Vermin

Tarkib

faol modda: albendazol - 400 mg;

yordamchi moddalar: natriy saxarin, natriy benzoat, limon kislotasi, guar smolasi, ksantan smolasi, suvsiz kremniy dioksidi (aerosil), qalampir yalpiz moyi, saxaroza, mentol, tvin-80 (polisorbit 80), sorbitol, metilparaben, propilparaben, natriy gidroksid, tozalangan suv.

Tavsif

Oq yoki deyarli oq rangli, o‘ziga xos hidli suspenziya.

Dori shakli

Suspenziya.

Farmakoterapevtik guruh

Gijjaga qarshi vosita. ATX kodi: R02SA03.

Farmakologik xususiyatlari

Mono- va poliinvaziyalarda samarali bo‘lgan antigelmint vosita. Beta-tubulin polimerizatsiyasini tanlab susaytiradi, gijjalar ichak kanali hujayralari mikrotubulyar tizimi faolligini buzadi, glyukoza utilizatsiyasini susaytiradi, dumaloq chuvalchanglar mushak hujayralarida sekretor granulalar va boshqa organellalarning harakatlanishini to‘xtatib, ularning nobud bo‘lishiga olib keladi. Ayniqsa, sestodalarning lichinka shakllari - Echinococcus granulosus va Taenia solium, nematodalar - Strongyloides stercoralis ga qarshi samarali hisoblanadi.

Qo‘llanilishi

Quyidagilarni davolash uchun qo‘llaniladi:

lyamblioz;

oksiuroz;

askaridoz;

ankilostomoz;

trixurioz;

angiloza;

tenioz;

trixinellyoz

Qo‘llash usuli va dozalari

Preparat ichishga buyuriladi. Qo‘llashdan oldin flakon tarkibini bir xil suspenziya hosil bo‘lguncha chayqatish lozim.

Surgi dori vositalarini qo‘llash va maxsus parhez talab etilmaydi.

Oksiuroz: 1 yoshdan 2 yoshgacha bo‘lgan bolalar uchun sutkalik doza 200 mg, ya’ni 5 ml (1/2 ml flakon suspenziya). Davolash davomiyligi: 7 kundan keyin takrorlanadigan bir martalik doza;

Kattalar va 2 yoshdan oshgan bolalar uchun sutkalik doza 400 mg, ya’ni 10 ml (1 flakon suspenziya). Davolash davomiyligi: bir martalik doza, 7 kundan keyin takrorlanadi. Qat’iy gigiyena choralariga rioya qilinishi kerak va bemor bilan yaqin aloqada bo‘lgan har qanday odam ham davolanishi kerak.

Askaridoz, ankilostomoz, trixurioz: 1 yoshdan 2 yoshgacha bo‘lgan bolalar uchun sutkalik doza 200 mg, ya’ni 5 ml (1/2 flakon suspenziya). Davolash davomiyligi: bir martalik doza;

Kattalar va 2 yoshdan oshgan bolalar uchun sutkalik doza 400 mg, ya’ni 10 ml (flakon suspenziya). Davolash davomiyligi: bir martalik doza.

Trixurioz holatida, xususan, davolashdan 3 hafta o‘tgach, najasning parazitologik tahlili ijobiy bo‘lsa, takroriy davolash kursi o‘tkazilishi kerak.

Angiloz, tenioz (boshqa parazitar invaziyalar bilan bog‘liq): kattalar va 2 yoshdan oshgan bolalar uchun sutkalik doza 400 mg, ya’ni 10 ml (flakon suspenziya). Davolash davomiyligi: bir kunlik doza kamida 3 kun ketma-ket takrorlanadi.

Angiloz va teniozda, xususan, davolanishdan 3 hafta o‘tgach, najasning parazitologik tahlili musbat bo‘lsa, takroriy davolash kursi o‘tkazilishi kerak.

Lyamblioz: bolalar uchun sutkalik doza 400 mg, ya’ni 10 ml (flakon suspenziya). Davolash davomiyligi: bir kunlik doza kamida 5 kun ketma-ket takrorlanadi.

Trixinellyoz: bolalar uchun kunlik doza - kuniga 15 mg/kg, kuniga ikkiga bo‘lingan.

Kattalar uchun: 800 mg, ya’ni 20 ml (2x10 ml suspenziya flakoni), kuniga ikki marta qabul qilinadi. Davolash davomiyligi: bir martalik doza ertalab va kechqurun, 10-15 kun davomida, belgilarning jiddiyligiga va davolash qanchalik tez boshlanishiga qarab.

Nojo‘ya ta’sirlari

Ehtimol: oshqozon-ichak buzilishlari (ich ketishi, qusish, qorin og‘rig‘i), bosh aylanishi, bosh og‘rig‘i, uzoq vaqt qo‘llanganda gipertermiya, vaqtincha soch to‘kilishi, teri toshmalari.

Kamdan-kam hollarda qon tahlilida vaqtinchalik og‘ishlar (leykotsitlar, eritrotsitlar, trombotsitlar sonining kamayishi) yoki jigar ko‘rsatkichlari kuzatildi.

Qarshi ko‘rsatmalar

Preparat komponentlariga va benzimidazolning boshqa hosilalariga yuqori sezuvchanlik; homiladorlik va laktatsiya davri; to‘r pardaning zararlanishi.

Dorilarning o‘zaro ta’siri

Deksametazon, prazikvantel va simetidin qonda albendazol konsentratsiyasini oshiradi.

Simetidin bilan bir vaqtda qo‘llanilganda o‘tda va exinokokk kistasi tarkibida albendazol konsentratsiyasining oshishi aniqlandi, bu esa exinokokkozni davolash samaradorligini oshirishi mumkin.

Maxsus ko‘rsatmalar

Trixinellyozni davolash uchun preparatni qo‘llashda qon tahlili va jigar funksiyasida og‘ishlar xavfi tufayli muntazam ravishda qon tahlilini o‘tkazish tavsiya etiladi. Trixinellyoz invaziyalarini davolashda dori vositasining samaradorligini oshirish uchun davolash invaziya boshlanganidan keyin iloji boricha tezroq boshlanishi kerak.

Homiladorlik davrida preparatni qo‘llash tavsiya etilmaydi. Agar davolanish paytida homiladorlik aniqlansa, iloji boricha tezroq davolovchi shifokor bilan maslahatlashish kerak, chunki u haqiqatan ham davolanishni davom ettirish kerakmi yoki yo‘qligini hal qila oladi.

Dozani oshirib yuborish

Belgilari: nojo‘ya ta’sir belgilarining kuchayishi mumkin.

Davolash: oshqozonni yuvish, faollashtirilgan ko‘mir buyurish. Zarurat tug‘ilganda simptomatik terapiya o‘tkaziladi.

Chiqarish shakli

Suspenziya 400 mg/10 ml, flakonlarda 10 ml dan.

Saqlash shartlari

Yorug‘likdan himoyalangan quruq joyda, 25 °C dan yuqori bo‘lmagan haroratda saqlang.

Yaroqlilik muddati

3 yil. Yaroqlilik muddati tugagandan keyin ishlatilmasin.

Dorixonalardan berish shartlari

Shifokor retsepti bilan beriladi.

Ishlab chiqaruvchi

Remedy Group.