Yunienzim

Tarkib

Po‘st bilan qoplangan har bir tabletka quyidagilarni o‘z ichiga oladi:

Faol moddalar: zamburug‘ diastazasi (1:800) - 20 mg, papain (6000 TB/mg) - 30 mg, simetikon - 50 mg, faollashtirilgan ko‘mir - 75 mg, nikotinamid - 25 mg.

Yordamchi moddalar: mikrokristall sellyuloza - 293 mg, laktoza - 50 mg, akatsiya yelimi - 15 mg, natriy benzoat - 0,1 mg, jelatin - 10 mg, kolloid kremniy dioksidi - 20 mg, talk - 15 mg, magniy stearat - 5 mg, natriy karmelloza - 20 mg.

Tabletka qobig‘i: kanakunjut moyi - 0,00044 ml, shellak - 12,5 mg, kalsiy karbonat - 3,33 mg, pista ko‘mir - 0,833 mg, kolloid kremniy dioksidi - 0,222 mg, saxaroza - 90,555 mg, akatsiya yelimi - 6,666 mg, jelatin - 1,666 mg, natriy benzoat - 0,08 mg, talk - 23,333 mg, Karnaub mumi - 0,075 mg, asalari mumi - 0,075 mg.

Tabletkalardagi yozuv: titan dioksidi.

Tavsif

Qora, oval shakldagi, qobiqli tabletkalar bo‘lib, bir tomoniga oq rangda "UNICHEM" deb yozilgan. Rangning bir xil bo‘lmasligiga yo‘l qo‘yiladi.

Dori shakli

Qobiq bilan qoplangan tabletkalar.

Farmakoterapevtik guruh

Ovqat hazm qiluvchi ferment vositasi. ATX kodi: A09AA02.

Farmakologik xususiyatlari

Papain va zamburug‘ diastazasi ovqat hazm qilish fermentlari bo‘lib, organizmda oqsil, yog‘ va uglevodlarning hazm bo‘lishi va o‘zlashtirilishini osonlashtiradi. Simetikon yel haydovchi ta’sir ko‘rsatadi: gaz pufakchalari hosil bo‘lishini qiyinlashtiradi va ularning parchalanishiga yordam beradi, ichakdan gazlarning chiqishini osonlashtiradi, shu bilan qorin dam bo‘lishini, ko‘ngil aynishini, meteorizm tufayli yuzaga keladigan og‘riq va noqulaylikni kamaytiradi. Faollashtirilgan ko‘mir adsorbent hisoblanadi. Ovqat hazm qilish buzilganda hosil bo‘ladigan gaz va toksinlarni yutadi.

Nikotinamid (vitamin PP) ovqat hazm qilish jarayonlariga boshqaruvchi ta’sir ko‘rsatadi.

Farmakokinetika

Farmakokinetik ma’lumotlar yo‘q.

Qo‘llanilishi

Oshqozon osti bezining tashqi sekretor funksiyasi buzilishi bilan kechadigan patologik holatlar: surunkali pankreatit, pankreatektomiya, nurlanishdan keyingi holat (kompleks terapiya tarkibida). Meteorizm, shu jumladan operatsiyadan keyingi davrda.

Odatdan tashqari ovqat yoki ortiqcha ovqatlanish tufayli kelib chiqqan dispepsiya.

Qo‘llash usuli va dozalari

Ichkariga. 1 tabletkadan sutkada 1-2 marta ovqatdan keyin.

Nojo‘ya ta’sirlari

Allergik reaksiyalar, teri qizarishi.

Qarshi ko‘rsatmalar

Preparat komponentlariga yuqori sezuvchanlik, o‘tkir pankreatit, surunkali pankreatitning kuchayishi, 3 yoshgacha bo‘lgan bolalar.

Dorilarning o‘zaro ta’siri

Preparat tarkibida nikotin kislotasi mavjudligi sababli insulin va peroral diabetga qarshi dori vositalariga bo‘lgan ehtiyoj ortishi mumkin.

Maxsus ko‘rsatmalar

Homiladorlik va laktatsiya davrida preparatni shifokor nazorati ostida ehtiyotkorlik bilan qo‘llash lozim.

Preparatni bolalar qo‘li yetmaydigan joyda saqlash va qadoqda ko‘rsatilgan yaroqlilik muddati tugagandan so‘ng ishlatmaslik lozim.

Dozani oshirib yuborish

Dozani oshirib yuborish holatlari haqida xabar berilmagan. Maxsus antidot mavjud emas. Doza oshirib yuborilganda oshqozonni yuvish va simptomatik terapiya o‘tkazish kerak.

Chiqarish shakli

Alyuminiy folga tasmasiga 10 tadan tabletka solinadi.

2 ta strip qo‘llanilishi bo‘yicha yo‘riqnoma bilan birga karton qutiga solinadi.

Karton qutiga 5 pachkadan solinadi.

Saqlash shartlari

25 °C dan yuqori bo‘lmagan haroratda, quruq, yorug‘lik tushmaydigan joyda saqlanadi.

Yaroqlilik muddati

3 yil.

Dorixonalardan berish shartlari

Retseptsiz.

Ishlab chiqaruvchi

"Yunikam Laboratoriz Ltd.," Hindiston

Yunikem Bxavan, Prabxat Esteyt, S.V. Road, Jogeshvari, Mumbay - 400 102.

Ishlab chiqarilgan joy manzili:

"Yunikom Laboratoriz Ltd."

C-31 & 32, Industrial Area, Mirut Road, Gaziobod 201 003, Hindiston.