Nimeysil-Sip

Tarkib

1 ta tabletka tarkibida quyidagilar mavjud:

faol modda: metronidazol - 100 mg yoki 250 mg;

yordamchi moddalar: kartoshka kraxmali, povidon K30, stearin kislotasi.

Tavsif

Yashil-sariq tusli oq, yassi silindrsimon, chiziq va faskali.

Dori shakli

Tabletkalar.

Farmakoterapevtik guruh

Protozoylarga qarshi vosita. ATX kodi: M01AX17.

Farmakologik xususiyatlari

Mikroblarga qarshi faollikka ega, keng ta’sir doirasiga ega bo‘lgan protozoylarga qarshi preparat. Trichomonas vaginalis, Gardnerella vaginalis, Giardia intestinalis, Entamoeba histolytica, Lamblia, shuningdek obligat anaeroblar, shu jumladan anaerob grammanfiy bakteriyalar (Bacteroides spp., Fusobacterium spp. va boshqalar), anaerob grammusbat bakteriyalar (Clostridium spp. va sezgir Eubacterium shtammlari), anaerob grammusbat kokklar (shu jumladan Peptococcus spp., Peptostreptococcus spp.) rivojlanishini to‘xtatadi.

Preparatga aerob mikroorganizmlar sezgir emas.

Alkogolizmga chalingan shaxslarga preparat buyurilishi ularda alkogolga nisbatan jirkanish (teturamsimon reaksiya) shakllanishiga olib keladi.

Farmakokinetika

Preparat ichga qabul qilinganda me’da-ichak yo‘llaridan yaxshi so‘riladi, qon plazmasidagi maksimal konsentratsiyasiga (Smax) 1-3 soatdan keyin erishiladi.

Organizmning barcha to‘qimalariga tarqaladi, yo‘ldosh va gematoensefalik to‘siqlar orqali ona suti, orqa miya suyuqligi, o‘t suyuqligiga o‘tadi.

Jigarda metabolizmga uchraydi.

Yarim chiqarilish davri (T|/2) 8-10 soat. Yuborilgandan 1-2 kun o‘tgach, organizmdan to‘liq chiqariladi.

Asosan siydik bilan chiqariladi (asosan metabolitlar ko‘rinishida), qisman axlat bilan ajraladi

Ko‘rsatmalar

Erkaklar va ayollarda o‘tkir va surunkali trixomoniazni (shu jumladan, erkaklarda trixomonad uretrit, trixomonad vaginit), protozoy infeksiyani (lyamblioz, amyoba dizenteriyasi, o‘tkir yarali gingivit), preparatga sezgir mikroorganizmlar keltirib chiqargan anaerob infeksiyalarni davolash, og‘ir aralash aerob-anaerob infeksiyalarni kombinatsiyalangan davolash, jarrohlik aralashuvlarida (ayniqsa, qorin bo‘shlig‘i va kichik chanoq a’zolarida) anaerob infeksiyaning oldini olish.

Teri leyshmaniozini (yordamchi vosita sifatida), oshqozon va o‘n ikki barmoqli ichak yara kasalligini (kompleks terapiya tarkibida, Helicobacter pylori ni yo‘q qilish uchun), surunkali alkogolizmni (alkogolga nisbatan nafratni shakllantirish uchun) davolash.

Qo‘llash usuli va dozalari

Preparat ichga, ovqatdan keyin, oz miqdorda suyuqlik bilan ichiladi.

Ayollar va erkaklarda o‘tkir va surunkali trixomoniazni davolash uchun 250 mg dan kuniga 2-3 marta 7-10 kun davomida buyuriladi.

Reinfeksiya ehtimolini istisno qilish uchun ikkala sherik bir vaqtda davolanadi. Zarurat tug‘ilganda davolash kursi 3-4 haftadan keyin takrorlanadi.

Davolashning muqobil sxemasi bemorga va uning jinsiy sherigiga 2 g dan bir marta buyurishdir (tabletkalar kechqurun uyqudan oldin qabul qilinadi).

Lyambliozda kattalarga 250 mg dan kuniga 2-3 marta 5-7 kun davomida buyuriladi. 1 yoshgacha bo‘lgan bolalarga sutkasiga 125 mg dan, 2 yoshdan 4 yoshgacha bo‘lgan bolalarga sutkasiga 250 mg dan, 5 yoshdan 8 yoshgacha bo‘lgan bolalarga sutkasiga 375 mg dan, 8 yoshdan katta bolalarga sutkasiga 500 mg dan (2 mahal) beriladi. Davolash muddati - 5 kun.

Simptomsiz va surunkali amyobiazda kattalarga 500 mg dan kuniga 2-3 marta 5-10 kun davomida, o‘tkir amyobali dizenteriyada simptomlar to‘xtaguncha 750 mg dan kuniga 2-3 marta buyuriladi.

Jigar abssessida - kuniga 2,5 g dan 3-5 kun davomida tetratsiklinlar va boshqa davolash usullari bilan birgalikda. Sutkalik dozasi 2-3 marta qabul qilinadi; 1 yoshdan 3 yoshgacha bo‘lgan bolalarga kattalar dozasining 1/4 qismi, 3 yoshdan 7 yoshgacha - kattalar dozasining 1/3 qismi; 7 yoshdan 12 yoshgacha - kattalar dozasining 1/2 qismi, 1-2 marta qabul qilinadi.

Yarali stomatitda 250 mg dan sutkada 2 marta 3-5 kun davomida buyuriladi, bu holda bolalarga ko‘rsatilmaydi.

Operatsiyadan keyingi infeksion asoratlarning oldini olishda kattalarga preparat operatsiyadan 3-4 kun oldin kuniga 750-1500 mg dan 2-3 marta qabul qilish uchun buyuriladi, 1 g zarbdor dozani bir marta qo‘llash mumkin. Operatsiyadan 1-2 kun o‘tgach (ichishga ruxsat berilganda), preparatni kuniga 750 mg dozada 7 kun davomida qabul qilish tavsiya etiladi.

Anaerob infeksiyalarda kattalar va 13 yoshdan oshgan bolalar uchun sutkalik doza 3-4 marta qabul qilishda 1,0-2,0 g ni tashkil etadi, 13 yoshgacha bo‘lgan bolalarga 7,5 mg/kg hisobida kuniga 3 marta buyuriladi, 7 kun va undan ortiq qabul qilinadi.

Leyshmaniozni davolashda preparat kattalarga 250 mg dan kuniga 2-4 marta; bolalarga 125 mg dan kuniga 2 marta 7 kun davomida, so‘ngra 7 kunlik tanaffusdan so‘ng 14 kun davomida, kattalarga 250 mg dan kuniga 2 marta, bolalarga 125 mg dan kuniga 2 marta buyuriladi.

Me’da va o‘n ikki barmoqli ichak yara kasalligida preparat kuniga 500-750 mg dan 2 marta (ertalab va kechqurun) 2-3 oy davomida qo‘llaniladi.

Alkogolizm bilan og‘rigan bemorlarga 500-750 mg (ovqatdan keyin) 2-4 kun davomida buyuriladi. Bemorning ahvoli yaxshi bo‘lsa, sutkalik dozani 1,6 g gacha oshirib, yana 10 kun berish mumkin. Keyin doza 500 mg gacha kamaytiriladi va davolash 20-25 kun davom ettiriladi. Davolash jarayonida alkogol sinamalari o‘tkaziladi.

Buyrak faoliyati buzilgan bemorlarda (kreatinin klirensi (KK) 10 ml/daqiqadan kam) npeparatni qo‘llashda preparatning sutkalik dozasi ikki baravar kamaytirilishi kerak.

Nojo‘ya ta’sirlari

Ko‘ngil aynishi, qusish, ishtahaning yo‘qolishi, og‘izda yoqimsiz metall ta’mi, bosh og‘rig‘i, bosh aylanishi, harakatlar diskoordinatsiyasi, es-hushning buzilishi, yuqori qo‘zg‘aluvchanlik, depressiya, uyqusizlik, periferik nevropatiya (uzoq muddatli terapiyada), artralgiyalar, holsizlik, siydik chiqarish kanalida qichishish hissi, allergik reaksiyalar (teri toshmasi, qichishish, eshakyemi), o‘rtacha leykopeniya.

Dozani oshirib yuborish

Belgilari: ko‘ngil aynishi, qusish, anoreksiya.

Davolash: spetsifik antidot yo‘q. Simptomatik davolash tavsiya etiladi.

Ehtiyot choralari va qo‘llash xususiyatlari

Davolanish vaqtida spirtli ichimliklar ichish mumkin emas.

Markaziy asab tizimining organik kasalliklarida va granulotsitopeniyada preparat faqat hayotiy ko‘rsatmalar bo‘yicha buyuriladi.

Homiladorlik va laktatsiya davrida qo‘llash

Preparatni homiladorlikning I trimestrida buyurish taqiqlanadi. Homiladorlikning II va III trimestrlarida preparatni faqat hayotiy ko‘rsatmalar bo‘yicha va 2 g dan oshmaydigan dozalarda qo‘llash mumkin.

Emizikli onaga preparat buyurish zarur bo‘lsa, emizishni vaqtincha to‘xtatish lozim. Ko‘krak suti bilan emizishni preparatni to‘xtatgandan keyin 2-3 kun o‘tgach tiklash mumkin.

Jigarning surunkali kasalliklari bo‘lgan bemorlarga preparat juda ehtiyotkorlik bilan buyuriladi, jigar faoliyati buzilganda preparat dozasi kamaytiriladi.

Kurs buyurilganda periferik qon manzarasini muntazam nazorat qilish zarur.

Metronidazol va bilvosita antikoagulyantlar bir vaqtda qo‘llanganda, antikoagulyantlar dozasini kamaytirish va protrombin vaqtini muntazam nazorat qilish lozim.

Preparat bilan davolash fonida qon zardobida ALT va ACT konsentratsiyasining noto‘g‘ri (past) qiymatlarini olish mumkin.

Preparat qabul qilinganda siydik qizil-jigarrang tusga kiradi.

Transport vositasi yoki potensial xavfli mexanizmlarni boshqarish qobiliyatiga ta’sir

Ta’sir qilmaydi.

Preparatni bolalar qo‘li yetmaydigan joyda saqlash va yaroqlilik muddati tugaganidan keyin ishlatmaslik kerak.

Dorilarning o‘zaro ta’siri

Preparat va bilvosita antikoagulyantlar bir vaqtda qo‘llanganda, ularning qon plazmasidagi konsentratsiyasi oshishi va qon ketish xavfi ortishi mumkin.

Litiy preparatlari bir vaqtda qo‘llanganda qon plazmasida litiy konsentratsiyasining oshishi qayd etildi.

Barbituratlar va fenitoinni bir vaqtda buyurish preparatning samaradorligini pasayishiga olib keladi.

Simetidin ayrim hollarda metronidazol eliminatsiyasini sekinlashtirishi va uning qon zardobidagi konsentratsiyasini oshirishi mumkin.

Disulfiram (teturam) bilan bir vaqtda qo‘llanganda bosh aylanishi, es-hushning chalkashuvi kuzatilishi mumkin.

Saqlash shartlari

Quruq, yorug‘likdan himoyalangan joyda, 25 °C dan yuqori bo‘lmagan haroratda. Bolalar qo‘li yetmaydigan joyda saqlash lozim.

Yaroqlilik muddati

2 yil.

Yaroqlilik muddati tugagandan keyin qo‘llamaslik kerak.

Ta’til shartlari

Shifokor retsepti bo‘yicha.

Ishlab chiqaruvchi

"SPRING PHARMACEUTICAL" MCHJ O‘zbekiston Respublikasi, Namangan viloyati, Kosonsoy tumani, Kukumboy, Navbahor MFY.