ёрдамчи моддалар: дисперсия қилинувчи целлюлоза, микрокристалл целлюлоза, кросповидон, ванилин, мандарин ароматизатори, лимон ароматизатори, сахарин, магний стеарати.

Оқдан оч-сариқ ранглигача бўлган, овал шаклли бир томонида фирманинг логотипи ва рақамли белгиси ва бошқа томонда таблеткани иккига бўлувчи рискаси бўлган дисперсия қилинувчи таблеткалар.

Рақамли белгилар:

Флемоксин Солютаб (125 мг) - "231".

Флемоксин Солютаб (250 мг) - "232".

Флемоксин Солютаб (500 мг) - "234".

Флемоксин Солютаб (1000 мг) -"236".

Дисперсия қилинувчи таблеткалар.

Антибиотик, яримсинтетик пенициллин. Код АТХ: J01СA04.

Фармакодинамикаси

Флемоксин Солютаб - яримсинтетик пенициллинлар гуруҳига кирувчи кенг таъсир доирали кислотага чидамли бактерицид антибиотик. Streptococcus pyogenes, Streptococcus pneumoniae, Clostridium tetani, Clostridium welchii, Neisseria gonorrhoeae, Neisseri meningitides, Streptococcus aureus (бета-лактамазаларни ишлаб чиқармайдиганлари), Bacillius anthracis, Listeria monocytogenes, Helicobacter pylori каби граммусбат ва грамманфий микроорганизмларга нисбатан фаол. Enterococcus faecalis, Escherichia coli, Proteus mirablis, Salmonella typhi, Shigella sonnei, Vibrio cholerae ларга нисбатан камроқ фаол. Бета-лактамазаларни ишлаб чиқарувчи Pseudomonas spp., индол-мусбат Proteus spp., Serratia spp., Enterobacter spp. ларга нисбатан фаол эмас.

Фармакокинетикаси

Сўрилиши

Ичга қабул қилинганидан кейин амоксициллин тез ва деярли тўлиқ сўрилади (93%), кислотага чидамли. Овқат қабул қилиш препаратни сўрилишига деярли таъсир қилмайди. Фаол модданинг плазмадаги максимал концентрацияси 1-2 соатдан кейин кузатилади. 500 мг амоксициллин ичга қабул қилинганидан кейин, фаол модданинг 5 мкг/мл ни ташкил этувчи максимал концентрацияси қон плазмасида 2 соатдан кейин аниқланади. Препаратнинг дозаси 2 марта оширилганда ёки камайтирилганда қон плазмасидаги максимал концентрацияси ҳам 2 марта ўзгаради.

Тақсимланиши

Тахминан 20% амоксициллин плазма оқсиллари билан боғланади. Амоксициллин шиллиқ қаватларга, суяк тўқимасига ва кўз ички суюқлигига ва балғамга терапевтик самарали концентрацияларда киради. Амоксициллиннинг сафродаги концентрацияси унинг плазмадаги концентрациясидан 2-4 марта ортиқ. Амниотик суюқликда ва киндик томирларида амоксициллиннинг концентрацияси ҳомиладор аёлнинг қон плазмасидаги даражасининг 25-30% ни ташкил қилади. Амоксициллин ГЭБ дан ёмон ўтади; бироқ мия қобиқларини яллиғланишида орқа мия суюқлигидаги концентрацияси қон плазмасидаги концентрациясининг тахминан 20% ни ташкил қилади.

Метаболизми

Амоксициллин жигарда қисман метаболизмга учрайди, унинг кўпчилик метаболитлари микробиологик фаолликка эга эмас.

Чиқарилиши

Амоксициллин асосан буйраклар орқали, тахминан 80% найчалар экскрецияси йўли билан, 20% - калава фильтрацияси орқали чиқарилади.

Буйраклар фаолиятини бузилиши бўлмаганида амоксициллиннинг ярим чиқарилиш даври 1-1,5 соатни ташкил қилади. Чала туғилган чақалоқларда, янги туғилган чақалоқларда ва 6 ойликдан кичик болаларда - 3-4 соат.

Алоҳида клиник ҳолларда фармакокинетикаси

Жигар фаолиятини бузилишларида амоксициллиннинг ярим чиқарилиш даври ўзгармайди.

Буйраклар фаолиятини бузилишида (креатинин клиренси ≤15 мл/мин) амоксициллиннинг ярим чиқарилиш даври ошиши мумкин ва анурияда 8,5 соатга етади.

Препаратга сезгир микроорганизмлар чақирган қуйидаги инфекцион-яллиғланиш касалликларда қўлланади:

нафас аъзоларининг инфекцияларида;
сийдик-жинсий тизими аъзоларининг инфекцияларида;
МИЙ аъзоларининг инфекцияларида;
тери ва юмшоқ тўқималарнинг инфекцияларида.

Препаратга ва бошқа бета-лактам антибиотикларига юқори сезувчанлик.

Эҳтиёткорлик билан

Ксенобиотикларга поливалент ўта юқори сезувчанлик, инфекцион мононуклеоз, лимфолейкоз, анамнездаги МИЙ касалликлари (айниқса антибиотикларни қабул қилиш билан боғлиқ колит), буйрак етишмовчилиги, ҳомиладорлик, лактация даври.

Ичга (перорал).

Доза касалликни кечиш оғирлигига, пациентнинг ёшига қараб шахсий белгиланади.

Енгил ва ўртача даражадаги инфекцион-яллиғланиш касалликларда препаратни қуйидаги схема бўйича қўллаш тавсия қилинади: катталар ва 10 ёшдан ошган болаларга 500-750 мг дан суткада 2 марта ёки 375-500 мг дан суткада 3 марта буюрилади. 3 ёшдан 10 ёшгача бўлган болаларга 375 мг дан суткада 2 марта ёки 250 мг дан суткада 3 марта буюрилади.

1 ёшдан 3 ёшгача бўлган болаларга 250 мг дан суткада 2 марта ёки 125 мг дан суткада 3 марта буюрилади.

Болалар учун препаратнинг суткалик дозаси 2-3 қабулга бўлинган суткада 30-60 мг/кг ни ташкил қилади.

Оғир инфекцияларни даволашда, шунингдек чуқур жойлашган инфекция ўчоқлари бўлган инфекцияларда (масалан, ўткир ўрта отит) препаратни уч марта қабул қилиш афзалдир.

Сурункали касалликларда, қайталанувчи инфекцияларда, оғир кечувчи инфекцияларда препаратнинг дозаси оширилиши мумкин: катталарга 750-1 г дан суткада 3 марта; болаларга суткада 60 мг/кг гача, 3 қабулга бўлиб буюрилади.

Ўткир асоратланмаган гонореяда 3 г препарат 1 қабулда 1 г пробенецид билан бирга буюрилади.

Буйраклар фаолиятини бузилиши бўлган пациентларда креатинин клиренси минутига 10 мл дан кам бўлганида препаратнинг дозаси 15-50% га камайтирилади.

Препарат овқатдан олдин, овқат вақтида ёки овқат қабул қилгандан кейин буюрилади. Таблеткани бутунлигича ютиш, қисмларга бўлиш ёки чайнаш, сув билан бирга ичиш мумкин, шунингдек сувда ёқимли мева таъмига эга сиропни (20 мл) ёки суспензияни (100 мл) ҳосил қилиш билан суюлтириш мумкин.

Енгил ва ўртача даражада кечувчи инфекцияларда препарат 5-7 кун давомида қабул қилинади. Бироқ Streptococcus pyogenes чақирган инфекцияларда даволашнинг давомийлиги камида 10 кунни ташкил қилиши лозим.

Сурункали касалликларни, оғир кечувчи инфекцияларни даволашда препаратнинг дозаси касалликнинг клиник манзараси билан белгиланиши керак. Препаратни қабул қилишни касалликнинг симптомлари йўқолгандан кейин 48 соат давомида давом эттириш керак.

МИЙ томонидан: кам - таъмни ўзгариши, кўнгил айниши, қусиш, диарея; алоҳида ҳолларда - “жигар” трансаминазалари фаоллигини ўртача ошиши, камдан-кам - сохтамембраноз ва геморрагик колитлар.

Сийдик чиқариш тизими томонидан: камдан-кам - интерстициал нефритни ривожланиши.

Қон яратиш тизими томонидан: кам - агранулоцитоз, нейтропения, тромбоцитопения, гемолитик анемия бўлиши мумкин, аммо улар ҳам камдан-кам ҳолларда кузатилади.

Аллергик реакциялар: тери реакциялари, асосан специфик макулопапулез тошмалар кўринишида; кам - кўп шаклли экссудатив эритема (Стивенс-Джонсон синдроми); алоҳида ҳолларда - анафилактик шок, ангионевротик шиш.

Симптомлари: МИЙ фаолиятини бузилиши - кўнгил айниши, қусиш, диарея; қусиш, диарея оқибатида сув-электролит балансини бузилиши мумкин.

Даволаш: меъдани ювиш, фаоллаштирилган кўмир, тузли сурги воситалари буюрилади; сув-электролит балансини тиклаш учун чоралар кўрилади.

Пробенецид, фенилбутазол, оксифенбутазол, камроқ даражада - ацетилсалицил кислотаси ва сульфинпиразон пенициллин қатори препаратларининг найчалар секрециясини тормозлайди, бу амоксициллиннинг ярим чиқарилиш даврини ва қон плазмасидаги концентрациясини ошишига олиб келади.

Бактерицид антибиотиклар (шу жумладан аминогликозидлар, цефалоспоринлар, ванкомицин, рифампицин) бир вақтда қабул қилинганида синергик таъсир кўрсатади; айрим бактериостатик препаратлар (масалан, хлорамфеникол, сульфаниламидлар) билан бирга қабул қилинганида антагонизм бўлиши мумкин.

Антацидлар, глюкозамин, сурги дори воситалари препаратни сўрилишини пасайтиради ва сусайтиради, аскорбин кислотаси оширади. Билвосита антикоагулянтлар билан қўлланганида антикоагулянтларнинг самарадорлиги ошади (ичак микрофлорасини сусайиши туфайли).

Метотрексатни чиқарилиш тезлигини камайтиради ва дигоксинни сўрилишини кучайтиради. Эстроген сақловчи орал контрацептивлар билан бирга қабул қилиш, уларнинг самарадорлигини пасайишига ва “шиддатли” қон кетишларни ривожланиши хавфини ошишига олиб келади. Аллопуринол билан бир вақтда буюриш аллопуринолни ампициллин билан бирга қўлланишидан фарқли равишда тери реакцияларининг тез-тезлигини оширмайди.

Анамнезда эритродермияни бўлиши Флемоксин Солютабни қўллашга қарши кўрсатма ҳисобланмайди.

Пенициллин қатори препаратлари ва цефалоспоринлар билан қарама-қарши чидамлилик бўлиши мумкин.

Бошқа пенициллин қатори препаратларини қўллашдаги каби, суперинфекция ривожланиши мумкин.

Сохтамембраноз колитга хос бўлган оғир диареяни пайдо бўлиши препаратни бекор қилиш учун кўрсатмадир.

Инфекцион мононуклеоз ва лимфолейкози бўлган беморларга препаратни эҳтиёткорлик билан буюриш лозим, чунки ноаллергик генезга эга экзантемани пайдо бўлиш эҳтимоли юқори.

Пенициллин қатори препаратлари ва цефалоспоринларга қарама-қарши ўта юқори сезувчанлик бўлиши мумкин.

Ҳомиладорлик ва лактация

Ҳомиладорлик ва лактация даврида препаратни, агарда препаратни қўллашдан кутилаётган ижобий натижа ножўя таъсирларни ривожланиш хавфидан устун бўлгандагина буюриш мумкин. Амоксициллин оз миқдорда кўкрак сути билан чиқарилади, бу болада сенсибилизация кўринишларини ривожланишига олиб келиши мумкин.

Дисперсия қилинувчи таблеткалар 125 мг - 5 ёки 7 таблеткадан поливинилхлорид плёнка ва алюминий фольга блистерда. 4 ёки 2 блистер қўллаш бўйича йўриқномаси билан бирга картон қутида.

Дисперсия қилинувчи таблеткалар 250 мг, 500 мг ва 1000 мг - 5 таблеткадан поливинилхлорид плёнка ва алюминий фольга блистерда. 4 блистер қўллаш бўйича йўриқномаси билан бирга картон қутида.

Препарат 25 °С дан юқори бўлмаган ҳароратда сақлансин.

Болалар олаолмайдиган жойда сақлансин.

5 йил.

Ўрамида кўрсатилган яроқлилик муддати ўтгач ишлатилмасин.

Шифокор рецепти бўйича.

«Астеллас Фарма Юроп Б.В.»,

Хогемаат 2, 7942 JG Меппель, Нидерландия.