Mikonda

Tarkib

1 shamchada quyidagilar mavjud:

faol moddalar: metronidazol - 750 mg, mikonazol nitrat - 200 mg;

yordamchi modda: qattiq yog‘ (vitepsol N15).

Tavsif

Sarg‘ish-oq shamchalar, torpedasimon shaklda.

Dori shakli

Vaginal shamchalar.

Farmakoterapevtik guruh

Mikroblarga qarshi kombinatsiyalangan preparat. ATX kodi: G01AF20.

Farmakologik xususiyatlari

Farmakodinamika

Mikonda® - kombinatsiyalangan mikroblarga qarshi preparat bo‘lib, uning ta’siri tarkibiga kiruvchi metronidazol va mikonazol bilan bog‘liq.

Metronidazol Gardnerella vaginalis va anaerob bakteriyalarga, shu jumladan anaerob streptokokklar va Trichomonas vaginalisga qarshi samarali mikrob va protozoylarga qarshi vosita hisoblanadi.

Mikonazol nitrat keng spektrli faollikka ega bo‘lib, ayniqsa patogen zamburug‘larga, jumladan Candida albicans ga, bundan tashqari, mikonazol nitrat grammusbat bakteriyalarga nisbatan samarali hisoblanadi.

Farmakokinetika

Metronidazolning intravaginal qo‘llanilishidagi biosinguvchanligi ichishga nisbatan 20% ni tashkil etadi. Vaginal yuborilgandan so‘ng muvozanat holatiga erishilganda, metronidazolning plazmadagi konsentratsiyasi 1,6-7,2 mkg/ml ni tashkil etdi. Ushbu yuborish usulida mikonazol nitratning tizimli so‘rilishi juda past (dozaning taxminan 1,4%), mikonazol nitrat plazmada aniqlanmadi.

Metronidazol jigarda metabolizmga uchraydi Gidroksil metaboliti faol hisoblanadi.

Metronidazolning yarim chiqarilish davri 6-11 soatni tashkil etadi. Dozaning taxminan 20% i buyraklar orqali o‘zgarmagan holda chiqariladi.

Ko‘rsatmalar

qin kandidozi;

bakterial vaginoz;

trixomonad vaginit;

aralash infeksiyalar keltirib chiqargan vaginitlar.

Qo‘llash usuli va dozalari

Preparat 1 shamchadan kechasi 7 kun davomida intravaginal yuboriladi.

Qaytalanuvchi vaginitlar yoki boshqa davolash usullariga chidamli vaginitlarda Mikonda® 14 kun davomida qo‘llanilishi lozim.

Vaginal shamchalarni qinga chuqur kiritish kerak.

65 yoshdan oshgan keksa bemorlar uchun dozalash tartibini o‘zgartirish talab etilmaydi.

Nojo‘ya ta’sirlari

Kamdan-kam hollarda yuqori sezuvchanlik reaksiyalari (teri toshmasi) va yuqori charchoq, bosh aylanishi, bosh og‘rig‘i, ishtahaning yo‘qolishi, ko‘ngil aynishi, qusish, qorinda og‘riq yoki spazmlar, diareya, ta’m bilishning o‘zgarishi, qabziyat, og‘iz qurishi, metall ta’mi, qin qichishi, qinning achishishi va ta’sirlanishi kabi noxush reaksiyalar kuzatilishi mumkin.

Vaginitda qin shilliq qavatining yallig‘lanishi tufayli qinning ta’sirlanishi (achishish, qichishish) birinchi shamcha yuborilgandan keyin yoki davolashning uchinchi kuniga kelib kuchayishi mumkin.

Bu asoratlar davolanish davom etgan sari tezda yo‘qoladi. Kuchli ta’sirlanganda davolashni to‘xtatish kerak.

Qarshi ko‘rsatmalar

preparatning tarkibiy qismlariga yoki imidazolning boshqa hosilalariga yuqori sezuvchanlik;

jigar faoliyatining og‘ir buzilishlari;

epilepsiya;

porfiriya;

homiladorlikning birinchi trimestri.

Dozani oshirib yuborish

Metronidazolni intravaginal qo‘llashda dozani oshirib yuborish haqida ma’lumotlar yo‘q. Qinga yuborilgandan so‘ng, metronidazol tizimli ta’sirlarni keltirib chiqarish uchun yetarli miqdorda so‘rilishi mumkin.

Simptomlari: ko‘ngil aynishi, qusish, qorinda og‘riq, diareya, umumiy qichishish, og‘izda metall ta’mi, harakat buzilishlari (ataksiya), bosh aylanishi, paresteziyalar, tutqanoqlar, periferik nevropatiya (shu jumladan uzoq vaqt yuqori dozalarda qo‘llangandan keyin), leykopeniya, siydikning qorayishi.

Davolash: tasodifan ichilganda, zarurat tug‘ilganda oshqozonni yuvish mumkin. Maxsus antidot yo‘q. Simptomatik va qo‘llab-quvvatlovchi terapiya tavsiya etiladi.

Ehtiyot choralari va qo‘llash xususiyatlari

Faqat intravaginal qo‘llash uchun.

Mikonda® preparatini bokira ayollarda qo‘llash tavsiya etilmaydi.

Davolash paytida va kurs tugagandan keyin kamida 24-48 soat davomida disulfiramga o‘xshash reaksiyalar yuzaga kelishi mumkinligi sababli spirtli ichimliklarni iste’mol qilishdan saqlanish kerak.

Mikonazol saqlovchi ginekologik dori shakllari bilan davolanganda lateks himoya vositalari (prezervativlar yoki diafragmalar) samaradorligi pasayishi mumkin. Shu sababli, Mikond® ni lateks prezervativ yoki lateks diafragma bilan bir vaqtda qo‘llash mumkin emas.

Mikonazol preparatlari bilan davolash paytida jiddiy yuqori sezuvchanlik reaksiyalari, jumladan anafilaksiya va angionevrotik shish paydo bo‘lishi haqida xabar berilgan. Yuqori sezuvchanlik yoki shilliq qavatning ta’sirlanishini ko‘rsatuvchi nojo‘ya reaksiyalar paydo bo‘lganda, davolashni to‘xtatish lozim.

Trixomonad vaginit bilan og‘rigan bemorlarda bir vaqtning o‘zida jinsiy sherikni davolash zarur.

Bolalar

Preparatni 18 yoshgacha bo‘lgan bolalar va o‘smirlarda qo‘llash samaradorligi va xavfsizligi bo‘yicha ma’lumotlar mavjud emas.

Homiladorlik va laktatsiya davri

Metronidazol va mikonazolni alohida qo‘llash fertillikka salbiy ta’sir ko‘rsatishi haqida dalillar yo‘q.

Dori vositasining transport vositalari va potensial xavfli mexanizmlarni boshqarish qobiliyatiga ta’siri

Ehtimoliy noxush reaksiyalarni hisobga olgan holda, avtomobilni boshqarishda va potensial xavfli mexanizmlar bilan ishlashda ehtiyot bo‘lish kerak.

Boshqa dori vositalari bilan o‘zaro ta’siri va boshqa turdagi o‘zaro ta’sirlar

Quyida sanab o‘tilgan dori vositalari bilan bir vaqtda qo‘llanilganda metronidazolning so‘rilishi natijasida quyidagi turdagi dori o‘zaro ta’sirlari kuzatilishi mumkin:

Alkogol: alkogolni ko‘tara olmaslik (disulfiramga o‘xshash reaksiyalar xavfi).

Amiodaron: kardiotoksiklik xavfining oshishi (QT intervalining uzayishi, "piruet" tipidagi polimorf qorincha taxikardiyasi, yurak to‘xtashi).

Astemizol va terfenadin: bu birikmalar metabolizmini ingibirlashi va qon plazmasida konsentratsiyasini oshirishi mumkin.

Karbamazepin: qon plazmasida karbamazepin konsentratsiyasining oshishi xavfi.

Simetidin: qon plazmasida metronidazol konsentratsiyasining oshishi xavfi, buning natijasida markaziy asab tizimi tomonidan noxush reaksiyalar rivojlanish xavfi mavjud.

Siklosporin: Siklosporinning toksik ta’siri kuchayishi mumkin.

Disulfiram: markaziy asab tizimi tomonidan buzilishlar bo‘lishi mumkin (masalan, psixotik reaksiyalar).

Litiy: litiyning toksik ta’sirini kuchaytirish xavfi.

Fenitoin: fenitoin konsentratsiyasining oshishi va metronidazol konsentratsiyasining kamayishi mumkin.

Fenobarbital: Metronidazol konsentratsiyasining pasayishi mumkin.

Ftoruratsil: qon plazmasida ftoruratsil konsentratsiyasining oshishi va uning toksik ta’siri xavfi.

Peroral antikoagulyantlar: antikoagulyant ta’sirning kuchayishi kuzatilishi mumkin (qon ketish xavfi yuqori).

Qondagi jigar fermentlari, glyukoza (u geksokinaza usuli bilan aniqlanganda), teofillin va prokainamid miqdoriga ta’sir qilishi mumkin.

Mikonazol nitratning so‘rilishi natijasida quyidagi dori o‘zaro ta’sirlari yuzaga kelishi mumkin:

Atsenokumarol, anizindion, dikumarol, fenindion, fenprokumon, varfarin: qon ketish xavfi oshishi mumkin.

Astemizol, sizaprid, terfenadin: bu preparatlarning metabolizmini ingibirlashi va qon plazmasida konsentratsiyasini oshirishi mumkin.

Karbamazepin: karbamazepin klirensining pasayishi mumkin.

Siklosporin: toksik ta’sirning kuchayishi xavfi (buyrak faoliyatining buzilishi, xolestaz, paresteziyalar).

Fentanil: opioid preparatlarining ta’sir davomiyligi uzayishi mumkin (markaziy asab tizimi va nafas olishning susayishi).

Fenitoin va fosfenitoin: toksik ta’sirlar xavfi (ataksiya, giperrefleksiya, nistagm, tremor).

Glimepirid: gipoglikemik ta’sirning oshishi mumkin.

Oksibutinin: Oksibutinin klirensining pasayishi mumkin, natijada uning qon plazmasidagi konsentratsiyasi ortadi.

Oksikodon: qon plazmasida oksikodon konsentratsiyasining oshishi va uning klirensi pasayishi xavfi.

Pimozid: kardiotoksik ta’sirlar bo‘lishi mumkin (QT intervalining uzayishi, "piruet" tipidagi polimorf qorincha taxikardiyasi, yurak to‘xtashi).

Tolterodin: sitoxrom R450 ning 2D6 izofermenti faolligi pasaygan bemorlarda tolterodinning biosinguvchanligi oshishi mumkin.

Trimetreksat: toksik ta’sirning oshishi xavfi (suyak ko‘migining susayishi, buyrak va jigar faoliyatining pasayishi, oshqozon-ichak traktining yarali shikastlanishi).

Chiqarish shakli

Vaginal shamchalar. Konturli katakli qadoqdagi 7 ta shamcha. Bitta konturli yacheykali o‘ram va tibbiy qo‘llash bo‘yicha yo‘riqnoma karton qutiga joylashtiriladi.

Saqlash shartlari

Quruq, yorug‘likdan himoyalangan joyda, 25 °C dan yuqori bo‘lmagan haroratda saqlang. Bolalar qo‘li yetmaydigan joyda saqlang.

Saqlash muddati

2 yil.

Yaroqlilik muddati o‘tgandan keyin qo‘llanilmaydi.

Ta’til shartlari

Retsept bo‘yicha.

Ishlab chiqaruvchi

"Pharmacon LLC" MCHJ

O‘zbekiston Respublikasi, Toshkent shahri, Olmazor tumani, Yangi Olmazor ko‘chasi, 51.