, 12 yoshgacha bo‘lgan bolalar.

Ushbu preparat laktoza miqdori tufayli, nasldan-naslga o‘tadigan galaktozani ko‘tara olmaslik, genetik sabablarga ko‘ra laktoza yetishmovchiligi yoki glyukoza va galaktoza so‘rilishining buzilishi bilan og‘rigan bemorlarga mo‘ljallanmagan.

Nojo‘ya ta’sirlari

Preparat qabul qilinganda kamdan-kam hollarda oshqozon-ichak trakti shilliq qavatining ta’sirlanishi, ayrim hollarda esa o‘ta yuqori sezuvchanlik reaksiyalari yuzaga kelishi mumkin.

Dorilarning o‘zaro ta’siri

Infuziya uchun sulfat saqlovchi eritmalar bir vaqtda qo‘llanganda tiaminning ta’siri susayadi.

Maxsus ko‘rsatmalar

O‘simlik ekstrakti asosidagi preparat uzoq muddat saqlanganda va ayniqsa harorat o‘zgarganda loyqalanishga, cho‘kma hosil bo‘lishiga moyil bo‘ladi, ammo bu preparatning ta’siriga ta’sir ko‘rsatmaydi.

Homiladorlik va emizish

Homiladorlik va emizish davrida qo‘llanilishi yetarli darajada o‘rganilmagan. Tarkibida alkogol bor!

Avtotransportni boshqarish va mexanizmlarni boshqarish

Tarkibida kamida 28,8 hajmiy% etanol mavjud bo‘lib, u avtotransportni boshqarish va mexanizmlarni boshqarishda psixomotor reaksiyalarga ta’sir ko‘rsatishi mumkin.

Preparatni bolalar qo‘li yetmaydigan joyda saqlash va yaroqlilik muddati tugaganidan keyin ishlatmaslik kerak.

Dozani oshirib yuborish

Og‘ir intoksikatsiyalarni kutmaslik kerak. Dozani sezilarli darajada oshirib yuborish natijasida ichilganda oshqozon-ichak buzilishlari paydo bo‘lishi mumkin.

Davolash: simptomatik.

Chiqarish shakli

Flakonlar 20 ml dan.

Saqlash shartlari

8 dan 25 °C gacha haroratda saqlanadi. Muzlatilmaydi.

Saqlash muddati

3 yil.

Dorixonalardan berish shartlari

Retseptsiz.

Ishlab chiqaruvchi

Farma Vernigerode GmbX

Dornbergsveg 35

38855 Vernigerode, Germaniya