Ginenorm

Tarkib

100 ml preparat tarkibida quyidagilar mavjud:

faol modda: ibuprofen izobutilammoniy 0,1 g (0,0698 g ibuprofenga ekvivalent);

yordamchi moddalar: metil-etil-propil-butil-2-fenoksietanol-p-gidroksibenzoat (undebenzofen), polisorbat 20, propilenglikol, gul essensiyasi, tozalangan suv.

Tavsif

Shaffof rangsiz eritma.

Dori shakli

0,1% li vaginal eritma.

Farmakoterapevtik guruh

Vaginal qo‘llash uchun nosteroid yallig‘lanishga qarshi vosita. ATX kodi: G02CC01.

Farmakologik xususiyatlari

Farmakokinetika

Mahalliy qo‘llanganda so‘rilishi kam.

Farmakodinamika

YAQNDV. Yallig‘lanishga qarshi, og‘riq qoldiruvchi va isitma tushiruvchi ta’sir ko‘rsatadi. Ta’sir mexanizmi yallig‘lanish, og‘riq va isitma patogenezida asosiy rol o‘ynaydigan prostoglandinlarning o‘tmishdoshi bo‘lgan araxidon kislotasi metabolizmining asosiy fermenti - SOG (siklooksigenaza) faolligini bostirish bilan bog‘liq.

Qo‘llanilishi

turli etiologiyali va barcha turdagi vulvovaginitlar va servikovaginitlar;

ginekologik jarrohlikda jarrohlik aralashuvlaridan oldin va keyin.

Tayyor eritmadan foydalanish yallig‘lanish intensivligiga mos bo‘lishi kerak.

Qo‘llash usuli va dozalari

Shifokor tavsiyasiga ko‘ra, kuniga 1 yoki 2 marta qinni yuvish.

Qo‘llash bo‘yicha yo‘riqnoma

Eritma xona haroratida ishlatilishi mumkin yoki salqin bo‘lsa, flakonni issiq suv oqimi ostida ushlab turish kerak:

Qopqoqning bo‘rtib chiqqan qismini sindirish uchun uni yon tomonga bosing.

Steril kanyulani himoya qadog‘idan chiqarib, flakonga o‘rnating va uning barqaror ekanligiga ishonch hosil qiling.

Kanyulyani ehtiyotkorlik bilan qinga kiriting va flakonni butunlay bo‘shaguncha siqing.

Terapevtik ta’sir ko‘rsatish uchun suyuqlikni qinda bir necha daqiqa ushlab turing. Shifokorning boshqa barcha tavsiyalariga amal qiling.

Nojo‘ya ta’sirlari

Ginenorm preparatini qo‘llash bilan bog‘liq nojo‘ya ta’sirlar aniqlanmadi.

Juda kam uchraydi: pufakchali reaksiyalar, shu jumladan Stivens-Jonson sindromi va terining toksik nekrozi.

Yo‘riqnomaga kiritilmagan har qanday nojo‘ya ta’sirning paydo bo‘lishi shifokor yoki farmatsevtga yetkazilishi kerak.

Qarshi ko‘rsatmalar

preparatning har qanday tarkibiy qismiga yoki kimyoviy tarkibi bo‘yicha o‘xshash moddalarga yuqori sezuvchanlik;

homiladorlik va laktatsiya davri.

Dorilarning o‘zaro ta’siri

Mahalliy qo‘llash tizimli ta’sirga olib kelmaydi.

Maxsus ko‘rsatmalar

Preparat jiddiy, spetsifik yoki nospetsifik vulvovaginitlarda qo‘llanilmasligi kerak.

Jiddiy, ba’zan o‘limga olib keladigan teri reaksiyalari, jumladan eksfoliativ dermatit, Stivens-Jonson sindromi va terining toksik nekrozi NYAQVdan foydalanish bilan bog‘liq holda juda kam hollarda qayd etilgan. Ko‘rinib turibdiki, davolashning dastlabki bosqichlarida bemorlar yuqori xavf ostida bo‘ladilar: davolanishning birinchi oyida sezilarli darajada yuqori sezuvchanlik reaksiyalari paydo bo‘ladi. Terida, shilliq qavatda toshmalar paydo bo‘lganda yoki boshqa shikastlanishlar yoki yuqori sezuvchanlik belgilari paydo bo‘lganda Ginenorm preparati bilan davolash to‘xtatilishi kerak.

Preparatni uzoq vaqt mahalliy qo‘llash yuqori sezuvchanlikka olib kelishi mumkin. Ginenorm sekin allergik reaksiyalarni keltirib chiqarishi mumkin. Bu terining ta’sirlanishi bo‘lishi mumkin. Bu holda Ginenorm preparati bilan davolashni to‘xtatish va tegishli davolashni boshlash kerak.

Preparatni bolalar qo‘li yetmaydigan joyda saqlash va yaroqlilik muddati tugagandan keyin ishlatmaslik lozim.

Transport vositasi va potensial xavfli mexanizmlarni boshqarish qobiliyatiga ta’sir etuvchi xususiyatlar

Ta’sir qilmaydi.

Dozani oshirib yuborish

Dozani oshirib yuborish holatlari aniqlanmagan.

Chiqarish shakli

Vaginal qo‘llash uchun 0,1% li eritma - 100 ml dan 5 flakon.

100 ml preparat past va yuqori zichlikdagi polietilen qopqoqli, bosim ostida yopiladigan flakonlarga solinadi. Bir martalik foydalanish uchun steril kanyulalar alohida qadoqlangan holda. Har bir flakonga yopishqoq yorliq yopishtiriladi.

5 ta flakon karton o‘ramga davlat va rus tillaridagi qo‘llash bo‘yicha yo‘riqnoma bilan birga joylashtiriladi.

Saqlash shartlari

25 °C dan yuqori bo‘lmagan haroratda saqlanadi.

Saqlash muddati

3 yil.

Dorixonalardan berish shartlari

Retsept bo‘yicha.

Ishlab chiqaruvchi

"Mitim s.r.l.," Italiya, "Aesculapius Farmaceutici s.r.l.," Via Cozzaglio, 24-25125 Brescia, Italiya.