Форсил Light

Tarkib

Bitta kapsulada quyidagilar mavjud:

faol modda: ibuprofen - 200 mg, 400 mg;

yordamchi moddalar: kartoshka kraxmali, magniy stearati.

Dori shakli

Kapsulalar.

Farmakologik xususiyatlari

Ibuprofen - nosteroid yallig‘lanishga qarshi vosita (NYAQV). U propion kislotasining hosilasidir. Ibuprofen siklooksigenaza I va II ni tanlamasdan bloklaydi, natijada og‘riq, yallig‘lanish va gipertermiya mediatorlari bo‘lgan prostaglandinlar sintezini tormozlaydi. Og‘riqqa qarshi (og‘riq qoldiruvchi), isitma tushiruvchi va yallig‘lanishga qarshi tez yo‘naltirilgan ta’sir ko‘rsatadi. Bundan tashqari, ibuprofen trombotsitlar agregatsiyasini qaytar ingibirlaydi. Preparatning og‘riq qoldiruvchi ta’siri 8 soatgacha davom etadi.

Ko‘rsatmalar

Ibuprofen revmatoid artritni (shu jumladan, yuvenil revmatoid artrit yoki Still kasalligini), ankilozlovchi spondilit, osteoartroz va boshqa revmatoid bo‘lmagan (seronegativ) artropatiyalarni davolashda og‘riq qoldiruvchi va yallig‘lanishga qarshi vosita sifatida qo‘llaniladi. Ibuprofen periartikulyar to‘qimalarning revmatik bo‘lmagan yallig‘lanish jarayonlarini, masalan, "muzlagan yelka" (bo‘g‘im pardasining yallig‘lanishi), bursit, tendinit, tendovaginit va bel og‘rig‘ini davolash uchun ko‘rsatilgan. Ibuprofen, shuningdek, paylarning cho‘zilishi kabi yumshoq to‘qimalarning shikastlanishida og‘riq sindromini yengillashtirish uchun ishlatilishi mumkin. Ibuprofen, shuningdek, dismenoreya, tish og‘rig‘i yoki operatsiyadan keyingi og‘riq kabi holatlarda kuchsiz va o‘rtacha og‘riq sindromini bartaraf etish, bosh og‘rig‘ini, shu jumladan migrenni simptomatik yengillashtirish uchun og‘riq qoldiruvchi vosita sifatida ko‘rsatilgan.

Qo‘llash usuli va dozalari

Forsil® Light vositasini doimo davolovchi shifokoringiz tavsiyasiga muvofiq qo‘llang. Agar biror narsaga ishonchingiz komil bo‘lmasa, shifokoringiz yoki farmatsevtingizdan so‘rang. Eng past samarali dozani qisqa vaqt davomida qo‘llash orqali nojo‘ya ta’sirlarni kamaytirish mumkin.

Kattalar va 12 yoshdan oshgan bolalar: ichishga 200 mg dan kuniga 3-4 marta. Kapsula chaynamay, suv bilan ichiladi. Preparatni qabul qilish oralig‘i 6-8 soatni tashkil etishi kerak. Kattalarda tezroq terapevtik samaraga erishish uchun doza 400 mg gacha sutkasiga 3 martagacha oshirilishi mumkin. Maksimal sutkalik doza 1200 mg ni tashkil etadi. 12-17 yoshli bolalar uchun maksimal sutkalik doza 1000 mg ni tashkil etadi. Ba’zi bemorlar kuniga 600-1200 mg ibuprofen qabul qilishlari mumkin. Og‘ir yoki o‘tkir holatlarda umumiy sutkalik doza 2400 mg dan oshmasligi sharti bilan dozani bir necha marta oshirish mumkin.

Qariyalar: Qariyalarda nojo‘ya ta’sirlar xavfi yuqori bo‘ladi. YAQNDVni qo‘llash zarurati tug‘ilganda, ibuprofen qisqa vaqt davomida past samarali dozada qo‘llanilishi kerak. Bemor NYAQV qabul qilish vaqtida oshqozon-ichakdan qon ketishining yo‘qligini muntazam tekshirib turishi kerak. Buyrak yoki jigar yetishmovchiligi mavjud bo‘lganda, doza individual ravishda belgilanishi kerak. Preparatni 7 kundan ortiq yoki undan yuqori dozalarda qabul qilmaslik kerak. Uzoqroq muddat yoki yuqori dozalarda qo‘llash zarur bo‘lganda shifokor maslahati talab etiladi.

Nojo‘ya ta’siri

Har qanday dori vositasi kabi, Forsil® Light ham nojo‘ya ta’sirlarni keltirib chiqarishi mumkin, ammo ular hammada ham namoyon bo‘lavermaydi. Ayrim hollarda quyidagi nojo‘ya reaksiyalar bo‘lishi mumkin.

Oshqozon-ichak yo‘li tomonidan: eng ko‘p kuzatiladigan nojo‘ya ta’sirlar oshqozon-ichak reaksiyalaridir.

Peptik yara, perforatsiya yoki oshqozon-ichakdan qon ketishi, ba’zan o‘limga olib kelishi, ayniqsa keksa yoshda sodir bo‘lishi mumkin. Ko‘ngil aynishi, qusish, diareya, meteorizm, qabziyat, dispepsiya, qorin og‘rig‘i, melena, qonli qusish, yarali stomatit, kolitning kuchayishi va Kron kasalligi ibuprofen qo‘llangandan keyin qayd etilgan. Gastrit kamroq rivojlangan.

Kamdan-kam hollarda oshqozon-ichak yo‘li devorining teshilishi kuzatiladi.

Juda kam hollarda pankreatit.

Immun tizimi tomonidan: YAQNDV qabul qilgandan so‘ng yuqori sezuvchanlik reaksiyalari qayd etilgan.

Xususan: nospetsifik allergik reaksiya va anafilaksiya; nafas yo‘llari reaktivligining buzilishi (astma, bronxospazm yoki hansirash); teridagi turli xil ko‘rinishlar (turli xil toshmalar, qichishish, eshakemi, purpura, Kvinke shishi va kamroq hollarda eksfoliativ va bullyoz dermatozlar (shu jumladan, Stivens-Jonson sindromi, toksik epidermal nekroliz va ko‘p shaklli eritema)).

Yurak-qon tomir tizimi tomonidan: shishlar, gipertenziya va yurak yetishmovchiligi ko‘rinishlari YAQNDV bilan davolashda qayd etilgan.

Epidemiologik ma’lumotlar shuni ko‘rsatadiki, ibuprofenni qo‘llash, ayniqsa yuqori dozalarda (2400 mg/sutka), uzoq muddatli davolashda miokard infarkti yoki insultni keltirib chiqaradigan arterial tromboz xavfini biroz oshirishi mumkin.

Qon va limfa tizimi tomonidan: leykopeniya, trombotsitopeniya, neytropeniya, agranulotsitoz, aplastik anemiya va gemolitik anemiya.

Ruhiy buzilishlar: uyqusizlik, xavotir, depressiya, ongning chalkashishi, gallyutsinatsiyalar.

Nerv tizimining buzilishi: ko‘ruv nervi nevriti, bosh og‘rig‘i, paresteziyalar, bosh aylanishi, uyquchanlik.

Infeksiyalar va invaziyalar: rinit va aseptik meningit (ayniqsa tizimli qizil yuguruk va biriktiruvchi to‘qimaning aralash kasalliklari kabi mavjud autoimmun kasalliklari bo‘lgan bemorlarda) ensa mushaklarining rigidligi, bosh og‘rig‘i, ko‘ngil aynishi, qusish, isitma yoki mo‘ljalni yo‘qotish belgilari bilan.

Ko‘rish a’zosi tomonidan: ko‘rishning buzilishi va ko‘ruv nervining toksik neyropatiyasi.

Quloq va vestibulyar apparat tomonidan: eshitish qobiliyatining buzilishi, quloqlarda shovqin va bosh aylanishi.

Gepatobiliar tizim tomonidan: jigar faoliyatining buzilishi, jigar yetishmovchiligi, gepatit va sariqlik.

Teri va teri osti kletchatkasi tomonidan: Stivens-Jonson sindromi va toksik epidermal nekroliz (juda kam hollarda), yorug‘likka sezuvchanlik reaksiyalari.

Buyrak va siydik yo‘llari tomonidan: buyrak faoliyatining buzilishi va turli shakllardagi toksik nefropatiya, jumladan, interstitsial nefrit, nefrotik sindrom va buyrak yetishmovchiligi.

Umumiy buzilishlar: darmonsizlik, charchoq. Agar sizda ushbu yo‘riqnomada ko‘rsatilmagan boshqa nojo‘ya ta’sirlar kuzatilsa, iltimos, shifokoringiz, farmatsevtingiz yoki ishlab chiqaruvchingizga xabar bering.

Qarshi ko‘rsatmalar

Forsil® Light preparatning faol yoki yordamchi moddalariga yuqori sezuvchanligi bo‘lgan bemorlarga qo‘llash mumkin emas. Forsil® Light, aspirin yoki boshqa nosteroid yallig‘lanishga qarshi dori vositalarini qabul qilgandan so‘ng ilgari yuqori sezuvchanlik reaksiyalari (masalan, astma, eshakemi, Kvinke shishi yoki rinit) kuzatilgan bemorlar tomonidan qo‘llanilmasligi kerak.

Forsil® Light, shuningdek, anamnezida oldingi ibuprofen bilan davolash bilan bog‘liq oshqozon-ichak qon ketishi yoki teshilishi bo‘lgan bemorlarga qarshi ko‘rsatma hisoblanadi. Forsil® Light takroriy yara kasalligi yoki oshqozon-ichak tizimidan qon ketishi (ikkita yoki undan ortiq isbotlangan yara yoki qon ketish epizodi) bo‘lgan bemorlarda qo‘llanilmasligi kerak. Forsil® Light qon ketishiga moyillik, serebrovaskulyar yoki boshqa qon ketishlar, gemofiliya va qon ivishining boshqa buzilishlari (shu jumladan gipokoagulyatsiya), gemorragik diatezlar bilan kechadigan holatlarda bemorlarga tayinlanmasligi kerak.

Forsil® Light og‘ir yurak yetishmovchiligi, dekompensatsiyalangan yurak yetishmovchiligi bo‘lgan bemorlarga, aortakoronar shuntlash o‘tkazilganidan keyingi davrga qarshi ko‘rsatma hisoblanadi. Forsil® Light og‘ir jigar yetishmovchiligi yoki faol bosqichdagi jigar kasalligi bo‘lgan bemorlarga qo‘llash mumkin emas. Forsil® Light og‘ir darajali buyrak yetishmovchiligi (kreatinin klirensi /KK/ <30 ml/daqiqa) va giperkaliyemiya bilan tasdiqlangan bemorlarga qo‘llash mumkin emas. Forsil® Light homiladorlikning III trimestrida va 12 yoshgacha bo‘lgan bolalarda qo‘llash mumkin emas.

Maxsus ko‘rsatmalar

Eng past samarali dozani qisqa vaqt davomida qo‘llash orqali nojo‘ya ta’sirlarni kamaytirish mumkin. Boshqa nosteroid yallig‘lanishga qarshi dorilar singari, ibuprofen ham infeksiya belgilarini yashirishi mumkin. Yaralar yoki qon ketish xavfi yuqoriligi sababli ibuprofenni boshqa nosteroid yallig‘lanishga qarshi dorilar, shu jumladan siklooksigenaza-2 ning selektiv ingibitorlari bilan birgalikda qo‘llashdan saqlanish kerak.

Keksa bemorlarda qo‘llash

Qariyalarda NYAQVga nojo‘ya ta’sirlar, ayniqsa o‘limga olib kelishi mumkin bo‘lgan oshqozon-ichak qon ketishi va teshilish holatlari ko‘p uchraydi.

Oshqozon-ichak tizimidan qon ketishi, yaralanish va perforatsiya bo‘lgan bemorlarda qo‘llash

O‘limga olib kelishi mumkin bo‘lgan qon ketishi, yaralanish yoki perforatsiya haqida barcha YAQNDV qabul qilinganda xabar beriladi. Oshqozon-ichakdan qon ketishi, yaralanish yoki perforatsiya xavfi, ayniqsa anamnezida yara kasalligi bo‘lgan bemorlarda, shuningdek, keksa odamlarda YAQNDV dozasini oshirish bilan ortadi.

Bu bemorlar davolanishni minimal dozalardan boshlashlari kerak. Himoya vositalari (masalan, mizoprostol, proton pompasi ingibitorlari) bilan kombinatsiyalangan terapiya ushbu bemorlarda, shuningdek, oshqozon-ichakdan qon ketish xavfini oshirishi mumkin bo‘lgan aspirin yoki boshqa vositalarni qabul qilishi zarur bo‘lgan bemorlarda ko‘rib chiqilishi kerak. Anamnezida oshqozon-ichak kasalliklari bo‘lgan bemorlar, xususan, keksalar, ayniqsa davolashning dastlabki bosqichida oshqozondagi har qanday noodatiy og‘riqlar (ayniqsa, oshqozon-ichakdan qon ketishi) haqida xabar berishlari kerak. Yaralanish yoki qon ketish xavfini oshiradigan dori-darmon bilan davolanayotgan bemorlarda (og‘iz orqali qabul qilinadigan kortikosteroidlar, varfarin kabi antikoagulyantlar, serotoninni qayta ushlab qolish ingibitorlari yoki aspirin kabi antitrombotsitar dorilar) preparatni ehtiyotkorlik bilan qabul qilish kerak.

Ibuprofen qabul qilayotgan bemorlarda oshqozon-ichakdan qon ketishi yoki yaralar paydo bo‘lsa, davolash to‘xtatilishi kerak. YAKNDVni anamnezida yarali kolit yoki Kron kasalligi bo‘lgan bemorlarda ehtiyotkorlik bilan qabul qilish lozim.

Yurak-qon tomir tizimi faoliyatining buzilishlarida, buyrak va jigar yetishmovchiligi bo‘lgan bemorlarda qo‘llash

Yurak kasalliklari, jigar faoliyati buzilgan bemorlar, keksa yoshdagi bemorlar, shuningdek, siydik haydovchi dorilar qabul qiluvchi bemorlarda buyrak faoliyatini nazorat qilish zarur.

Ibuprofenni anamnezida yurak yetishmovchiligi va gipertoniyasi bo‘lgan bemorlarda ehtiyotkorlik bilan qabul qilish lozim. Gipertoniya va/yoki yurak yetishmovchiligining o‘rtacha darajasi bo‘lgan bemorlar uchun tegishli nazorat va maslahatlar zarur, chunki YAQNDV qabul qilganda suyuqlik ushlanib qolishi va shish paydo bo‘lishi mumkin. Epidemiologik ma’lumotlar shuni ko‘rsatadiki, ibuprofenni, ayniqsa yuqori dozada (kuniga 2400 mg) uzoq vaqt davomida qo‘llash miokard infarkti yoki insult kabi arterial trombotik hodisalar xavfining biroz oshishi bilan bog‘liq bo‘lishi mumkin.

Umuman olganda, epidemiologik tadqiqotlar ibuprofenning past dozalarini (masalan, kuniga ≤1200 mg) qabul qilish arterial tromboembolik asoratlar, xususan, miokard infarkti xavfining oshishi bilan bog‘liqligini ko‘rsatmaydi. Nazorat qilib bo‘lmaydigan arterial gipertenziya, dimlangan yurak yetishmovchiligi, yurak ishemik kasalligi, periferik arteriyalar kasalligi yoki serebrovaskulyar kasalliklari bo‘lgan bemorlar ibuprofenni puxta maslahatdan so‘ng qabul qilishlari kerak. Bunday maslahatlar yurak-qon tomir kasalliklari rivojlanishining xavf omillari bo‘lgan (masalan, gipertoniya, giperlipidemiya, qandli diabet, chekish) bemorlarga davolash boshlanishidan oldin berilishi kerak.

Buyrakka ta’siri

Sezilarli degidratatsiyasi bo‘lgan bemorlarga ibuprofenni ehtiyotkorlik bilan qo‘llash lozim. Boshqa nosteroid yallig‘lanishga qarshi dorilar singari, ibuprofenni uzoq vaqt qo‘llash papillyar buyrak nekrozi va boshqa patologik buyrak o‘zgarishlariga olib kelishi mumkin.

Tizimli qizil yuguruk va biriktiruvchi to‘qimaning aralash kasalliklari bo‘lgan bemorlarda qo‘llash Tizimli qizil yuguruk va biriktiruvchi to‘qimaning aralash kasalliklari bo‘lgan bemorlarda preparatni qabul qilishda aseptik meningit xavfi ortishi mumkin. Dermatologik ta’sirlari YAQNDV qabul qilish bilan bog‘liq jiddiy teri reaksiyalari, ba’zilari o‘limga olib kelishi mumkin, shu jumladan eksfoliativ dermatit, Stivens-Jonson sindromi, toksik epidermal nekroliz.

Aksariyat hollarda ushbu reaksiyalar davolanishning birinchi oyi davomida yuzaga kelgan. Teri toshmasi birinchi marta paydo bo‘lganda, shilliq qavat shikastlanganda yoki yuqori sezuvchanlik belgilari paydo bo‘lganda preparatni qabul qilishni to‘xtatish kerak. Gematologik ta’sirlari Ibuprofen boshqa YAQNDV kabi trombotsitlar agregatsiyasiga ta’sir qiladi va qon ketish vaqtini uzaytiradi.

Aseptik meningit

Aseptik meningit ibuprofen qabul qilayotgan bemorlarda nisbatan kam hollarda kuzatiladi. Aseptik meningitning paydo bo‘lish ehtimoli tizimli qizil yuguruk va biriktiruvchi to‘qima kasalliklari bo‘lgan bemorlarda yuqori, ammo surunkali kasalliklari bo‘lmagan bemorlarda ham qayd etilgan.

Homiladorlik va laktatsiya davrida qo‘llash

Agar siz Forsil® Lightni qo‘llash paytida homilador ekanligingizni aniqlasangiz, darhol bu haqda shifokoringizga xabar bering, chunki davolanishni davom ettirish masalasini faqat u hal qilishi mumkin.

Homiladorlik

Prostaglandinlar sintezining susayishi homiladorlik va homilaning ona qornida rivojlanishiga salbiy ta’sir ko‘rsatishi mumkin. Epidemiologik tadqiqotlar ma’lumotlari homiladorlikning erta muddatlarida prostaglandinlar sintezi ingibitorlarini qo‘llashdan so‘ng homila tushishi va yurak hamda oshqozon-ichak trakti nuqsonlari rivojlanish xavfi oshganligini ko‘rsatadi. Hayvonlarda prostaglandinlar sintezi ingibitorlarini kiritish embrion va homilaning implantatsiyadan oldingi va keyingi o‘limining oshishiga olib kelishi ko‘rsatilgan. Bundan tashqari, organogenez davrida prostaglandinlar sintezi ingibitorlarini olgan hayvonlarda turli rivojlanish nuqsonlari, shu jumladan yurak-qon tomir tizimi nuqsonlari ko‘payadi.

Homiladorlikning birinchi va ikkinchi trimestrida, albatta zarur bo‘lgan hollardan tashqari, ibuprofen buyurishdan saqlanish kerak. Homiladorlikni rejalashtirishda, homiladorlikning birinchi yoki ikkinchi trimestrida buyuriladigan ibuprofen dozasi juda past bo‘lishi va davolash davomiyligi iloji boricha qisqaroq bo‘lishi kerak.

Homiladorlikning uchinchi trimestrida prostaglandinlar sintezining har qanday ingibitorlarini qo‘llash quyidagilarga olib kelishi mumkin: yurak-o‘pka toksikligi (arterial yo‘lning muddatidan oldin yopilishi va o‘pka gipertenziyasi bilan); kam suvlilik bilan buyrak yetishmovchiligiga o‘tishi mumkin bo‘lgan buyrak funksiyasining buzilishi.

Homiladorlikning oxirida prostaglandinlar sintezi ingibitorlari ona va chaqaloqni xavf ostiga qo‘yishi mumkin: qon ketish vaqtining uzayishi ehtimoli; bachadon qisqarishining susayishi, bu esa tug‘ruqning kechikishiga yoki uzoq davom etishiga olib kelishi mumkin. Binobarin, homiladorlikning uchinchi trimestrida ibuprofenni qo‘llash mumkin emas.

Laktatsiya

Cheklangan tadqiqotlarda NYAQVlar ona sutida juda past konsentratsiyada kuzatilishi mumkinligi aniqlangan.

YAQNDV qabul qilish vaqtida imkon qadar ko‘krak suti bilan emizishdan saqlanish kerak. Ayollar fertilligining buzilishi Preparat ayollar fertilligining buzilishiga olib kelishi mumkin, buni homilador bo‘lishda qiyinchiliklarga duch kelayotgan ayollar hisobga olishlari kerak.

Bolalarda qo‘llanilishi

Preparat 12 yoshgacha bo‘lgan bolalarda qo‘llash mumkin emas.

Avtotransport va boshqa potensial xavfli mexanizmlarni boshqarish qobiliyatiga ta’siri

YAQNDV qabul qilgandan so‘ng bosh aylanishi, uyquchanlik, charchoq va ko‘rishning buzilishi kabi nojo‘ya ta’sirlar paydo bo‘lishi mumkin. Bemorlar yuqori diqqat, tez ruhiy va harakat reaksiyasini talab qiladigan barcha faoliyat turlaridan o‘zlarini tiyishlari kerak.

Dorilarning o‘zaro ta’siri

Iltimos, davolovchi shifokor yoki farmatsevtga boshqa dori-darmonlarni qabul qilayotganingiz yoki yaqinda qabul qilganingiz haqida xabar bering, hatto ular shifokor retseptisiz berilsa ham. Quyidagi preparatlardan birini qabul qilayotgan bemorlarda ehtiyotkorlik talab etiladi.

Antigipertenziv, beta-blokatorlar va siydik haydovchi vositalar: YAQNDVlar APF ingibitorlari, beta-blokatorlar va siydik haydovchi vositalar kabi antigipertenziv vositalarning ta’sirini kamaytirishi mumkin.

Diuretiklar ham NYAQVning nefrotoksiklik xavfini oshirishi mumkin.

Yurak glikozidlari: YAQNDV yurak yetishmovchiligini kuchaytirishi, KFTni pasaytirishi va yurak glikozidlarining plazma konsentratsiyasini oshirishi mumkin.

Xolestiramin: ibuprofen bilan bir vaqtda buyurilganda, ibuprofenning oshqozon-ichak traktida so‘rilishini kamaytirishi mumkin.

Litiy: Litiy tuzlari bilan bir vaqtda buyurish litiy ekskretsiyasining kamayishiga olib keladi.

Metotreksat: YAQNDV metotreksatning kanalcha sekretsiyasini ingibirlashi va metotreksat klirensini kamaytirishi mumkin.

Siklosporin: nefrotoksiklik xavfi yuqori.

Mifepriston: dori vositasi samaradorligining pasayishi nazariy jihatdan YAQNDVning antiprostaglandin ta’siri tufayli sodir bo‘lishi mumkin. Cheklangan ma’lumotlar shuni ko‘rsatadiki, prostaglandin yuborilgan kuni YAQNDVni birgalikda yuborish mifepriston yoki prostaglandinlarning bachadon bo‘yni yetilishiga ta’siriga salbiy ta’sir ko‘rsatmaydi va homiladorlikni dori vositalari bilan to‘xtatishning klinik samaradorligini pasaytirmaydi.

Boshqa analgetiklar va siklooksigenaza-2 selektiv ingibitorlari (SOG-2): Ikki yoki undan ortiq YAQNDV, shu jumladan SOG-2 ingibitorlarini bir vaqtda qo‘llashdan saqlanish tavsiya etiladi, chunki bu nojo‘ya ta’sirlar rivojlanish xavfini oshirishi mumkin.

Aspirin: nojo‘ya ta’sirlar, jumladan, oshqozon-ichak yaralari yoki qon ketish xavfi ortishi mumkinligi sababli ibuprofen va aspirinni bir vaqtda qo‘llash tavsiya etilmaydi. Eksperimental ma’lumotlar shuni ko‘rsatadiki, ibuprofen past dozali aspirinning trombotsitlar agregatsiyasiga ta’sirini, ular bir vaqtning o‘zida dozalanganda bostirishi mumkin.

Kortikosteroidlar: kortikosteroidlarni nosteroid yallig‘lanishga qarshi dorilar bilan qabul qilganda oshqozon-ichak yaralari va qon ketishining rivojlanish xavfi yuqoriligi qayd etiladi.

Chiqarish shakli

Kapsulalar 200 mg, 400 mg N10 (1x10), N20 (2x10), N30 (3x10) (kontur yacheykali o‘ramlar); N10 (bankalar).

Saqlash shartlari

+25 °C dan yuqori bo‘lmagan haroratda saqlanadi.

Yaroqlilik muddati

3 yil.

Ta’til shartlari

Retsept bo‘yicha.

Ishlab chiqaruvchi

NIKA PHARM, MCHJ, O‘zbekiston.