Evamoks

Tarkib

1000 ml infuziya uchun eritma quyidagilarni o‘z ichiga oladi:

L-prolin (C5H9NO2) - 1,00 g;

L-serin (C3H7NO3) - 1,00 g;

L-alanin (C3H7NO2) - 2,00 g;

L-izoleysin (C6H13NO2) - 3,52 g;

L-leysin (C6H13NO2) - 4,90 g;

L-asparagin kislota (C4H7NO4) - 2,50 g;

L-tirozin (C9H11NO3) - 0,25 g;

L-glutamin kislotasi (C5H9NO4) - 0,75 g;

L-fenilalanin (C9H11NO2) - 5,33 g;

L-arginin gidroxlorid (C6H14N4O2*HCl) - 5,00 g;

L-lizin gidroxlorid (C6H14N2O2 HCl) - 4,30 g;

L-valin (C5H11NO2) - 3,60 g; L-treonin (C4H9NO3) - 2,50 g;

L-gistidin gidroxlorid monogidrati (C6H9N3O2.HCl.H2O) - 2,50 g;

L-triptofan (C11H12N2O2) - 0,90 g;

L-metionin (C5H11NO2S) - 2,25 g;

L-sistin (C6H12N2O4S2) / - 0,1 g;

L-sistein gidroxlorid monogidrati (C3H7NO2 S*HCl*H2O) - 0,172 g;

Glitsin (C2H5NO2) - 7,60 g;

Sorbit (C6H14NO6) - 50,00 g;

Natriy bisulfit (NaHSO3) - 0,50 g;

Natriy metabisulfit (Na2S2O5) - 0,457 g;

Inyeksiya uchun suv - 1000 ml gacha.

Tavsif

Rangsiz yoki deyarli rangsiz tiniq eritma.

Dori shakli

Infuziya uchun eritma - 250 ml 200 ml.

Farmakoterapevtik guruh

Parenteral oziqlantirish uchun vosita. ATX kodi:B05BA01.

Qo‘llanilishi

Turli genezli gipoproteinemiya va suyuqlik yo‘qotilishida parenteral oqsilli ovqatlanish; operatsiyadan oldingi yoki keyingi davrda odatdagi usulda ovqatlanishni imkonsizligi yoki keskin cheklanishi; keng ko‘lamli chuqur kuyishlar (ayniqsa, kuyishdan oriqlash); jarohatlar, sinishlar, yiringli jarayonlar, sepsis; ichakning yallig‘lanish kasalliklari, kaxeksiya, zaharlanishlar; oshqozon-ichak traktining xavfli o‘smalari, doimiy isitmali holatlar; bolalarda oqsilli distrofiya, oshqozon-ichak traktining nuqsonlari.

Operatsiyadan keyingi davrda metabolik va reparativ jarayonlarni yaxshilash zarur bo‘lganda. Ovqat hazm qilish, so‘rilish va chiqarilish jarayonida oqsillar almashinuvi buzilganda, oqsilga bo‘lgan ehtiyojning ortishi yoki sarflanishi natijasida yuzaga keladigan oqsil tanqisligini to‘ldirish yoki bartaraf etish.

Qo‘llash usuli va dozalari

Preparat venaga tomchilab, bemorning ahvoli diqqat bilan kuzatilib, asta-sekin yuboriladi.

Bemorning klinik holati va uning aminokislotalar hamda suyuqlikka bo‘lgan ehtiyoji, tana vazni hamda katabolizm darajasiga qarab dozalanadi.

Kattalar: 0,6 dan 1,0 g gacha aminokislotalar (sutkasiga 10 ml gacha eritma/kg tana vazni).

Katabolik holatlarda - 1,3-2 g aminokislotalar (sutkasiga 40 ml gacha eritma/kg tana vazni).

2-8 yoshli bolalar: 1,0-2,0 g aminokislotalar (sutkasiga 40 ml gacha eritma/kg tana vazni).

Maksimal sutkalik doza - 2,0 g aminokislota/kg tana vazni. Infuziyaning maksimal tezligi soatiga tana vazniga 2 ml/kg, bu soatiga 0,1 g aminokislota/kg tana vazniga teng.

Kattalarda parenteral ovqatlanishda yuborilgan suyuqlikning umumiy miqdori sutkasiga tana vazniga nisbatan 40 ml/kg dan oshmasligi kerak.

Preparat bemorni enteral yoki peroral ovqatlantirishga to‘liq o‘tkazilgunga qadar qo‘llaniladi.

Nojo‘ya ta’sirlari

Odatda preparat yaxshi o‘zlashtiriladi. Ayrim hollarda - ko‘ngil aynishi, qusish, qaltirash, flebit (ayniqsa tez yuborilganda).

Preparat tarkibida natriy disulfit bo‘lishi natijasida ayrim hollarda (ayniqsa, bronxial astma bilan og‘rigan bemorlarda) giperergik reaksiyalar, qusish, ich ketishi, nafas qisilishi, bronxial astma xurujlari, hushning buzilishi, shok kuzatilishi mumkin.

Bundan tashqari, natriy disulfitning preparatning boshqa komponenti - triptofan bilan o‘zaro ta’sir mahsulotlari qon plazmasida bilirubin miqdorini va jigar fermentlari faolligini oshirishi mumkin.

Qarshi ko‘rsatmalar

Hayot uchun xavfli bo‘lgan beqaror qon aylanishi (shok).

Gipoksiya - hujayralarning kislorod bilan yetarli darajada ta’minlanmasligi.

Og‘ir jigar va buyrak yetishmovchiligi.

Dekompensatsiya bosqichidagi yurak yetishmovchiligi.

Aminokislotalar almashinuvining buzilishi.

Metabolik atsidoz.

Bosh miya jarohatining o‘tkir davri.

Diqqat: Komali holatni keltirib chiqarishi mumkin bo‘lgan koma yoki bosh miya faoliyati buzilgan bemorlar uchun preparatni qo‘llash taqiqlanadi.

Dozani oshirib yuborish

Preparatning dozasini oshirib yuborish haqida ma’lumotlar keltirilmagan.

Boshqa dorilar bilan o‘zaro ta’siri, boshqa o‘zaro ta’sirlar

Boshqa dori vositalari bilan mos kelmaydi (bir eritmada aralashtirmaslik kerak).

Saqlash shartlari

Yorug‘likdan himoyalangan joyda, 25 °C dan yuqori bo‘lmagan haroratda.

Bolalar qo‘li yetmaydigan joyda saqlang.

Faqat shikastlanmagan flakonlardagi shaffof eritmalardan foydalaning. Preparat ochilgandan so‘ng, uni darhol ishlatish kerak. Preparatni avval ishlatilgan flakondan ikkilamchi ishlatmang.

Yaroqlilik muddati

Yaroqlilik muddati 2 yil.

Yaroqlilik muddati tugagandan keyin qo‘llanilmaydi.

Ishlab chiqaruvchi

SHIJIAZHUANG NO.4 PHARMACEUTICAL CO., LTD

Xitoy.