Gepaza

фаол модда: L-орнитин-L-аспартат;

ёрдамчи модда: инъекция учун сув.

Тиниқ, рангсиз ёки оч-сариқ рангли эритма.

Инфузия учун эритма тайёрлаш учун концентрат.

Гепатопротектор восита. АТХ коди: А05ВА.

Фармакодинамика

Организмда аммиакнинг юқори миқдорини пасайтиради, хусусан, жигар касалликларида. Препаратнинг таъсири унинг Кребс мочевина ҳосил бўлиши (аммиакдан мочевина ҳосил бўлиши) орнитин ҳалқасида иштирок этиши билан боғлиқ.

Инсулин ва соматотроп гормонининг ҳосил бўлишига ёрдам беради. Парентерал озуқлантириш талаб этиладиган касалликларда оқсил алмашишини яхшилайди.

Фармакокинетикаси

Орнитин аспартат таркибига кирувчи аминокислоталар - орнитин ва аспартат компонентларига диссоцияланади. Улар эса ингичка ичакда ичак эпителияси орқали сўрилади. Буйраклар орқали чиқарилади.

Гипераммониемия билан бирга кечувчи жигарнинг уткир ва сурункали касалликлари. Жигар энцефалопатияси, жумладан онгнинг бузилишларини (прекома ва коматоз ҳолатлар) мажмуавий даволаш тартибида.

Оқсил етишмовчилиги бўлган беморларда парентерал озиқлантириш учун препаратларга тўғриловчи қўшимча сифатида.

Ампулаларнинг ичидагисини 500 мл инфузион эритмада эритиб, суткада 4 ампулагача вена ичига юборилади. Жигар энцефалопатиясида ҳолатнинг оғирлик даражасига қараб суткада 8 ампулагача юборилади. Инфузиянинг давомийлиги ва сони ва даволашнинг муддати шахсий белгиланади. Вена ичига қуйишнинг максимал тезлиги соатига 5 г.

500 мл инфузион эритмада 6 ампуладан ортиқ эритилмасин! Артерия ичига юборилмасин!

Аллергик реакциялар, кам ҳолларда кўнгил айниши, қайт қилиш кузатилиши мумкин. Кўрсатилган ножўя ҳолатлар одатда ўтиб кетади ва препаратни тўхтатилишини талаб этмайди. Ножўя ҳолатлар кузатилганда, препаратнинг юборилиш дозаси ва тезлиги мўътадиллаштирилади.

L-орнитин-Lаспартатга ёки препаратнинг бошқа компонентларига ўта юқори сезувчанлик.

Креатинин кўрсатгичи 3 мг/100 мл дан юқори бўлган яққол буйрак етишмовчилиги.

Ҳомиладорлик ва лактация даврида қўлланилиши

Препаратни (инфузия учун эритма тайёрлаш учун концентрат) ҳомилага бўлган таъсири тўғрисида тўлиқ маълумот мавжуд бўлмаганлиги сабабли ҳомиладорлик даврида қўллаш мумкин эмас. Препаратдаги таъсир этувчи модда она сутига ўтиши маълум эмас, шу сабабли лактация даврида қўлланилиши тавсия этилмайди. Агар препарат билан даволаниш шарт бўлса, у ҳолда шифокорнинг назорати остида қўлланилиши даркор.

Таърифланмаган.

Асосий касаллик туфайли жигар энцефалопатияси ташхиси қўйилганида автомобилни бошқариш ва диққатни юқори жамлашни ва тезкор психомотор реакцияларни талаб қилувчи бошқа потенциал хавфли фаолият турлари билан шуғулланишда эҳтиёткорликка риоя қилиш керак.

Препаратнинг юқори дозаларида қон зардоби ва сийдик таркибидаги мочевинанинг миқдорини назорат қилиш керак. Агар жигар фаолияти сезиларли даражада бузилган бўлса, беморнинг индивидуал ҳолатини инобатга олган ҳолда, кўнгил айниши ва қайт қилишини олдини олиш мақсадида, препаратни киритиш тезлигини тўғрилаш мумкин.

Болаларда препаратни қўллаш тўғисида мавжуд эмас.

Дозани ошириб юборилиш ҳолатида интоксикацияланиш белгилари қайд этилмаган.

Доза ошириб юборилганда симптоматик терапия қўлланилади.

Инфузиялар учун эритма тайёрлаш учун концентрат, 10 мл ампулаларда.

Қуруқ, ёруғликдан ҳимояланган жойда, 25 °С дан юқори бўлмаган ҳароратда сақлансин.

2 йил.

Рецепт бўйича.

«REMEDY GROUP » МЧЖ ҚК

Ўзбекистон Республикаси, Тошкент ш., 100069, Олмазор тумани, Янги Олмазор кўч., 51.

Тел./факс: (99871) 248 02 05.