Befron

Dori preparatining tarkibi

5 ml suspenziya tarkibida faol modda - 100,00 mg ibuprofen mavjud.

yordamchi moddalar: limon kislota monogidrati, natriy sitrat digidrati, natriy benzoat, kaliy atsetsulfam, sorbitol 70%, ksantan yelimi, mikrokristall sellyuloza va natriy karboksimetilsellyuloza RC 591, krossovidon (Kollidon CL-M), polisorbat 80 (Tvin 80), suvsiz kolloid kremniy dioksidi (Aerosil 200), shakar, uzum aromatizatori, tozalangan suv.

Tashqi ko‘rinish, hid, ta’m tavsifi

Oqdan och kulranggacha, o‘ziga xos hidli gomogen suspenziya.

Dori shakli, dozasi

Suspenziya 100 mg/5 ml

Farmakoterapevtik guruh

Suyak-mushak tizimi. Yallig‘lanishga va revmatizmga qarshi preparatlar. Yallig‘lanishga qarshi va revmatizmga qarshi preparatlar, nosteroidlar. Propion kislota hosilalari. Ibuprofen. ATX kodi: M01AE01.

Qo‘llanilishi

BEFRON® 3 oylikdan 12 yoshgacha bo‘lgan bolalarda isitma tushiruvchi va og‘riq qoldiruvchi vosita sifatida quyidagi holatlarda qo‘llaniladi:

- o‘tkir respirator virusli infeksiyalar, gripp

- emlashdan keyingi reaksiyalarda

- tana haroratining ko‘tarilishi bilan kechadigan yuqumli-yallig‘lanish kasalliklarida

- bosh, tish og‘rig‘i, quloq, tomoq og‘rig‘i, cho‘zilish va boshqa turdagi og‘riqlar

Qo‘llashni boshlashdan oldin zarur bo‘lgan ma’lumotlar ro‘yxati Qarshi ko‘rsatmalar

- ta’sir etuvchi moddaga yoki yordamchi moddalarning istalganiga yuqori sezuvchanlik

- atsetilsalitsil kislotasi (salitsilatlar) yoki boshqa nosteroid yallig‘lanishga qarshi dorilar (NYAQDV) qabul qilish natijasida kelib chiqqan bronxial astma, eshakemi, rinit

- oshqozon-ichak yo‘lining yarali shikastlanishi (oshqozon va o‘n ikki barmoqli ichak yara kasalligi, yarali kolit), oshqozon-ichakdan qon ketishi

-qon kasalliklari: gipokoagulyatsiya, leykopeniya, gemofiliya, gemorragik vaskulit

- og‘ir buyrak va/yoki jigar yetishmovchiligi

-fruktozani irsiy ko‘tara olmaslik yoki glyukoza-galaktoza malabsorbsiyasi

- 3 oygacha bo‘lgan bolalar yoshi

-homiladorlikning uchinchi trimestri

-og‘ir yurak yetishmovchiligi (NYHA IV)

Qo‘llashda zarur ehtiyot choralari

Preparatni simptomlarni nazorat qilish uchun zarur bo‘lgan qisqa vaqt ichida minimal samarali dozada qo‘llash nojo‘ya ta’sirlarni minimallashtirish imkonini beradi.

Quyidagi kasalliklar bilan og‘rigan bemorlar ehtiyotkor bo‘lishlari kerak:

- Aseptik meningit rivojlanish xavfi yuqoriligi sababli tizimli qizil yugurik va biriktiruvchi to‘qimaning aralash kasalligi.

- Porfirin metabolizmining tug‘ma buzilishi (masalan, o‘tkir intermittirlovchi porfiriya).

- Oshqozon-ichak yo‘li tomonidan buzilishlar va ichakning surunkali yallig‘lanish kasalliklari (yarali kolit, Kron kasalligi).

- Anamnezda gipertenziya va/yoki yurak yetishmovchiligi, chunki YAQNDV qabul qilgan bemorlarda suyuqlik ushlanib qolishi va shish kuzatilgan.

- Buyrak yetishmovchiligi, chunki buyrak faoliyatining pasayishi davom etishi mumkin

- Jigar disfunksiyasi

- Keng ko‘lamli jarrohlik amaliyotidan so‘ng.

- Pichan isitmasi, burun bo‘shlig‘i poliplari yoki nafas olish tizimidagi surunkali obstruktiv buzilishlar, bu allergik reaksiya rivojlanish xavfining oshishi bilan bog‘liq. Astma xurujlari (analgetik astma deb ataladigan), Kvinke shishi yoki eshakem rivojlanishi mumkin.

- Boshqa moddalarga allergik reaksiyasi bo‘lgan bemorlarda, ushbu preparatga yuqori sezuvchanlik reaksiyasi rivojlanish xavfi yuqoriligi sababli.

Yashirin infeksiyalar belgilarini niqoblash:

BEFRON® yuqumli kasallik alomatlarini yashirishi mumkin, bu esa tegishli davolanishning kechikishiga olib kelishi va shu bilan kasallik kechishini murakkablashtirishi mumkin. Bu bakterial shifoxonadan tashqari pnevmoniya va suvchechakning bakterial asoratlarida kuzatilgan. BEFRON® tana harorati ko‘tarilganda yoki infeksiya paytida og‘riqni qoldirish uchun qo‘llanilganda, yuqumli kasallikni kuzatib borish tavsiya etiladi. Tibbiyot muassasasidan tashqarida davolanish sharoitida, agar alomatlar saqlanib qolsa yoki kuchaysa, bemor shifokorga murojaat qilishi kerak.

Keksa bemorlar

Qariyalarda nosteroid yallig‘lanishga qarshi dorilarni qabul qilgandan so‘ng nojo‘ya ta’sirlar chastotasi oshgan, ayniqsa o‘limga olib kelishi mumkin bo‘lgan oshqozon-ichak qon ketishi yoki teshilish kabi reaksiyalar. Keksalarda noxush reaksiyalar oqibatlarining rivojlanish xavfi yuqori bo‘ladi.

Yurak-qon tomir va serebrovaskulyar ta’siri

Klinik tadqiqotlar ma’lumotlari shuni ko‘rsatadiki, ibuprofenni, ayniqsa yuqori dozalarda (2400 mg/sutka) qo‘llash arterial trombotik asoratlar (masalan, miokard infarkti yoki insult) xavfining biroz oshishi bilan bog‘liq bo‘lishi mumkin. Umuman olganda, epidemiologik tadqiqotlar shuni ko‘rsatdiki, ibuprofenning past dozalari (< 1200 mg/sutka) trombotik hodisalar xavfining oshishi bilan bog‘liq emas.

Nazorat qilib bo‘lmaydigan gipertenziya, dimlangan yurak yetishmovchiligi (NYHA bo‘yicha II-III sinf), yurak ishemik kasalligi, periferik arterial kasallik va/yoki serebrovaskulyar kasallik bilan tasdiqlangan bemorlarga ibuprofenni juda ehtiyotkorlik bilan buyurish va yuqori dozalardan (kuniga 2400 mg) qochish lozim.

Shuningdek, yurak-qon tomir asoratlari xavf omillari bo‘lgan bemorlarga (masalan, gipertoniya, giperlipidemiya, qandli diabet, shuningdek, chekuvchilar) uzoq muddatli terapiyani tayinlashda, ayniqsa yuqori dozalarni (2400 mg/sutka) qabul qilish zarur bo‘lganda, alohida ehtiyotkorlikka rioya qilish lozim.

Oshqozon-ichak tizimiga ta’siri

Preparatni boshqa nosteroid yallig‘lanishga qarshi dorilar, shu jumladan siklooksigenaza-2 ning selektiv ingibitorlari bilan birga qo‘llash mumkin emas.

Oshqozon-ichak tizimidan qon ketishi, yaralar va perforatsiyalar: davolanishning istalgan vaqtida, ogohlantiruvchi alomatlar bilan yoki ularsiz, yoki jiddiy oshqozon-ichak nojo‘ya ta’sirlari bilan barcha nosteroid yallig‘lanishga qarshi dori vositalarini qo‘llashda o‘limga olib kelishi mumkin bo‘lgan oshqozon-ichak tizimidan qon ketishi, yaralar va perforatsiyalar haqida xabar berilgan.

Anamnezida yara bo‘lgan bemorlarda, ayniqsa qon ketishi yoki teshilishi bilan asoratlangan yarasi bor bemorlarda va keksa yoshdagi bemorlarda nosteroid yallig‘lanishga qarshi dorilar dozasi oshirilganda oshqozon-ichakdan qon ketishi, yara yoki teshilish xavfi ortadi. Bunday bemorlar preparatni iloji boricha eng kichik dozada qabul qilishni boshlashlari kerak.

Bunday bemorlar, shuningdek, preparatni atsetilsalitsil kislotasining past dozalari yoki oshqozon-ichak tizimi asoratlari rivojlanish xavfini oshirishi mumkin bo‘lgan boshqa dori vositalari bilan birga qabul qilayotgan bemorlar uchun himoya vositalaridan (masalan, mizoprostol yoki proton pompasi ingibitorlari) foydalangan holda kompleks davolash variantini ko‘rib chiqish lozim.

Anamnezida nosteroid yallig‘lanishga qarshi dorilarni qabul qilishda oshqozon-ichak trakti asoratlari bo‘lgan bemorlarga, ayniqsa davolashning dastlabki bosqichida, qorin bo‘shlig‘i a’zolari tomonidan har qanday noodatiy alomatlar (ayniqsa oshqozon-ichakdan qon ketishi) haqida xabar berish lozim.

Yaralanish yoki qon ketish xavfini oshirishi mumkin bo‘lgan dori vositalarini, masalan, og‘iz orqali qabul qilinadigan kortikosteroidlar, antikoagulyantlar (masalan, varfarin), serotoninni qayta qamrab olishning selektiv ingibitorlari yoki antitrombotsitar dori vositalarini (masalan, atsetilsalitsil kislotasi) bir vaqtning o‘zida qabul qilayotgan bemorlarga preparatni ehtiyotkorlik bilan tavsiya etish lozim.

Ibuprofen qabul qilayotgan bemorlarda oshqozon-ichakdan qon ketishi yoki yara paydo bo‘lsa, davolashni to‘xtatish kerak.

Oshqozon-ichak trakti kasalliklari (yarali kolit, Kron kasalligi) bilan og‘rigan bemorlarga ushbu kasalliklarning kuchayishi xavfi tufayli YAQNDVlarni ehtiyotkorlik bilan tayinlash lozim.

Dermatologik ta’siri:

Nosteroid yallig‘lanishga qarshi dorilarni qo‘llashdan so‘ng jiddiy teri reaksiyalari, jumladan eksfoliativ dermatit, Stivens-Jonson sindromi va toksik epidermal nekroliz (o‘limgacha) rivojlanishi haqida kamdan-kam xabarlar mavjud. Ushbu reaksiyalar aksariyat hollarda davolashning birinchi oyi davomida yuzaga keladi.

Ibuprofen saqlovchi preparatlarni qabul qilish fonida o‘tkir tarqalgan ekzantematoz pustulyoz (AGEP) rivojlanishi haqida xabar berilgan. Teri toshmalari, shikastlanishlar kabi jiddiy teri reaksiyalari rivojlanishining birinchi belgilarida preparatni qabul qilishni to‘xtatish lozim.

Boshqa qaydlar:

Siklooksigenaza/prostaglandin sintezini ingibirlovchi agentlar ovulyatsiyaga ta’siri tufayli ayollar fertilligini pasaytirishi haqida ba’zi dalillar mavjud. Davolash to‘xtatilganda bu holat qaytariladi.

Istisno hollarda suvchechak teri va yumshoq to‘qimalarda og‘ir infeksion asoratlarga olib kelishi mumkin. Shuning uchun suvchechakda BEFRON® preparatini qo‘llashdan saqlanish tavsiya etiladi.

Bosh og‘rig‘iga qarshi har qanday og‘riq qoldiruvchi vositadan uzoq vaqt foydalanish mavjud bosh og‘riqlarini kuchaytirishi mumkin. Agar bunday holat yuzaga kelsa yoki gumon qilinsa, shifokor bilan maslahatlashish va davolanishni to‘xtatish lozim.

Buyrakdagi buzilishlar:

Analgetiklarni doimiy ravishda qabul qilish, ayniqsa turli xil og‘riq qoldiruvchi vositalarni birgalikda qabul qilish, odatda buyrak yetishmovchiligining rivojlanishi xavfi bilan buyraklarning doimiy shikastlanishiga olib keladi (analgetik nefropatiya).

Degidratatsiya bilan og‘rigan bolalarda buyrak funksiyasining buzilishi xavfi mavjud.

Uzoq muddat davolanayotgan bemorlarda buyrak, jigar va qon monitoringi o‘tkazilishi lozim.

Natriy

BEFRON® tarkibida 1 mmoldan kam (23 mg) natriy mavjud, ya’ni u natriydan xoli hisoblanadi.

Sorbitol

BEFRON® tarkibida sorbitol mavjud bo‘lib, fruktozani irsiy ko‘tara olmaydigan shaxslarga qo‘llash mumkin emas.

Shakar

BEFRON® tarkibida shakar mavjud, shu sababli fruktozani irsiy ko‘tara olmaslik yoki glyukoza-galaktoza malabsorbsiyasi bo‘lgan shaxslarga qo‘llash mumkin emas.

Boshqa dori vositalari bilan o‘zaro ta’siri

Quyida sanab o‘tilgan dori vositalari bilan bir vaqtda ibuprofen qabul qilayotgan bemorlarda klinik va biologik ko‘rsatkichlar monitoringi o‘tkazilishi lozim.

Quyidagi dorilar bilan bir vaqtda qo‘llash tavsiya etilmaydi:

- Atsetilsalitsil kislotasi yoki boshqa YAQNDV va glyukokortikosteroidlar. Bu oshqozon-ichak traktida nojo‘ya ta’sirlar xavfini oshirishi mumkin.

- Antikoagulyantlar: YAQNDVlar varfarin kabi antikoagulyantlarning ta’sirini kuchaytirishi mumkin.

Eksperimental ma’lumotlar shuni ko‘rsatadiki, ibuprofen birgalikda qo‘llanilganda atsetilsalitsil kislotasining kichik dozalarining trombotsitlar agregatsiyasiga ta’sirini raqobatbardosh ingibirlashi mumkin. Ushbu ma’lumotlarni klinik amaliyotga ekstrapolyatsiya qilish bo‘yicha noaniqlik mavjud bo‘lsa-da, ibuprofenni muntazam ravishda uzoq vaqt qo‘llash atsetilsalitsil kislotasining kichik dozalarining kardioprotektiv ta’sirini pasaytirishi mumkinligini istisno qilib bo‘lmaydi. Ibuprofenni kamdan-kam qo‘llashda hech qanday tegishli klinik ta’sir bo‘lishi mumkin emas.

Ibuprofenni quyidagi dorilar bilan birgalikda qo‘llashdan saqlanish kerak:

Kortikosteroidlar: oshqozon-ichak yarasi yoki qon ketish xavfining oshishi.

Antitrombotsitar dorilar va serotoninni qayta qamrab olishning selektiv ingibitorlari (SQBTI): oshqozon-ichakdan qon ketish xavfining oshishi.

Antigipertenziv vositalar (APF ingibitorlari, betaretseptorlar blokatorlari va angiotenzin-II antagonistlari) va diuretiklar:

YAQNDV bu preparatlarning samaradorligini pasaytirishi mumkin. Buyrak faoliyati buzilgan ba’zi bemorlarda (masalan, suvsizlanish bilan og‘rigan bemorlar yoki buyrak faoliyati buzilgan keksa bemorlar) preparatni AAF ingibitorlari, betaretseptorlar blokatorlari yoki angiotenzin-II antagonistlari va siklooksigenazani ingibirlovchi dori vositalari bilan birgalikda qabul qilish buyrak faoliyatining yanada yomonlashishiga, jumladan, odatda qaytariladigan o‘tkir buyrak yetishmovchiligiga olib kelishi mumkin. Shunday qilib, dorilar kombinatsiyasini ehtiyotkorlik bilan qabul qilish kerak, ayniqsa bu keksa bemorlarga tegishli. Bemorlar optimal suv muvozanatini saqlashni kuzatib borishlari va yondosh davolash boshlanganidan so‘ng va keyinchalik vaqti-vaqti bilan buyrak faoliyatini tekshirib turishlari lozim. Diuretiklar YAQNDVning nefrotoksiklik xavfini oshirishi mumkin.

Litiy preparatlari: litiyning plazma konsentratsiyasining potensial oshishi haqida ma’lumotlar mavjud. To‘g‘ri qo‘llanganda (3 kundan ko‘p bo‘lmagan) qon zardobidagi litiy miqdorini tekshirish talab etilmaydi.

Metotreksat: metotreksatning plazma konsentratsiyasining potensial oshishi haqida ma’lumotlar mavjud. Ibuprofenni metotreksatni qabul qilishdan oldin yoki keyin 24 soat davomida qabul qilish metotreksat konsentratsiyasining oshishiga va uning toksik ta’sirining oshishiga olib kelishi mumkin.

Takrolimus: YAQNDV va takrolimus birgalikda qabul qilinganda nefrotoksiklik xavfi ortadi.

Siklosporin: nefrotoksiklik xavfi yuqori.

Maxsus ogohlantirishlar

Homiladorlik

Homiladorlikning birinchi va ikkinchi trimestrida ibuprofenni faqat o‘ta zarur hollarda buyurish kerak. Agar ibuprofenni homilador bo‘lishga urinayotgan ayol qabul qilayotgan bo‘lsa yoki homiladorlikning birinchi va ikkinchi uch oyligida qabul qilayotgan bo‘lsa, preparat dozasi va davolash davomiyligi iloji boricha minimal bo‘lishi kerak.

Homiladorlikning uchinchi trimestrida prostaglandin sintezining har qanday ingibitorlari homilaga salbiy ta’sir ko‘rsatishi va quyidagilarga olib kelishi mumkin:

- yurak-o‘pka toksikligi (arterial yo‘lning muddatidan oldin yopilishi va o‘pka gipertenziyasi rivojlanishi bilan);

- buyrak yetishmovchiligi va oligogidramniongacha zo‘rayib boradigan buyrak disfunksiyasi;

Homiladorlikning oxirida prostaglandinlar sintezi ingibitorlarini qabul qilish ona va chaqaloqda quyidagi holatlarning rivojlanishiga olib kelishi mumkin:

- qon ketish vaqtining uzayishi, hatto juda past dozalarda ham antiagregatsion ta’sirning rivojlanishi;

- bachadon mushaklarining qisqarishini to‘xtatish, bu esa tug‘ruq faoliyatining boshlanishini kechiktiradi va tug‘ruq davomiyligini uzaytiradi.

Shu sababli, homiladorlikning uchinchi trimestrida ibuprofenni qabul qilish mumkin emas.

Emizish

Ibuprofen va uning metabolitlari ko‘krak sutiga kam miqdorda o‘tadi. Hozirgi vaqtda emizikli chaqaloqlarga salbiy ta’siri haqida ma’lumotlar yo‘q, shuning uchun og‘riq va isitmani yengillashtirish uchun tavsiya etilgan dozalarni qisqa muddat qabul qilganda emizishni to‘xtatishga hojat yo‘q.

Preparatning transport vositasini yoki potensial xavfli mexanizmlarni boshqarish qobiliyatiga ta’sirining o‘ziga xos xususiyatlari

Qisqa muddat qo‘llanganda ushbu dori vositasi haydash va mexanizmlarni boshqarish qobiliyatiga ta’sir ko‘rsatmaydi yoki minimal darajada ta’sir ko‘rsatadi.

Qo‘llash bo‘yicha tavsiyalar

Dozalash tartibi

Preparatning tavsiya etilgan sutkalik dozasi tana vaznining har bir kilogrammiga 20-30 mg ni tashkil etadi, qabul qilish oralig‘i 6 soatdan 8 soatgacha bo‘lgan teng 3 yoki 4 qabulga bo‘linadi. Qabullar orasida kamida 4 soat vaqt o‘tishi kerak va 24 soat ichida tavsiya etilgan dozadan ortiq qabul qilmang. Tavsiya etilgan doza oshmasligi kerak. O‘lchov qoshig‘i yoki o‘lchov stakanidan foydalanganda, bunga quyidagicha erishish mumkin:

Bolalar uchun:

Yosh

Tana vazni (kg)

Tavsiya etilgan doza

Tana vazni 5 kg dan ortiq bo‘lgan 3-6 oylik chaqaloqlar

5-7,6

24 soat davomida 3 mahal 2,5 ml dan

6-12 oy

7.7-9.

2,5 ml dan 3-4 mahal 24 soat davomida.

1-3 yosh

10-16

24 soat davomida 3 marta 5 ml dan

4-6 yosh

17-20

7,5 ml dan 3 mahal 24 soat davomida.

7-9 yosh

21-30

24 soat davomida 3 marta 10 ml dan

10-12 yosh

31-40

24 soat davomida 3 mahal 15 ml dan

Shifokor tavsiya qilmaguncha 3 oygacha bo‘lgan bolalarga qo‘llash mumkin emas.

Tana vazni 5 kg dan kam bo‘lgan bolalarda ushbu mahsulotni ishlatmang.

3-6 oylik chaqaloqlar uchun alomatlar yomonlashganda yoki agar alomatlar saqlanib qolsa, 24 soatdan kechiktirmasdan tibbiy yordamga murojaat qilish kerak.

Agar 6 oylik va undan katta bolalarda bu preparat 3 kundan ortiq talab qilinsa yoki alomatlar yomonlashsa, shifokor bilan maslahatlashish lozim.

6 oygacha bo‘lgan bolalar, agar alomatlar saqlanib qolsa, 24 soatlik qo‘llashdan (3 doza) keyin tibbiy yordamga murojaat qilishlari kerak.

Yuborish usuli va yo‘li

Ichish uchun.

Oshqozon sezuvchanligi yuqori bo‘lgan bemorlarga mahsulotni ovqat paytida yoki undan keyin qabul qilish mumkin.

BEFRON® preparatini ovqat bilan birga qabul qilgan taqdirda, tavsiya etilgan dozalar va preparatni qabul qilish usullaridan chetga chiqmaslik kerak. Qadoq ichiga solingan o‘lchov qoshig‘i yoki o‘lchov stakani (sig‘imi 5 ml va 20 ml) preparatni to‘g‘ri va oqilona dozalash imkonini beradi. Dozalash bolaning yoshi va tana vazniga bog‘liq.

Qabul qilish vaqti ko‘rsatilgan holda qo‘llash chastotasi

Nojo‘ya reaksiyalar rivojlanish xavfini minimallashtirish maqsadida ibuprofenni minimal samarali dozada va klinik samaraga erishish uchun zarur bo‘lgan minimal qisqa davr davomida qabul qilish lozim. Flakon ichidagini ishlatishdan oldin yaxshilab chayqatish kerak.

Davolash davomiyligi

Davolovchi shifokor baholashi kerak. Shifokor bilan maslahatlashgandan so‘ng takroriy davolash kursini o‘tkazish mumkin.

Qisqa muddat qo‘llash uchun. Agar alomatlar 3 kundan ortiq davom etsa yoki bolaning ahvoli og‘irlashsa, shifokorga murojaat qilish zarur.

Doza oshirib yuborilganda ko‘rilishi kerak bo‘lgan choralar

Belgilari: 200 mg/kg dan yuqori doza zaharlanish xavfini tug‘diradi. Dozani oshirib yuborish alomatlari ko‘ngil aynishi, qusish, qorin og‘rig‘i yoki kamroq hollarda ich ketishni o‘z ichiga olishi mumkin. Nistagm, ko‘rishning noaniqligi, quloq shang‘illashi, bosh og‘rig‘i va oshqozon-ichakdan qon ketishi rivojlanishi mumkin. Og‘ir dozada oshirib yuborilganda giperkaliyemiya va metabolik atsidoz rivojlanishi mumkin.

Davolash: Davolash simptomatik va qo‘llab-quvvatlovchi bo‘lishi, nafas yo‘llarining o‘tkazuvchanligini ta’minlash, yurak faoliyati va asosiy hayotiy ko‘rsatkichlarni bemorning ahvoli barqarorlashgunga qadar kuzatib borish lozim. Maxsus antidot yo‘q.

Dori vositasining bir yoki bir nechta dozasi o‘tkazib yuborilganda zarur bo‘lgan choralar

Qo‘llanilmaydi

Bekor qilish alomatlari xavfini ko‘rsatish

Qo‘llanilmaydi

Dori vositasini qo‘llash usulini tushuntirish uchun tibbiyot xodimiga murojaat qilish bo‘yicha tavsiyalar

BEFRON® preparatini qo‘llashdan oldin davolovchi shifokoringiz bilan maslahatlashing.

Dori vositalarini standart qo‘llashda yuzaga keladigan nojo‘ya ta’sirlar tavsifi va bunday hollarda ko‘rilishi kerak bo‘lgan choralar

Kamdan-kam

- allergik reaksiyalar, eshakemi, teri qichishishi, turli teri

toshmalar

- qorin og‘rig‘i, ko‘ngil aynishi, dispepsiya

- bosh og‘rig‘i

Kamdan-kam

- gastrit

Juda kam

- gemopoez buzilishlari (anemiya, leykopeniya, trombotsitopeniya, pansitopeniya va agranulotsitoz). Dastlabki belgilar: isitma, tomoq og‘rig‘i, og‘iz bo‘shlig‘ida yuzaki yaralar, grippga o‘xshash alomatlar, holsizlik, burun va teridan qon ketishi.

- og‘ir o‘ta sezuvchanlik reaksiyalari. Aseptik meningit belgilari - yuz, til va tomoq shishi, nafas qisilishi, taxikardiya va gipotenziya (anafilaksiya, angionevrotik shish yoki og‘ir shok), ensa mushaklarining rigidligi, dezoriyentatsiya.

- oshqozon-ichak traktining yaralari, oshqozon-ichak trakti teshilishi yoki qon ketishi, melena va gematemezis. Yarali stomatitlar. Kolit va Kron kasalligining kuchayishi

- ich ketishi, meteorizm, qabziyat, qusish

- jigar sohasidagi buzilishlar

- Stivens-Jonson sindromi, polimorf eritema va toksik epidermal nekroliz kabi bullyoz reaksiyalar kabi teri reaksiyalarining og‘ir shakllari

- o‘tkir buyrak yetishmovchiligi, siydik ajralishining kamayishi va shishlar, papillyar nekroz, ayniqsa uzoq vaqt qo‘llanganda, qon zardobida mochevina miqdorining oshishi va shishlar

- og‘ir o‘ta sezuvchanlik reaksiyalari. Simptomlar yuz, til va hiqildoqning shishishi, nafas qisilishi, taxikardiya, arterial gipotenziya yoki og‘ir shokni o‘z ichiga olishi mumkin.

- astmaning kuchayishi

Noma’lum

- yurak yetishmovchiligi va shishlar

- gipertenziya

- tizimli simptomlar bilan kechuvchi dori-darmon ta’siridagi eozinofiliya (DRESS sindromi)

- o‘tkir tarqalgan ekzantematoz pustulyoz (AGEP)

- fotosezgirlik reaksiyalari

Noxush reaksiyalar paydo bo‘lganda preparatni qo‘llashni to‘xtatish va shifokorga murojaat qilish lozim.

Chiqarilish shakli va qadoqlash

100 ml preparat qopqog‘i burab yopiladigan qoramtir shisha flakonga joylashtiriladi va birinchi ochilish nazorat qilinadi. Flakon ustiga o‘zi yelimlanadigan etiketka yopishtiriladi.

1 flakon o‘lchov qoshig‘i yoki o‘lchov stakani hamda davlat va rus tillarida tibbiy qo‘llash bo‘yicha yo‘riqnoma bilan birga karton qutiga joylashtiriladi.

Saqlash muddati

3 yil

Flakonni birinchi marta ochgandan so‘ng saqlash muddati - 1 oy.

Yaroqlilik muddati o‘tgandan keyin qabul qilinmasin!

Saqlash shartlari

Harorati 25°C dan yuqori bo‘lmagan, quruq, yorug‘lik tushmaydigan joyda saqlanadi.

Bolalar qo‘li yetmaydigan joyda saqlang!

Dorixonalardan berish shartlari

Retseptsiz

Ishlab chiqaruvchi tafsilotlari

"Nobel Almati farmatsevtika fabrikasi" AJ

Qozog‘iston Respublikasi, Olmaota shahri, Shevchenko ko‘chasi, 162-uy.

Telefon raqami: (+7 727) 399-50-50

Faks raqami: (+7.727) 399-60-60

Elektron pochta manzili: [email protected]

Ro‘yxatdan o‘tkazish guvohnomasi egasi

"Nobel Almati farmatsevtika fabrikasi" AJ

Qozog‘iston Respublikasi, Olmaota shahri, Shevchenko ko‘chasi, 162-uy.

Telefon raqami: (+7 727) 399-50-50

Faks raqami: (+7.727) 399-60-60

Elektron pochta manzili: [email protected]