Rosamet

Tarkib

ta’sir etuvchi modda: metronidazol;

1 g krem tarkibida 10 mg metronidazol mavjud;

boshqa tarkibiy qismlar: metilparaben (metilparagidroksibenzoat) (E218), propilparaben (propilparagidroksibenzoat) (E216), glitserin, mineral moy, emulsiyalangan anion faol mum, propilenglikol, tozalangan suv.

Dori shakli

Krem.

Asosiy fizik-kimyoviy xossalari

Oq rangli bir xil krem.

Farmakoterapevtik guruh

Mahalliy qo‘llash uchun kimyoterapevtik vositalar. ATX kodi D06VX01.

Farmakologik xususiyatlari

Farmakodinamika

Preparatning faol komponenti - metronidazol - sintetik (hosila modda

5-nitroimidazol) antiprotozoy va antibakterial vosita hisoblanadi. Uning ta’sir mexanizmi metronidazolning 5-nitroguruhini anaerob mikroorganizmlar va sodda hayvonlarning hujayra ichidagi transport oqsillari bilan biokimyoviy tiklashdan iborat. Metronidazolning qaytarilgan 5-nitroguruhi mikroorganizmlar DNKsi bilan o‘zaro ta’sirlashib, uning sintezini susaytiradi, bu esa mikroorganizmlarning nobud bo‘lishiga olib keladi. Shunday yo‘l bilan hosil qilingan mahsulotlar dori vositasining mikroblarga qarshi va sitostatik ta’siri uchun javob beradi deb hisoblanadi, chunki ular DNKni shikastlaydi va nuklein kislotalar sintezini ingibirlaydi. Metronidazol bo‘linayotgan hujayralarda ham, barqaror hujayralarda ham bir xil samara beradi. Metronidazolning yallig‘lanishga qarshi va immunodepressiv ta’siri in vitro va tirik holda o‘tkazilgan tadqiqotlarda isbotlangan. Yuqorida ko‘rsatilgan ta’sir mexanizmi yordamida preparat rozatsea bilan og‘rigan bemorlarda yallig‘lanish shikastlanishlari (papula va pustulalar) va eritemaning kamayishiga olib keladi deb hisoblanadi. Metronidazolning mahalliy antibakterial ta’siri rozatsea va rozatseasimon dermatitni davolashda sezilarli hisoblanmaydi.

Metronidazolni 1% konsentratsiyada kuniga ikki marta 30 kun davomida qo‘llash aerob yoki anaerob teri yoki najas mikroflorasida o‘zgarishlarga olib kelmaydi.

Farmakokinetika

Metronidazolning mahalliy qo‘llanilgandan keyingi metabolizmi va chiqarilishi aniqlanmagan. Tizimli so‘rilgan metronidazol jigarda metabolizmga uchraydi va buyraklar orqali chiqariladi.

Ko‘rsatmalar

Rozatsea va vulgar husnbuzarlarda yallig‘lanishli papula va pustulalarni, rozatsimon steroid dermatitni mahalliy davolash.

Qarshi ko‘rsatmalar

Metronidazol dori vositasiga, imidazol hosilalariga, parabenlarga va shunga o‘xshash birikmalarga yoki dori vositasining boshqa har qanday komponentlariga yuqori sezuvchanligi bo‘lgan bemorlarda qo‘llash mumkin emas.

Boshqa dori vositalari bilan o‘zaro ta’siri va boshqa turdagi o‘zaro ta’sirlar

Tavsiya etilgan dozalarda mahalliy qo‘llanganda kremning boshqa dori vositalari bilan tizimli o‘zaro ta’siri aniqlanmagan, biroq Rozamet® kremini ba’zi dori vositalari bilan tayinlashda ehtiyot bo‘lish lozim.

Varfarin va boshqa kumarinli antikoagulyantlar. Ma’lumki, peroral qo‘llaniladigan metronidazol antikoagulyant ta’sirini kuchaytiradi, bu esa protrombin hosil bo‘lish vaqtining uzayishiga olib keladi.

Fenobarbital. Peroral qo‘llaniladigan metronidazol bilan bir vaqtda qo‘llanilganda, uning mikroblarga qarshi faolligi pasayishi aniqlandi. Sababi - metronidazol metabolizmining tezlashishi.

Disulfiram. Bir vaqtning o‘zida og‘iz orqali qo‘llash preparatlarning zaharliligini kuchaytiradi, bu esa nevrologik alomatlarning rivojlanishiga olib kelishi mumkin.

Simetidin. Og‘iz orqali qo‘llaniladigan metronidazol metabolizmini susaytiradi, bu esa qon zardobida metronidazol konsentratsiyasining oshishiga olib kelishi mumkin.

Metronidazol bilan tizimli davolashda alkogol iste’mol qilishdan tiyilish kerak, chunki disulfiramga o‘xshash reaksiya bo‘lishi mumkin.

Qo‘llash xususiyatlari

Dori vositasi faqat tashqi qo‘llash uchun mo‘ljallangan. Shilliq qavatlar va ko‘zlarga tegishdan saqlanish kerak, chunki preparat ularni ta’sirlashi mumkin. Agar krem ko‘zga tushsa, uni zudlik bilan ko‘p miqdordagi suv bilan yuvish kerak. Kremni ko‘zga yaqin joylarga surtmaslik kerak. Rozamet® kremini surtishdan oldin zararlangan sohani tozalash lozim. Qo‘llagandan so‘ng kosmetik vositalardan foydalanish mumkin.

Terining katta yuzasiga surtilganda yoki krem uzoq vaqt ishlatilganda tizimli nojo‘ya ta’sirlar rivojlanish ehtimoli mavjud.

Preparatni qon yaratish funksiyasi buzilgan bemorlarga ehtiyotkorlik bilan buyurish lozim.

Tashqi qo‘llash uchun metronidazol qizil husnbuzarlarda kuzatiladigan teleangiektaziyani davolash uchun samarali emas.

Preparat tarkibiga kiruvchi propilparagidroksibenzoat (E 216) va metilparagidroksibenzoat (E 218) allergik reaksiya (kechiktirilgan bo‘lishi mumkin) chaqirishi mumkin; juda kam hollarda kontakt dermatit bo‘lishi mumkin. Preparat tarkibidagi propilenglikol ham teri reaksiyalarini keltirib chiqarishi mumkin.

Preparatni qo‘llashda UB-nurlanishdan (quyosh vannalari, solyariy, UB-lampalar) saqlanish kerak.

Homiladorlik yoki emizish davrida qo‘llash

Ichga qo‘llanganda metronidazol platsenta to‘sig‘i orqali ko‘krak sutiga yetarlicha katta konsentratsiyada o‘tadi. Mahalliy qo‘llanilganda metronidazolning qondagi konsentratsiyasi yuqori bo‘lmasa-da, Rozamet®kremi homiladorlikning I trimestrida qo‘llanilishi mumkin emas, II va III trimestrlarda esa uni faqat o‘ta zarur hollarda qo‘llash mumkin.

Preparat bilan davolash davrida emizishni to‘xtatish kerak.

Avtotransport yoki boshqa mexanizmlarni boshqarishda reaksiya tezligiga ta’sir qilish qobiliyati

Preparatni ko‘rsatilgan dozada qo‘llash transport vositalarini boshqarishda yoki potensial xavfli mexanizmlar bilan ishlashda reaksiya tezligiga ta’sir ko‘rsatmaydi.

Qo‘llash usuli va dozalari

Preparat faqat tashqi qo‘llash uchun mo‘ljallangan!

Krem iliq suv yoki yengil detergent yordamida oldindan tozalangan teriga yupqa qatlam bilan surtiladi va yengil ishqalanadi. Terini tozalash va krem surtish orasida 15-20 daqiqa tanaffus qilish tavsiya etiladi. Kuniga ikki mahal (ertalab va kechqurun) surtiladi. Davolashning o‘rtacha davomiyligi 3-4 oyni tashkil etadi. Terapevtik samara davolashning 3 haftasidan keyin kuzatiladi.

Bolalar.

Bolalar foydalanmasligi kerak.

Dozani oshirib yuborish

Mahalliy qo‘llashda dozani oshirib yuborish holatlari ma’lum emas. Mahalliy qo‘llanganda metronidazol kam miqdorda adsorbsiyalanadi, bu esa tizimli ta’sir ko‘rsatmaydi.

Salbiy ta’sirlar

Odatda metronidazolni mahalliy qo‘llash bilan bog‘liq nojo‘ya reaksiyalar kam va kuchsiz ifodalangan shaklda kuzatiladi. Eng ko‘p uchraydigan nojo‘ya ta’sirlar allergik reaksiyalar va yuqori sezuvchanlik ko‘rinishlari, shu jumladan teri toshmasi, qichishish, eshakemi, terining mahalliy ta’sirlanishi bo‘lib, ular vaqtinchalik qizarish, quruqlik hissi, achishish, sanchish va ta’sirlanish belgilari, teri haroratining mahalliy ko‘tarilishi bilan tavsiflanadi. Ko‘z sohasiga krem surtilsa, ko‘zdan yosh oqishi mumkin.

Davolashning boshida rozatsea belgilarining vaqtincha kuchayishi mumkin, shuning uchun metronidazol bilan chaqirilgan mahalliy reaksiyalarni baholash qiyin bo‘lishi mumkin, chunki yuqorida aytib o‘tilgan belgilarning aksariyati rozatsea uchun ham xosdir.

Mahalliy qo‘llash natijasida erishiladigan konsentratsiyalar juda past bo‘lganligi sababli, metronidazolning tizimli nojo‘ya ta’sirlari ehtimoli kam.

Asab tizimi tomonidan noxush reaksiyalar bo‘lishi mumkin: gipoasteziya, paresteziya, disgevziya (og‘izda metall ta’mi).

Boshqalar: ko‘ngil aynishi, disulfiramga o‘xshash belgilar.

Preparat tarkibiga kiruvchi propilparagidroksibenzoat (E 216) va metilparagidroksibenzoat (E 218) allergik reaksiya (kechiktirilgan bo‘lishi mumkin) chaqirishi mumkin; juda kam hollarda kontakt dermatit bo‘lishi mumkin. Preparat tarkibidagi propilenglikol ham teri reaksiyalarini keltirib chiqarishi mumkin.

Yaroqlilik muddati

2 yil.

Saqlash shartlari

Bolalar qo‘li yetmaydigan joyda, 25 °C dan yuqori bo‘lmagan haroratda saqlang.

Qadoq

tubaga 25 g dan krem; 1 ta tuba karton qutida.

Ta’til toifasi

Retsept bo‘yicha.

Ishlab chiqaruvchi

Jadran-Galenskiy Laboratorij d. d./ Jadran-Galenskiy Laboratorij d. d.

Manzil

Svotno 20, 51000 Rieka, Xorvatiya.