Ferlatum

Tarkib

1 ta flakonda quyidagilar mavjud:

faol modda: temir proteini suksinilat 800 mg, bu Fe3+ miqdoriga 40 mg to‘g‘ri keladi;

yordamchi moddalar: sorbitol, propilenglikol, natriy metilparagidroksibenzoat, natriy propilparagidroksibenzoat, olcha xushbo‘ylantirgichi (yovvoyi qora olcha xushbo‘ylantirgichi konsentrlangan, vanilin, amilatsetat, oz miqdorda boshqa efirlar, benzaldegid, chinnigul g‘unchalari moyi, propilenglikol, dietilenglikol monoetil efiri, suv), natriy saxarinat, tozalangan suv.

Dori shakli

Ichish uchun mo‘ljallangan eritma tiniq, qo‘ng‘irroq rangda bo‘lib, o‘ziga xos yoqimli olcha hidiga ega.

Farmakologik ta’siri

Antianemik preparat. Tarkibida temir va kalsiy folinatlari bor. Organizmda temir va folat yetishmovchiligini to‘ldiradi.

Temirning asosiy vazifasi kislorodni to‘qimalarga tashishdir. Temir gemoglobin, mioglobin, temir saqlovchi fermentlar — sitoxromlar tarkibiga kiradi, elektronlarni tashiydi va oksidlanish, gidroksillanish reaksiyalari hamda boshqa metabolik jarayonlarning katalizatori sifatida ishlaydi.

Ferlatum Fol tarkibida temir-protein suksinilat mavjud bo‘lib, u uch valentli temir atomlari yarim sintetik oqsil tashuvchi bilan o‘ralgan murakkab birikma bo‘lib, oshqozon shilliq qavatining shikastlanishini oldini oladi. Oqsil tashuvchi o‘n ikki barmoqli ichakda erib, optimal so‘rilish joyida temirni chiqaradi.

Ichakdan qonga uch valentli temir faol so‘rilish yo‘li bilan o‘tadi, bu esa dozani oshirib yuborish va zaharlanishning imkonsizligini tushuntiradi.

Kalsiy folinat — folin kislotasining kalsiyli tuzi bo‘lib, organizmdagi folat tanqisligini to‘ldiradi.

Qo‘llash usuli va dozalari

Ferlatum Folni ovqatdan oldin yoki keyin ichish kerak.

Kattalarga 1-2 flakon/sutkada 2 marta qabul qilish (40-80 mg uch valentli temir va 0,235-0,470 mg kalsiy folinit pentagidratiga teng miqdorda) yoki shifokor tavsiyasiga muvofiq.

Bolalarga (chaqaloqlik davridan boshlab) 1,5 ml/kg/sut (4 mg/kg/sutka uch valentli temir va 0,0235 mg/kg/sutka kalsiy folitanga ekvivalent miqdorda) 2 mahal yoki shifokor tavsiyasiga muvofiq.

Homiladorlarga temir tanqisligi anemiyasining oldini olish uchun - kuniga 1 flakon. Yashirin yoki klinik ifodalangan temir tanqisligini davolash uchun - kuniga 1-2 flakondan 2 marta qabul qilinadi.

Qon zardobidagi temir va gemoglobinning me’yoriy ko‘rsatkichlariga erishilgandan so‘ng, davolash kamida 8-12 hafta davomida qo‘llab-quvvatlovchi dozada davom ettiriladi.

Eritmani tayyorlash qoidalari:

Ichish uchun eritma tayyorlash uchun dozator qopqog‘ining perforatorini kuch bilan bosish kerak, shunda kukun flakondagi eritmaga to‘kiladi. So‘ngra flakondagi eritmani qattiq chayqatib, dozator qopqog‘ini olib, flakondagi eritmani ichish kerak.

Nojo‘ya ta’sirlari

Kamdan-kam hollarda: me’da-ichak buzilishlari paydo bo‘lib, doza kamaytirilganda yoki preparat bekor qilinganda yo‘qoladi.

Qarshi ko‘rsatmalar

gemoxromatoz;

temir utilizatsiyasining buzilishi (shu jumladan qo‘rg‘oshin kamqonligi, sideroaxrestik kamqonlik);

temir tanqisligi bo‘lmagan anemiyalar (shu jumladan gemolitik anemiya, B12 vitamini yetishmasligidan kelib chiqqan megaloblastik anemiya);

surunkali pankreatit;

jigar sirrozi;

preparat komponentlariga yuqori sezuvchanlik.

Preparatni oshqozon va o‘n ikki barmoqli ichak yara kasalligida, ingichka ichak patologiyasida so‘rilishning buzilishida (shu jumladan enteritlar, so‘rilish yetishmovchiligi sindromi, ingichka ichak rezeksiyasi, o‘n ikki barmoqli ichakni o‘z ichiga olgan Bilrot II bo‘yicha oshqozon rezeksiyasi) ehtiyotkorlik bilan qo‘llash lozim.

Dozani oshirib yuborish

Hozirgi vaqtgacha intoksikatsiya va Ferlatum Fol preparatining organizmga ortiqcha tushishi belgilari tavsiflanmagan.

Maxsus ko‘rsatmalar

Ferlatum Fol preparatini uzluksiz qo‘llash muddati 6 oydan oshmasligi kerak, surunkali qon yo‘qotish (shu jumladan menorragiya, gemorroy) va homiladorlik holatlari bundan mustasno.

Allergik reaksiyalar rivojlanishi mumkinligi sababli, sut oqsilini ko‘tara olmaydigan bemorlarga preparatni ehtiyotkorlik bilan buyurish lozim.

Ferlatum Fol tarkibida sorbit mavjud, shuning uchun fruktozani irsiy ko‘tara olmaydigan bemorlarda preparatni qo‘llash mumkin emas.

Transport vositalari va mexanizmlarini boshqarish qobiliyatiga ta’siri

Preparat diqqatning yuqori konsentratsiyasini va psixomotor reaksiyalarning tezligini talab qiladigan potensial xavfli faoliyat turlari bilan shug‘ullanishga (shu jumladan, avtotransportni boshqarishga) ta’sir qilmaydi.

Saqlash shartlari

Preparatni bolalar qo‘li yetmaydigan joyda, 25 °S dan yuqori bo‘lmagan haroratda saqlash lozim.