Aldegin

Tarkib

1 g gel tarkibida quyidagilar mavjud:

faol modda: deksketoprofen 12,5 mg (deksketoprofen shaklida trometamol 18,5 mg);

yordamchi moddalar: karbomer 980, propilenglikol, polietilenglikol (PEG 400), etanol 96%, natriy gidroksidning 18% li eritmasi, lavanda aromatizatori, ionsizlantirilgan suv.

Tavsif

Gomogen, rangsiz, tiniq gel.

Farmakoterapevtik guruh

Mahalliy qo‘llash uchun nosteroid yallig‘lanishga qarshi preparatlar. ATX kodi: M02AA96.

Farmakologik xususiyatlari

Deksketoprofen nosteroid yallig‘lanishga qarshi preparat hisoblanadi. Og‘riq qoldiruvchi va isitma tushiruvchi ta’sir ko‘rsatadi. Preparatning ta’sir mexanizmi siklooksigenazaning susayishi natijasida prostaglandinlar sintezining susayishiga asoslangan. Deksketoprofen SOG-1 va SOG-2 faolligini ingibirlaydi.

Og‘riq qoldiruvchi ta’siri preparatni qabul qilgandan 30 daqiqa o‘tgach boshlanadi, uning davomiyligi 4-6 soatni tashkil etadi.

Farmakokinetika

So‘rish

Deksketoprofen mahalliy qo‘llanganda teri orqali kam miqdorda so‘riladi. Tizimli biomavjudligi pastligi sababli tizimli samara kutilmaydi.

Taqsimlash

Deksketoprofenning yarim taqsimlanish vaqti 0,35 soatni tashkil etadi. Plazma oqsillari bilan bog‘lanish darajasi yuqori bo‘lgan boshqa preparatlar kabi (99%), deksketoprofenning o‘rtacha taqsimlanish hajmi 0,25 l/kg dan kam.

Biotransformatsiya

Deksketoprofen qo‘llangandan so‘ng, trometamol siydikda faqat S- (+) enantiomer shaklida aniqlanadi. Preparat organizmda to‘planmaydi.

Chiqarish

Deksketoprofen trometamolning yarim chiqarilish davri 1,65 soatni tashkil etadi. Preparat asosan siydik bilan glyukuronlash orqali hosil bo‘lgan metabolitlar ko‘rinishida chiqariladi.

Qo‘llanilishi

Bo‘g‘imlar, boylamlar, paylar va mushaklarning og‘riq va yallig‘lanish bilan kechuvchi jarohatlari va degenerativ kasalliklari.

Qo‘llash usuli va dozalari

Gel kuniga 2-3 mahal og‘rigan va yallig‘langan joyga surtiladi.

Umumiy sutkalik doza 7,5 mg dan oshmasligi kerak (taxminan 14 sm gelga to‘g‘ri keladi).

Davolash kursining davomiyligi 7 kundan oshmaydi.

AldeginTM geli mahalliy qo‘llash uchun mo‘ljallangan. To‘liq so‘rilishi uchun gel bir tekis yupqa qatlam qilib yoyiladi. Gelning shilliq qavatlarga va ko‘zga tushishidan saqlanish kerak.

Maxsus bemorlar guruhlari bilan bog‘liq qo‘shimcha ma’lumotlar

Buyrak/jigar yetishmovchiligi

Gel shaklidagi preparatning tizimli ta’siri minimal bo‘lishiga qaramay, YAQNDVning tizimli nojo‘ya ta’sirlari teri orqali so‘rilishiga, qo‘llanilgan gel miqdoriga, yuza maydoniga, teri qoplamlarining butunlik darajasiga, davolash davomiyligiga va okklyuzion bog‘lamlardan foydalanishga bog‘liq (ovqat hazm qilish tizimi va buyraklarga ta’sir ko‘rsatadi). Shu sababli buyrak va jigar faoliyati buzilganda ehtiyotkorlik bilan ishlatish kerak.

Pediatrik bemorlar

6 yoshgacha bo‘lgan bolalarga qo‘llash tavsiya etilmaydi.

Keksa bemorlar

Dozani tuzatish talab etilmaydi.

Nojo‘ya ta’sirlari

Gel qo‘llanilganda mahalliy teri reaksiyalari qayd etilgan. Eritema, qichishish, fotosensibilizatsiya kuzatiladi.

Uchrash chastotasi: juda tez-tez (≥1/10); tez-tez (≥1/100 dan <1/10 gacha); tez-tez emas (≥1/1000 dan <1/100 gacha); kamdan-kam (≥1/10000 dan <1/1000 gacha); juda kamdan-kam (<1/10000); noma’lum chastota bilan (mavjud ma’lumotlar asosida baholash mumkin emas).

Teri va teri osti kletchatkasi tomonidan

kamdan-kam hollarda: dermatit (eritema, qichishish, yallig‘lanish);

juda kam hollarda: tizimli yuqori sezuvchanlik reaksiyasi (eshakemi, bronxospazm);

noma’lum chastotali: fotosensibilizatsiya reaksiyalari (eritema, yallig‘lanish va ba’zi hollarda pufakchalar hosil bo‘lishi).

Shubhali nojo‘ya ta’sirlar haqida xabar berish

Dori vositasi ro‘yxatdan o‘tkazilgandan so‘ng shubhali nojo‘ya ta’sirlar haqida xabar berish muhim ahamiyatga ega. Bu dori vositasini qo‘llashning foyda/xavf nisbatini uzoq vaqt davomida nazorat qilish imkonini beradi.

Nojo‘ya ta’sirlar paydo bo‘lganda shifokorga murojaat qiling.

Qarshi ko‘rsatmalar

Deksketoprofen, ketoprofen yoki preparatning har qanday tarkibiy qismiga yuqori sezuvchanlik.

Aspirin va boshqa nosteroid yallig‘lanishga qarshi dori vositalarini qo‘llash bilan bog‘liq bo‘lgan astma, allergik rinit va eshakemi tarixi.

Diaprofen kislotasi, fenofibrat yoki kosmetik vositalardan foydalanish bilan bog‘liq astma tarixi.

Ekssudativ dermatozda, ekzemada, jarohatlanish turidan qat’i nazar, terining zararlanishida, shuningdek, shilliq qavatlarga, ko‘zga, anus va jinsiy a’zolar sohasiga qo‘llanilmaydi.

Dorilarning o‘zaro ta’siri

Deksketoprofen kam miqdorda qonga o‘tishi sababli, boshqa dori preparatlari va vositalari bilan o‘zaro ta’siri kam hollarda kuzatiladi.

Deksketoprofenni boshqa nosteroid yallig‘lanishga qarshi dorilar bilan bir vaqtda qo‘llash nojo‘ya ta’sirlar xavfini oshirishi mumkin.

Maxsus ko‘rsatmalar

Dori preparatlarini uzoq vaqt mahalliy qo‘llash yuqori sezuvchanlik va mahalliy ta’sirlanish belgilarini keltirib chiqarishi mumkin. Fotosensibilizatsiya yoki yuqori sezuvchanlik rivojlanish xavfi tufayli gelni qo‘llash davrida va davolash tugagandan so‘ng 2 hafta davomida terining zararlangan sohasiga quyosh nuri va ultrabinafsha nurlari tushishidan saqlanish kerak.

Ochiq jarohatlangan joylarga, shuningdek, surunkali shikastlangan teri sohalariga gelni qo‘llash mumkin emas.

Gelni tor kiyimlar va okklyuzion bog‘lamlar ostida qo‘llash mumkin emas.

Gel surtilgandan so‘ng qo‘llarni yaxshilab yuvish kerak.

AldeginTM geli tarkibida teri reaksiyalarini keltirib chiqarishi mumkin bo‘lgan propilenglikol mavjud.

Gel qo‘llanilganda kuzatiladigan teri reaksiyalarida davolashni darhol to‘xtatish kerak.

Homiladorlik va laktatsiya davrida qo‘llash

Nosteroid yallig‘lanishga qarshi dorilarning toksik ta’sirlari rivojlanish xavfi tufayli, homiladorlik davrida AldeginTM gelini qo‘llash tavsiya etilmaydi.

Deksketoprofenning ona sutiga o‘tishi haqida ma’lumot yo‘q, shu sababli laktatsiya davrida AldeginTM gelini qo‘llash tavsiya etilmaydi.

Avtotransport va mexanizmlarni boshqarish qobiliyatiga ta’siri

Avtotransportni boshqarishda yoki boshqa mexanizmlar bilan ishlashda reaksiya tezligiga ta’sir qilish qobiliyati haqida ma’lumotlar yo‘q.

Dozani oshirib yuborish

AldeginTM gelini mahalliy qo‘llashda dozani oshirib yuborish holatlari kuzatilmadi. Gel tasodifan ichilganda, gel miqdoriga qarab tizimli ta’sirlar kuzatilishi mumkin.

Bunday hollarda oshqozonni yuvish, qo‘llab-quvvatlovchi va simptomatik terapiya tayinlash lozim.

Chiqarish shakli

Sirtga qo‘llash uchun AldeginTM geli 60 g 1,25%, tubalarda. 1 ta tuba, qo‘llash bo‘yicha yo‘riqnoma bilan birga karton qutiga qadoqlangan.

Saqlash shartlari

25 °C dan yuqori bo‘lmagan haroratda, asl qadoqda va bolalar qo‘li yetmaydigan joyda saqlang.

Yaroqlilik muddati

2 yil.

Yaroqlilik muddati tugaganidan keyin ishlatilmasin.

Dorixonalardan berish shartlari

Retseptsiz beriladi.

Ro‘yxatdan o‘tish egasi

Deva Xolding A.Sh.

Halqali Merkez Mah. Basin Ekspress Jad. No1

Kuchukçekmece/Istanbul/Turkiya

Ishlab chiqaruvchi

Deva Xolding A.Sh.

Sanayi Belgesi cherkas tashkiloti

Qorag‘och Max., Otaturk Jad. No32

Kapaklı/Tekirdag/Türkiye

O‘zbekiston Respublikasi hududida dori vositalarining sifati bo‘yicha e’tirozlarni (takliflarni) qabul qiluvchi tashkilotning nomi va manzili

"ASFARMA SAVDO" MCHJ

100097 Toshkent shahri, O‘zbekiston

Chilonzor tumani, S mavzesi, 4A-uy

Tel.: (+998-71) 2737095