Zolopent

Tovarlar ro‘yxati
Dorixonalardagi narxlar

Tovarlar: 1

Zolopent tabletkalari 40 mg №30 (3 blister х 10 tabletka)

Kusum farm (Ukraina)

da mavjud emas Toshkent

Retsept bo'yicha

Boshqa shaharlardagi narxlar

dagi narxlar

Dorixonalarda topish

Uchun ko‘rsatma Zolopent tabletkalari 40 mg №30 (3 blister х 10 tabletka)

Ko‘rsatma uchun ko‘rsatilgan «Zolopent tabletkalari 40 mg №30 (3 blister х 10 tabletka)»

Dori preparatining tarkibi

Bitta tabletka tarkibida

faol modda - pantoprazol natriy seskvigidrat 45.113 mg (pantoprazolga 40.0 mg ekvivalent),

yordamchi moddalar: suvsiz natriy karbonat, mannitol, krossovidon, gidroksipropilsellyuloza, kalsiy stearat,

qobiq tarkibi: eudragit L30D55, trietilsitrat, natriy laurilsulfat, titan dioksidi (E171), temir oksidi sariq (E172), talk, opadray 03F58750 oq*.

*Oq opadray 03F58750 tarkibida: talk, polietilenglikol, gipromeloza, titan dioksidi (E 171) mavjud

Tashqi ko‘rinish, hid, ta’m tavsifi

Tabletkalar oval shaklda, ikki tomonlama qavariq yuzali, sariq rangli ichakda eriydigan qobiq bilan qoplangan.

Dori shakli, dozasi

Kechiktirilgan chiqariladigan tabletkalar, 40 mg

Farmakoterapevtik guruh

Ovqat hazm qilish trakti va moddalar almashinuvi. Kislotalilik buzilishi bilan bog‘liq kasalliklarni davolash uchun preparatlar. Yaraga qarshi va gastroezofageal reflyuks kasalligini (gastro-oesophageal reflux disease – GORD) davolash uchun preparatlar. Proton nasosi ingibitorlari. Pantoprazol.

ATX kodi A02BC02

Qo‘llanilishi

Kattalar va 12 yoshdan oshgan bolalar:

- reflyuks-ezofagit

Kattalar:

- H.pylori bilan bog‘liq oshqozon va o‘n ikki barmoqli ichak yaralari bo‘lgan bemorlarda ma’lum antibiotiklar bilan birgalikda Helicobacter pylori (H.pylori) ni yo‘q qilish;

- o‘n ikki barmoq ichak yarasi;

- oshqozon yarasi;

- Zollinger-Ellison sindromi va boshqa gipersekretor patologik holatlar.

Qo‘llash boshlangunga qadar zarur bo‘lgan ma’lumotlar ro‘yxati

Qarshi ko‘rsatmalar

- ta’sir etuvchi moddaga va benzimidazol hosilalariga yoki har qanday yordamchi moddalarga yuqori sezuvchanlik

Qo‘llashda zarur ehtiyot choralari

Jigar faoliyatining buzilishi. Jigar funksiyasining og‘ir buzilishlari bo‘lgan bemorlar, ayniqsa uzoq muddatli davolanishda, jigar fermentlari darajasini muntazam ravishda nazorat qilib borishlari lozim. Jigar fermentlari miqdori oshgan taqdirda, preparat bilan davolashni to‘xtatish lozim.

Kombinatsiyalangan terapiya. Kombinatsiyalangan terapiyada tegishli dori vositalarini qo‘llash bo‘yicha ko‘rsatmalarga rioya qilish shart.

Oshqozonning xavfli o‘smalari. Pantoprazol qo‘llanilishiga simptomatik javob oshqozonning xavfli o‘smalari belgilarini yashirishi va ularning tashxisini kechiktirishi mumkin. Xavotirli alomatlar mavjud bo‘lganda (masalan, tana vaznining sezilarli darajada kamayishi, vaqti-vaqti bilan qusish, disfagiya, qonli qusish, anemiya, melena), shuningdek, oshqozon yarasiga shubha qilinganda yoki mavjud bo‘lganda, xavfli jarayon mavjudligini istisno qilish kerak.

Agar simptomlar adekvat davolanish bilan saqlanib qolsa, qo‘shimcha tekshiruv o‘tkazish zarur.

OIV proteaza ingibitorlari. Pantoprazolni OIV proteaza ingibitorlari (masalan, atazanavir) bilan birgalikda qo‘llash tavsiya etilmaydi, chunki ularning so‘rilishi oshqozon ichi pH ko‘rsatkichiga bog‘liq bo‘lib, ularning biosinguvchanligi sezilarli darajada pasayadi.

B12 vitaminining absorbsiyasi. Zollinger-Ellison sindromi va uzoq muddatli davolanishni talab qiladigan boshqa gipersekretor patologik holatlar bilan og‘rigan bemorlarda, xlorid kislota ishlab chiqarilishini to‘xtatuvchi barcha dorilar kabi, pantoprazol ham gipo- va axlorgidriya paydo bo‘lishi tufayli B12 vitamini (sianokobalamin) so‘rilishini pasaytirishi mumkin. Buni bemorlarda tana vaznining pasayishi yoki uzoq muddatli davolanishda B12 vitamini so‘rilishining pasayishi xavf omillari yoki tegishli klinik alomatlar mavjud bo‘lganda hisobga olish lozim.

Uzoq muddatli davolash. Davomli davolanishda, ayniqsa 1 yildan ortiq davolanganda, bemorlar shifokorning muntazam kuzatuvi ostida bo‘lishlari kerak.

Bakteriyalar keltirib chiqaradigan oshqozon-ichak infeksiyalari. Preparat bilan davolash Salmonella va Campylobacter yoki C. Difficile kabi bakteriyalar keltirib chiqaradigan oshqozon-ichak infeksiyalari xavfini biroz oshirishi mumkin.

Gipomagniyemiya. Pantoprazol kabi PPIlarni kamida uch oy, aksariyat hollarda esa bir yil davomida qo‘llagan bemorlarda og‘ir gipomagniyemiya holatlari kuzatilgan. Gipomagniyemiyaning jiddiy ko‘rinishlari, masalan, charchoq, tetaniya, deliriy, talvasalar, bosh aylanishi va qorincha aritmiyasi sezilmasdan paydo bo‘lishi mumkin va ularni o‘tkazib yuborish mumkin. Aksariyat hollarda bemorlarning ahvoli magniy bilan o‘rin bosuvchi terapiya o‘tkazilgandan va PPI bilan davolash to‘xtatilgandan so‘ng yaxshilanadi. Uzoq muddatli terapiyani rejalashtirayotgan yoki PPI ni digoksin yoki gipomagniyemiya chaqirishi mumkin bo‘lgan dorilar (masalan, diuretiklar) bilan birgalikda qabul qilayotgan bemorlarga proton pompasi ingibitorlari bilan davolashni boshlashdan oldin va terapiya davomida vaqti-vaqti bilan magniy darajasini aniqlash tavsiya etiladi.

Suyaklarning sinishi. PPI, ayniqsa katta dozalarda va uzoq muddatli davolash davomida (1 yildan ortiq) qo‘llanilganda, asosan keksa yoshdagi bemorlarda yoki boshqa mavjud xavf omillari mavjud bo‘lganda, son, bilak va umurtqa pog‘onasi sinishi xavfini ma’lum darajada oshirishi mumkin. Tadqiqot ma’lumotlari shuni ko‘rsatadiki, PPIlar umumiy sinish xavfini 10-40% ga oshirishi mumkin. Ularning ba’zilari boshqa xavf omillariga bog‘liq bo‘lishi mumkin. Osteoporoz rivojlanish xavfi bo‘lgan bemorlar amaldagi klinik tavsiyalarga muvofiq davolanishlari hamda yetarli miqdorda D vitamini va kalsiy olishlari lozim.

O‘tkir osti teri qizil volchankasi. PPI qo‘llanilishi o‘tkir osti teri qizil yugirigi rivojlanishining juda kam uchraydigan holatlari bilan bog‘liq. Agar shikastlanish yuzaga kelsa, ayniqsa, artralgiya bilan kechadigan quyosh nuri ta’siriga uchraydigan joylarda, bemor zudlik bilan shifokorga murojaat qilishi kerak, u pantoprazolni bekor qilish masalasini ko‘rib chiqadi. Oldingi PPI terapiyasi paytida bemorlarda o‘tkir osti teri qizil yugirigi paydo bo‘lishi, boshqa PPI qo‘llanilganda uning rivojlanish xavfini oshirishi mumkin.

Laboratoriya tekshiruvlari natijalariga ta’siri.

Xromogrenin A (CgA) miqdorining oshishi neyroendokrin o‘smalarni tashxislashda tadqiqot natijalariga ta’sir ko‘rsatishi mumkin. Bunday ta’sirning oldini olish uchun CgA darajasini baholashdan kamida 5 kun oldin pantoprazol bilan davolashni vaqtincha to‘xtatish lozim. Agar CgA va gastrin darajalari dastlabki o‘lchashdan keyin normal qiymatlar oralig‘iga qaytmasa, IPPni davolash to‘xtatilganidan 14 kun o‘tgach, takroriy o‘lchovlarni o‘tkazish lozim.

Yordamchi moddalar. Ushbu dori preparati tarkibida 1 mmol (23 mg) /doza natriy mavjud, ya’ni natriy deyarli yo‘q.

Boshqa dori vositalari bilan o‘zaro ta’siri

Absorbsiyasi pH ga bog‘liq bo‘lgan dori vositalari.

Oshqozon kislotasi sekretsiyasini chuqur va uzoq muddatli ingibirlashi tufayli, pantoprazol biologik qulayligi oshqozon pH ko‘rsatkichiga bog‘liq bo‘lgan boshqa dori vositalarining, masalan, ketokonazol, itrakonazol, posakonazol kabi ba’zi azol fungitsidlarining va erlotinib kabi boshqa dori vositalarining so‘rilishini kamaytirishi mumkin.

OIV proteaza ingibitorlari.

Atazanavirni va yutilishi rN ga bog‘liq bo‘lgan OIVga qarshi boshqa dorilarni proton pompasi ingibitorlari bilan birgalikda qo‘llash ushbu dorilarning OIVga qarshi biologik samaradorligini sezilarli darajada pasaytirishi va ushbu dorilarning samaradorligiga ta’sir qilishi mumkin. Shunday qilib, proton pompasi ingibitorlarini atazanavir bilan birga qo‘llash tavsiya etilmaydi.

OIV proteaza ingibitorlarini JYOYUI bilan birgalikda qo‘llashdan qochib bo‘lmaydigan holatlarda, sinchkovlik bilan klinik nazorat (masalan, virus yuklamasi) o‘tkazish tavsiya etiladi. Pantoprazolning sutkalik dozasini 20 mg dan oshirmaslik kerak. OIV proteaza ingibitorlari dozasini o‘zgartirish zarurati tug‘ilishi mumkin.

Kumarinli antikoagulyantlar (fenprokomon va varfarin).

Pantoprazolning varfarin yoki fenprokomon bilan birga qo‘llanilishi varfarin, fenprokomon yoki MNI (xalqaro normallashtirilgan indeks) farmakokinetikasiga ta’sir ko‘rsatmadi. Biroq, PPI va varfarin yoki fenprokomonni birgalikda qo‘llagan bemorlarda MNI oshishi va protrombin vaqtining uzayishi haqida xabar berilgan. MNIning oshishi va protrombin vaqtining uzayishi patologik qon ketishning rivojlanishiga va hatto o‘limga olib kelishi mumkin. Bunday birgalikda qo‘llash holatida MNI va protrombinlangan vaqt monitoringi o‘tkazilishi lozim.

Metotreksat.

Metotreksatning yuqori dozalarini (masalan, 300 mg) va PPIni bir vaqtda qo‘llash ba’zi bemorlarda qondagi metotreksat miqdorini oshirishi qayd etilgan. Metotreksatning yuqori dozalarini qabul qilayotgan bemorlarga, masalan, saraton yoki psoriaz bilan og‘rigan bemorlarga pantoprazol bilan davolashni vaqtincha to‘xtatish tavsiya etiladi.

Boshqa o‘zaro aloqalar.

Pantoprazol jigarda sitoxrom R450 fermentlari tizimi orqali sezilarli darajada metabolizmga uchraydi. Metabolizmning asosiy yo‘li - CYP2S19 yordamida demetillanish va boshqa metabolik yo‘llar, shu jumladan CYP3A4 fermenti bilan oksidlanish. Pantoprazol va ushbu yo‘llar yordamida metabolizmga uchraydigan dori vositalari (karbamazepin, diazepam, glibenklamid, nifedipin, tarkibida levonorgestrel va etinilestradiol bo‘lgan peroral kontratseptivlar) o‘rtasidagi klinik ahamiyatga ega o‘zaro ta’sirlar haqida ma’lumotlar yo‘q.

Pantoprazolning ushbu ferment tizimi orqali metabolizmga uchraydigan boshqa preparatlar bilan o‘zaro ta’sirini istisno qilib bo‘lmaydi.

Mumkin bo‘lgan o‘zaro ta’sirlar bo‘yicha bir qator tadqiqotlar natijalari shuni ko‘rsatadiki, pantoprazol CYP1A2 (masalan, kofein, teofillin), CYP2C9 (masalan, piroksikam, diklofenak, naproksen), CYP2D6 (masalan, metoprolol), CYP2E1 (masalan, etanol) yordamida metabolizmga uchraydigan faol moddalar metabolizmiga ta’sir ko‘rsatmaydi, digoksin so‘rilishi bilan bog‘liq bo‘lgan r-glikoproteinlarga ta’sir ko‘rsatmaydi.

Bir vaqtning o‘zida tayinlanadigan antatsidlar bilan o‘zaro ta’siri aniqlanmagan.

Pantoprazolning bir vaqtning o‘zida tayinlanadigan ma’lum antibiotiklar (masalan, klaritromitsin, metronidazol, amoksitsillin) bilan o‘zaro ta’sirini o‘rganish bo‘yicha tadqiqotlar o‘tkazildi. Ushbu dori vositalari o‘rtasida klinik ahamiyatga ega o‘zaro ta’sirlar aniqlanmagan.

CYP2C19 fermentini ingibirlaydigan yoki indutsirlaydigan dori vositalari.

Fluvoksamin kabi CYP2C19 ingibitorlari pantoprazolning tizimli ta’sirini oshirishi mumkin. Pantoprazol bilan yuqori dozalarda uzoq vaqt davolanayotgan bemorlar va jigar faoliyati buzilgan bemorlar uchun preparat dozasini kamaytirish zarurligini ko‘rib chiqish lozim. Rifampitsin va teshik dalachoy (Hypericum perforatum) kabi CYP2C19 va CYP3A4 ga ta’sir qiluvchi fermentlarning induktorlari ushbu ferment tizimlari orqali metabolizmga uchraydigan PPI ning plazma konsentratsiyasini pasaytirishi mumkin.

Maxsus ogohlantirishlar

Homiladorlik va laktatsiya davri

Homiladorlik. Pantoprazolni homilador ayollarda qo‘llash bo‘yicha mavjud ma’lumotlar (homiladorlik natijalari to‘g‘risida taxminan 300-1000 ta xabar) preparatning embrional yoki fetal-neonatal toksikligi yo‘qligini ko‘rsatadi. Tadqiqotlar jarayonida hayvonlarda reproduktiv toksiklik kuzatildi. Ehtiyot chorasi sifatida homilador ayollarga pantoprazolni qo‘llashdan saqlanish kerak.

Emizish davri. Hayvonlarda o‘tkazilgan tadqiqotlar pantoprazolning ona sutiga ekskretsiyasini ko‘rsatdi. Pantoprazolning inson ko‘krak sutiga ekskretsiyasi haqida ma’lumotlar yetarli emas, ammo bunday ekskretsiya haqida xabar berilgan. Yangi tug‘ilgan chaqaloqlar/emizikli bolalar uchun xavfni istisno qilib bo‘lmaydi. Ko‘krak suti bilan emizishni to‘xtatish yoki pantoprazol bilan davolashni to‘xtatish/to‘xtatmaslik to‘g‘risidagi qarorni ko‘krak suti bilan emizishning bola uchun foydasini va pantoprazol bilan davolashning ayol uchun foydasini hisobga olgan holda qabul qilish kerak.

Fertillik. Pantoprazol hayvonlarda o‘tkazilgan tadqiqotlarda fertillikni buzmagan.

Preparatning transport vositasini yoki potensial xavfli mexanizmlarni boshqarish qobiliyatiga ta’sirining o‘ziga xos xususiyatlari

Pantoprazol avtotransport yoki boshqa mexanizmlarni boshqarishda reaksiya tezligiga ta’sir ko‘rsatmaydi yoki juda kam ta’sir ko‘rsatadi. Bosh aylanishi va ko‘rishning buzilishi kabi nojo‘ya ta’sirlarning rivojlanishi mumkinligini hisobga olish zarur. Bunday hollarda avtotransportni boshqarmaslik va mexanizmlar bilan ishlamaslik kerak.

Qo‘llash bo‘yicha tavsiyalar

Dozalash tartibi

Kattalar va 12 yoshdan katta bolalar.

Reflyuks-ezofagitni davolash.

Tavsiya etilgan doza kuniga 1 tabletka ZOLOPENT® 40 mg ni tashkil etadi. Ayrim hollarda dozani ikki baravar oshirish mumkin (kuniga 2 tabletka ZOLOPENT® 40 mg), ayniqsa reflyuks-ezofagitni davolash uchun boshqa dorilarni qo‘llashdan samara bo‘lmaganda.

Reflyuks-ezofagitni davolash, odatda, 4 hafta davom etadi. Agar bu yetarli bo‘lmasa, keyingi 4 hafta ichida davolanishni kutish mumkin.

Kattalar.

Ikkita antibiotik bilan kombinatsiyada H. pylori eradikatsiyasi.

Oshqozon va o‘n ikki barmoqli ichak yarasi bo‘lgan va H. pylori uchun ijobiy natija ko‘rsatgan katta yoshli bemorlarda kombinatsiyalangan terapiya yordamida mikroorganizmni yo‘q qilishga erishish kerak. Bakterial chidamlilikka oid mahalliy ma’lumotlar va tegishli antibakterial preparatlarni qo‘llash hamda tayinlash bo‘yicha milliy tavsiyalarni hisobga olish lozim. Mikroorganizmlarning sezgirligiga qarab, kattalarda H. pylori ni yo‘q qilish uchun quyidagi terapevtik kombinatsiyalar tayinlanishi mumkin:

a) 1 tabletka ZOLOPENT® 40 mg kuniga 2 marta + 1000 mg amoksitsillin kuniga 2 marta + 500 mg klaritromitsin kuniga 2 marta;

b) ZOLOPENT® preparatining 1 tabletkasi 40 mg sutkada 2 marta + 400-500 mg metronidazol (yoki 500 mg tinidazol) sutkada 2 marta + 250 - 500 mg klaritromitsin sutkada 2 marta;

v) 1 tabletka ZOLOPENT® preparati 40 mg sutkada 2 marta + 1000 mg amoksitsillin sutkada 2 marta + 400-500 mg metronidazol (yoki 500 mg tinidazol) sutkada 2 marta.

H. pylori eradikatsiyasi uchun kombinatsiyalangan terapiya qo‘llanilganda, ZOLOPENT® 40 mg preparatining ikkinchi tabletkasini kechqurun, ovqatdan 1 soat oldin qabul qilish kerak. Davolash muddati 7 kun bo‘lib, yana 7 kunga uzaytirilishi mumkin, umumiy davolash muddati ikki haftadan oshmasligi kerak.

Agar yaraning bitishini ta’minlash uchun pantoprazol bilan keyingi davolash ko‘rsatilgan bo‘lsa, oshqozon va o‘n ikki barmoqli ichak yaralarida dozalash bo‘yicha tavsiyalarni ko‘rib chiqish lozim.

Agar kombinatsiyalangan terapiya ko‘rsatilmagan bo‘lsa, masalan, H. pylori uchun manfiy natija bo‘lgan bemorlarda, monoterapiya uchun ZOLOPENT® 40 mg preparati quyidagi dozada qo‘llaniladi.

Me’da yarasini davolash.

ZOLOPENT® preparatining 1 tabletkasi kuniga 40 mg. Ayrim hollarda dozani ikki baravar oshirish mumkin (kuniga 2 tabletka ZOLOPENT® 40 mg), ayniqsa boshqa preparatlarni qo‘llashdan samara bo‘lmaganda.

Me’da yarasini davolash, odatda, 4 hafta davom etadi. Agar bu yetarli bo‘lmasa, keyingi 4 hafta ichida yaraning bitishini kutish mumkin.

O‘n ikki barmoqli ichak yarasini davolash.

O‘n ikki barmoqli ichak yarasini davolash uchun, odatda, 2 hafta kerak bo‘ladi. Agar bu yetarli bo‘lmasa, keyingi 2 hafta ichida yaraning bitishini kutish mumkin.

Zollinger-Ellison sindromi va boshqa gipersekretor patologik holatlarni davolash.

Zollinger-Ellison sindromi va boshqa patologik gipersekretor holatlarni uzoq muddatli davolash uchun boshlang‘ich doza 80 mg ni tashkil etadi (ZOLOPENT® preparatining 40 mg dan 2 ta tabletkasi). Zarur bo‘lsa, shundan keyin me’da shirasining kislotalilik ko‘rsatkichlariga qarab dozani ko‘paytirib yoki kamaytirib titrlash mumkin. Sutkasiga 80 mg dan oshadigan dozani ikki qabulga bo‘lish kerak. Pantoprazol dozasini 160 mg dan vaqtincha oshirish mumkin, ammo qo‘llash davomiyligi faqat kislotalilikni yetarli darajada nazorat qilish uchun zarur bo‘lgan davr bilan cheklanishi kerak.

Zollinger-Ellison sindromi va boshqa patologik holatlarni davolash davomiyligi chegaralanmagan va klinik zaruriyatga bog‘liq.

Bemorlarning alohida guruhlari.

Bolalar.

ZOLOPENT® 40 mg 12 yoshdan oshgan bolalarga reflyuks-ezofagitni davolash uchun tavsiya etiladi. Preparatni 12 yoshgacha bo‘lgan bolalarda qo‘llash tavsiya etilmaydi, chunki ushbu yosh toifasi uchun pantoprazolning xavfsizligi va samaradorligi haqidagi ma’lumotlar cheklangan.

Jigar faoliyati buzilgan bemorlar. Jigar faoliyatining og‘ir buzilishlari bo‘lgan bemorlarda sutkalik doza 20 mg dan oshmasligi kerak (ZOLOPENT preparatining 1 tabletkasi® 20 mg). O‘rta va og‘ir darajadagi jigar faoliyati buzilishlari bo‘lgan bemorlar kombinatsiyalangan terapiyada H. pylori eradikatsiyasi uchun ZOLOPENT® preparatini qo‘llamasliklari kerak, chunki hozirgi vaqtda ushbu toifadagi bemorlar uchun bunday qo‘llashning samaradorligi va xavfsizligi haqida ma’lumotlar yo‘q.

Buyrak faoliyati buzilgan bemorlar. Buyrak faoliyati buzilgan bemorlar uchun dozani o‘zgartirish shart emas. Buyrak faoliyati buzilgan bemorlar kombinatsiyalangan terapiyada H. pylori eradikatsiyasi uchun ZOLOPENT® preparatini qo‘llamasliklari kerak, chunki hozirgi vaqtda ushbu toifadagi bemorlar uchun bunday qo‘llashning samaradorligi va xavfsizligi haqida ma’lumotlar yo‘q.

Keksa yoshdagi bemorlarda dozani tuzatish talab etilmaydi.

Yuborish usuli va yo‘li

ZOLOPENT®, tabletkalar, qobiq bilan qoplangan, ichakda eriydigan, ovqatdan 1 soat oldin butunligicha ichiladi, chaynalmaydi va maydalanmaydi, suv bilan ichiladi.

Doza oshirib yuborilganda ko‘riladigan choralar

Dozani oshirib yuborish belgilari noma’lum.

240 mg gacha bo‘lgan dozalar 2 daqiqa davomida vena ichiga yuborilganda yaxshi o‘zlashtirildi. Pantoprazol oqsillar bilan ekstensiv bog‘langani sababli, u dializ yordamida oson chiqarib yuborilishi mumkin bo‘lgan dorilarga kirmaydi.

Doza oshirib yuborilganda intoksikatsiyaning klinik belgilari bilan simptomatik va qo‘llab-quvvatlovchi terapiya qo‘llaniladi. Maxsus terapiya bo‘yicha tavsiyalar yo‘q.

Dori vositasining bir yoki bir nechta dozasi o‘tkazib yuborilganda zarur bo‘ladigan choralar

Agar preparatning navbatdagi qabul qilinishi o‘tkazib yuborilgan bo‘lsa, keyingi tavsiya etilgan dozani ertasi kuni odatdagi vaqtda qabul qiling. Preparatni bir kunda ikki marta qabul qilish taqiqlanadi.

Dori vositasini qabul qilishdan oldin shifokor yoki farmatsevt bilan maslahatlashing.

Dori vositalarini standart qo‘llashda yuzaga keladigan nojo‘ya ta’sirlar tavsifi va bunday hollarda ko‘rilishi kerak bo‘lgan choralar

Quyida kuzatilgan nojo‘ya reaksiyalar va ularning uchrash chastotasi keltirilgan: juda tez-tez (1/10); tez-tez (1/100 dan 1/10 gacha); tez-tez emas (1/1000 dan 1/100 gacha); kamdan-kam (1/10000 dan 1/1000 gacha); juda kam (1/10000); noma’lum (mavjud ma’lumotlarga ko‘ra baholash mumkin emas).

Tez-tez

- fundal bezlar poliplari (xavfsiz).

Kamdan-kam

- uyqu buzilishi;

- bosh og‘rig‘i, bosh aylanishi;

- ich ketishi, ko‘ngil aynishi, qusish, qorin dam bo‘lishi, qabziyat, og‘iz qurishi, qorin og‘rig‘i va noqulaylik;

- jigar fermentlari (transaminazalar, gamma-glutamintransferazalar) darajasining oshishi;

- teri toshmasi, ekzantema, qichishish;

- son, bilak, umurtqa pog‘onasining sinishi;

- asteniya, charchoq, darmonsizlik.

Kamdan-kam

- agranulotsitoz;

- o‘ta sezuvchanlik reaksiyalari (shu jumladan anafilaktik reaksiyalar, anafilaktik shok);

- giperlipidemiya va lipidlar (triglitseridlar, xolesterin) darajasining oshishi, tana vaznining o‘zgarishi;

- tushkunlik (shu jumladan zo‘rayish);

- ta’m bilishning buzilishi;

- ko‘rish qobiliyatining buzilishi yoki xiralashishi;

- bilirubin darajasining oshishi;

- eshakem, angionevrotik shish;

- artralgiya, mialgiya;

- ginekomastiya;

- tana haroratining ko‘tarilishi, periferik shishlar.

Juda kam

- trombotsitopeniya, leykopeniya, pansitopeniya;

- dezoriyentatsiya (shu jumladan zo‘rayish).

Chastotasi noma’lum:

- giponatriyemiya, gipomagniyemiya, gipokalsiyemiya1, gipokaliyemiya1;

- gallyutsinatsiyalar, ongning chalkashligi (ayniqsa, ushbu buzilishlarga moyilligi bo‘lgan bemorlarda, shuningdek, anamnezda mavjud bo‘lsa, ushbu alomatlarning kuchayishi);

- paresteziya;

- mikroskopik kolit;

- gepatotsitlarning shikastlanishi, sariqlik, gepatotsellyulyar yetishmovchilik;

- Stivens-Jonson sindromi, Layell sindromi, ko‘p shaklli eritema, yorug‘likka sezuvchanlik, eozinofiliya va tizimli alomatlar bilan kechuvchi dori reaksiyasi (DRESS sindromi), o‘tkir osti teri qizil yugirigi;

- mushaklar spazmi2;

- tubulointerstitsial nefrit (TIN) (buyrak yetishmovchiligiga o‘tishi mumkin).

1. Gipokalsiyemiya bilan bir vaqtda gipomagniyemiya.

2. Elektrolitlar muvozanatining buzilishi natijasida mushaklar spazmi.

Chiqarilish shakli va qadoqlash

14 ta tabletka konturli yacheykali o‘ramga joylashtiriladi.

1 ta konturli yacheykali o‘ram qozoq va rus tillaridagi tibbiy qo‘llash bo‘yicha yo‘riqnoma bilan birga karton qutiga joylashtiriladi.

10 tadan tabletka konturli yacheykali o‘ramga solinadi.

3 tadan kontur yacheykali o‘ram qozoq va rus tillaridagi tibbiy qo‘llash bo‘yicha yo‘riqnoma bilan birga karton qutiga joylashtiriladi.

Saqlash muddati

3 yil

Yaroqlilik muddati o‘tgandan keyin qo‘llanilmaydi.