Geparigen

Tarkib

1 ml eritma tarkibiga quyidagilar kiradi:

faol modda: L-ornitin-L-aspartat - 100 mg;

yordamchi moddalar: kaliy metabisulfit, inyeksiya uchun suv.

Tavsif

Rangsizdan och sariq ranggacha bo‘lgan shaffof eritma.

Dori shakli

Infuziya uchun eritma tayyorlash uchun konsentrat.

Farmakoterapevtik guruh

Gepatoprotektor. ATX kodi: A05BA.

Farmakologik xususiyatlari

L-ornitin: L-ornitin Geparigen preparatining ta’sir etuvchi moddasi bo‘lib, mochevina hosil bo‘lish sikliga ta’sir ko‘rsatadi. L-ornitin ornitin karbomoiltransferaza va karbamoilfosfatsintetaza faollashtiruvchisi hamda mochevina sintezi uchun substrat sifatida ta’sir ko‘rsatadi. Ornitin siklida mochevina hosil bo‘lishini (ammiakdan mochevina hosil bo‘lish reaksiyasini) rag‘batlantiradi, shu bilan ammiakni qon oqimidan chiqarib tashlaydi. L-aspartat: L-aspartat Geparigen preparatining ta’sir etuvchi moddasi bo‘lib, uch karbon kislotalar sikliga ta’sir ko‘rsatadi. L-aspartat jigarning o‘tkir va surunkali kasalliklarida shikastlanishi mumkin bo‘lgan vena atrofi gepatotsitlarida glutamin sintezini rag‘batlantiradi. Shunday qilib, zararlangan hujayralar yangi gepatotsitlar generatsiyasini faollashtiradi.

Farmakokinetika

Ornitinning ham, aspartatning ham yarim chiqarilish davri qisqa - 0,3-0,4 soat. Jigar tomonidan metabolizmga uchraydi, aminoguruh ammiakka aylanadi va karbonat angidrid bilan birgalikda mochevina hosil qiladi hamda siydik va najas bilan chiqariladi. Aspartatning ozgina qismi o‘zgarmagan holda siydik bilan chiqariladi.

Ko‘rsatmalar

Jigar sirrozi, steatozi, gepatit kabi o‘tkir yoki surunkali jigar shikastlanishi natijasida yuzaga keladigan giperammoniemiyada, ayniqsa ong buzilishi (prekomatoz holat) yoki nevrologik asoratlarni (jigar ensefalopatiyasi) davolash uchun.

Chunki L-ornitin-L-aspartat jigarda sodir bo‘ladigan metabolik sikllarga ta’sir ko‘rsatadi va shu bilan qon oqimida ammiak konsentratsiyasini kamaytiradi. Ammiakdan mochevina hosil bo‘lish reaksiyasini rag‘batlantirishi tufayli detoksikatsiya ta’sirini kuchaytiradi.

Qo‘llash usuli va dozalari

Shifokor ko‘rsatmasiga ko‘ra, kuniga o‘rtacha 4 ta ampula.

Hush buzilganda (prekom va koma) bemor ahvolining og‘irligiga qarab sutkasiga 8 ampulagacha yuboriladi.

Geparigenni barcha oddiy infuzion eritmalarga qo‘shish mumkin. Shunga qaramay, venoz tolerantlik yuzaga kelishi sababli, doza 500 ml infuziyada 6 ampuladan oshmasligi kerak.

Preparatni yuborishning maksimal tezligi 5 g/soatni tashkil etadi.

Qo‘llash davomiyligi kasallikni davolash kursiga bog‘liq.

Bolalarga: preparatni 8 yoshgacha bo‘lgan bolalarda qo‘llash tavsiya etilmaydi.

Nojo‘ya ta’sirlari

Kamdan kam hollarda, davolashning to‘xtatilishiga sabab bo‘lmagan ko‘ngil aynishi, qusish kabi oshqozon-ichak trakti buzilishlari kuzatiladi va doza kamaytirilganda yo‘qoladi.

Allergik reaksiyalar bo‘lishi mumkin.

Qarshi ko‘rsatmalar

Preparatning ta’sir etuvchi va yordamchi moddalariga yuqori sezuvchanlik. Ba’zi buyrak kasalliklarida (qon zardobida kreatinin konsentratsiyasi 3 mg/100 ml dan yuqori bo‘lganda).

Dozani oshirib yuborish

Hozirgacha preparatning dozasini oshirib yuborish oqibatida intoksikatsiya alomatlari kuzatilmagan. Doza oshirib yuborilganda simptomatik davolash tavsiya etiladi.

Ehtiyot choralari va qo‘llash xususiyatlari

Preparatning yuqori dozalari yuborilganda, qon plazmasi va siydikdagi mochevina miqdorini nazorat qilish zarur.

Jigar faoliyati sezilarli darajada buzilganda, ko‘ngil aynishi va qusishning oldini olish uchun infuziya tezligini bemorning individual holatiga muvofiq sozlash zarur.

Geparigen preparatining yuqori dozalari infuziyasida qon zardobi va siydikdagi mochevina miqdorini nazorat qilish zarur.

Homiladorlik va laktatsiya davri

Homiladorlik davrida preparatni qo‘llash to‘g‘risida ma’lumotlar yo‘q, shuning uchun bu davrda uni qo‘llashdan saqlanish kerak.

Biroq, agar dori bilan davolanish hayotiy ko‘rsatmalar bo‘yicha zarur deb hisoblansa, xavf/foyda nisbatini diqqat bilan ko‘rib chiqish lozim.

Preparatning ona sutiga tushishi noma’lum, shuning uchun emizish davrida preparatni qo‘llashdan saqlanish kerak.

Avtomobil va boshqa mexanizmlarni boshqarish qobiliyatiga ta’siri

Kasallik tufayli transport vositasini boshqarish yoki boshqa mexanizmlar bilan ishlash qobiliyati dori bilan davolanish paytida yomonlashishi mumkin, shuning uchun davolanish davrida bunday faoliyat turidan qochish kerak.

Boshqa dori vositalari bilan o‘zaro ta’siri va boshqa turdagi o‘zaro ta’sirlar

O‘zaro ta’sir bo‘yicha tadqiqotlar o‘tkazilmagan.

Chiqarish shakli

Ampulada 5 ml dan. Karton qutida tibbiy qo‘llash bo‘yicha yo‘riqnoma bilan birga 10 ta ampula

Saqlash shartlari

25 °S dan yuqori bo‘lmagan haroratda, yorug‘likdan himoyalangan joyda saqlang.

Preparatni bolalar qo‘li yetmaydigan joyda saqlash lozim.

Yaroqlilik muddati

3 yil.

Yaroqlilik muddati tugagandan keyin ishlatilmasin.

Ta’til shartlari

Retsept bo‘yicha.

Ishlab chiqaruvchi

"Dai Han Pharm Co., Ltd.," Kopeya.