Ferropol

Tarkib

1 ml tarkibida:

faol modda: temir (III) gidroksid polimaltozat, 50 mg temir ekvivalenti;

yordamchi moddalar: propilenglikol (E 1520), saxaroza, etilparagidroksibenzoat (E 218), propilparagidroksibenzoat (E 216), shokoladli xushbo‘ylovchi, tozalangan suv.

Tavsif

Qo‘ng‘ir rangli eritma.

Farmakoterapevtik guruh

Antianemik vositalar, ichish uchun uch valentli temir preparatlari. ATX kodi: B03AB05.

Farmakologik xususiyatlari

Ferropol temir tanqisligi holatlarining oldini olish va davolash uchun qo‘llaniladi.

Temir gemoglobin, mioglobin va ba’zi fermentlar tarkibiga kiradi.

Kompleks polimaltoza molekulalari bilan o‘ralgan, tarkibida uch valentli temir gidroksidi bo‘lgan yadrodan iborat. Kompleks fiziologik sharoitda barqaror bo‘lib, temir ionlarining ajralishi bilan dissotsiyalanmaydi. Kompleksdagi temir temirning tabiiy birikmasi - ferritin tuzilishiga o‘xshash tuzilishga ega. Temir (III) kompleksdan aktiv transport yo‘li bilan so‘riladi. Oshqozon va ichak shiralarida hamda epiteliy yuzasida temirni bog‘laydigan oqsillar ligandlarni bog‘lash mexanizmi orqali uch valentli temirni bog‘lashi mumkin. So‘rilgan temir ferritin holida jigarda to‘planadi.

Kompleks prooksidant xususiyatga ega emas. Juda past zichlikdagi lipoproteinlar va past zichlikdagi lipoproteinlarning oksidlanishga moyilligi pasaygan.

Qo‘sh izotoplar (55Fe va 59Fe) usulidan foydalangan holda o‘tkazilgan tadqiqotlar shuni ko‘rsatdiki, eritrotsitlardagi gemoglobin darajasi bo‘yicha o‘lchanadigan temir absorbsiyasi qabul qilingan dozaga teskari proporsionaldir (doza qanchalik yuqori bo‘lsa, absorbsiya shunchalik past bo‘ladi). Temir tanqisligi davrining davomiyligi va uning so‘rilish darajasi o‘rtasida ham salbiy bog‘liqlik aniqlangan (temir tanqisligi qancha uzoq davom etsa, u shuncha ko‘p so‘riladi).

Temir o‘n ikki barmoqli va och ichakda so‘riladi. Temir asosan oshqozon-ichak traktidan chiqariladi va kuniga taxminan 1 mg temirni tashkil etadi.

So‘rilmagan temir axlat bilan chiqariladi. Ayollarda hayz paytida temir yo‘qotilishini hisobga olish kerak.

Ko‘rsatmalar

yashirin temir tanqisligining oldini olish va davolash;

temirga bo‘lgan yuqori ehtiyoj (homiladorlik, laktatsiya davri, donorlik,

jadal o‘sish davri, vegetarianlik, keksalik);

temir tanqisligi anemiyasi

Qo‘llash usuli va dozalari

Dozalash tartibi va davolash davomiyligi temir tanqisligi darajasiga bog‘liq.

Dozalash

Bolalar, kattalar va emizikli onalar:

Yashirin temir tanqisligining oldini olish va davolash:

Bolalar (1 yoshgacha) 6-10 tomchi (15 mg dan 25 mg gacha temir).

Bolalar (1-12 yosh): sutkasiga 10-20 tomchi (25 mg dan 50 mg gacha temir).

12 yoshdan oshgan bolalar, kattalar va emizikli onalar:

Sutkasiga 20-40 tomchi (50 mg dan 100 mg gacha temir).

Davolash davomiyligi taxminan 1-2 oyni tashkil etadi.

Temir tanqisligi kamqonligi:

Davolash davomiyligi gemoglobin darajasi me’yorlashgunga qadar taxminan 3-5 oyni tashkil etadi. Shundan so‘ng, temir zaxirasini to‘ldirish uchun davolanishni yana bir necha hafta davom ettirish kerak.

Bolalar (1 yoshdan kichik): Boshlang‘ich doza sutkasiga 10 tomchi (25 mg temir). Keyin dozani asta-sekin kuniga 20 tomchigacha (50 mg temir) oshirish kerak.

Bolalar (1-12 yosh): kuniga 20-40 tomchi (50 mg dan 100 mg gacha temir).

12 yoshdan katta bolalar, kattalar va emizikli onalar: sutkasiga 40-120 tomchi (100 mg dan 300 mg gacha temir).

Homilador ayollar:

Dozalash tartibi va davolash davomiyligi temir tanqisligi darajasiga bog‘liq.

Yashirin temir tanqisligining oldini olish va davolash:

Sutkasiga 20-40 tomchi (50 mg dan 100 mg gacha temir).

Temir tanqisligi kamqonligi:

Kuniga 80-120 tomchi (200 mg dan 300 mg gacha temir) qondagi gemoglobin darajasi me’yorga yetgunga qadar. Keyin temir zaxirasini to‘ldirish uchun kamida homiladorlikning oxirigacha kuniga 40 tomchi (100 mg temir) ichiladi.

Ferropol dori vositasining sutkalik dozalari ichish uchun tomchi, temir yetishmovchiligini davolash va oldini olishda eritma.

- Temir tanqisligi kamqonligi Yashirin temir tanqisligi Profilaktikasi

Bolalar (1 yoshgacha) 10-20 tomchi (25 mg-50 mg temir) 6-10 tomchi (15 mg-25 mg temir) 2-4 tomchi (5 mg-10 mg temir)

Bolalar (1 yoshdan 12 yoshgacha) 20-40 tomchi (50 mg-100 mg temir) 10-20 tomchi (25 mg-50 mg temir) 4-6 tomchi (10 mg-15 mg temir)

12 yoshdan oshgan bolalar: kattalar va emizikli onalar: 40-120 tomchi (100 mg-300 mg temir) 20-40 tomchi (50 mg-100 mg temir) 4-6 tomchi (10 mg-15 mg temir)

Homilador ayollarga 80-120 tomchi (200 mg-300 mg temir) 40 tomchi (100 mg temir) 20-40 tomchi (50 mg-100 mg temir)

Chala tug‘ilgan chaqaloqlarda 3-5 oy davomida kuniga 2,5 mg - 5 mg (1-2 tomchi/kg tana vazni) qo‘llash tavsiya etiladi.

Kiritish usuli

Ichkariga.

Sutkalik dozani bir marta yoki bir necha marta qabul qilish mumkin.

Preparatni ovqat vaqtida yoki darhol ovqatdan keyin qabul qilgan ma’qul.

Preparatni meva yoki sabzavot sharbatlari bilan aralashtirish yoki bolalar ovqatiga qo‘shish mumkin.

Preparat tish emalining bo‘yalishiga olib kelmaydi.

Tomchilar eritmasining rangi biroz o‘zgarishi dori vositasining samaradorligiga ta’sir qilmaydi.

Nojo‘ya ta’sirlari

Ferropol ichish uchun tomchilar, eritma odatda yaxshi o‘zlashtiriladi.

Ma’lum bir uchrash chastotasiga ega bo‘lgan har bir guruh doirasidagi nojo‘ya ta’sirlar og‘irlik darajasining pasayishiga qarab keltirilgan.

Oshqozon-ichak yo‘li tomonidan buzilishlar.

Juda kam hollarda (< 1/10 000): ko‘ngil aynishi, qabziyat, ich ketishi, qorin og‘rig‘i, oshqozonning to‘lish hissi.

Preparatni qabul qilish vaqtida kuzatiladigan axlatning to‘q rangga kirishi sezilarli klinik ahamiyatga ega emas.

Preparat tish emalining bo‘yalishiga olib kelmaydi.

Barcha nojo‘ya (g‘ayrioddiy) ta’sirlar, shu jumladan varaqa-qo‘shimcha varaqda ko‘rsatilmagan ta’sirlar paydo bo‘lishi haqida davolovchi shifokorga xabar berish zarur.

Dozani oshirib yuborish

Dozani oshirib yuborish holatlarida hozirgi vaqtgacha intoksikatsiya belgilari va organizmda temir miqdorining oshishi belgilari tavsiflanmagan, chunki temir ionlari oshqozon-ichak traktida temir (III) gidroksidi polimaltoz kompleksidan erkin shaklda bo‘lmaydi va passiv diffuziya yo‘li bilan so‘rilmaydi.

Qarshi ko‘rsatmalar

Ferropol quyidagi hollarda qo‘llanilmaydi:

organizmda temir zaxirasi ortiqcha bo‘lgan bemorlarda (masalan, gemosideroz, gemoxromatoz);

temirni utilizatsiya qilish mexanizmlari buzilgan bemorlarda (masalan, sideroaxrestik kamqonlik, qo‘rg‘oshin kamqonligi, talassemiya);

temir tanqisligi bilan bog‘liq bo‘lmagan kamqonlik holatida (masalan, gemolitik kamqonlik yoki sianokobalamin yetishmasligidan kelib chiqqan megaloblastik kamqonlik, aplastik kamqonlik).

Preparat quyidagi hollarda ham man etiladi: ta’sir etuvchi moddaga yoki preparatning biron-bir yordamchi moddasiga yuqori sezuvchanlikda.

Maxsus ko‘rsatmalar

Kamqonlikni davolashda har doim shifokor maslahati zarur.

Preparat tarkibida saxaroza mavjud: 1 ml (20 tomchi) 0,067 g saxaroza saqlaydi. Saxaroza miqdorini hisobga olgan holda, fruktozani ko‘tara olmaslik, glyukoza-galaktoza malabsorbsiyasi sindromi yoki saxaraza-izomaltaza yetishmovchiligi bilan bog‘liq kam uchraydigan irsiy kasalliklari bo‘lgan bemorlar dori vositasini qabul qilmasligi kerak.

Preparat tarkibida metilparagidroksibenzoat va propilparagidroksibenzoat mavjud.

Preparat najasning to‘q rangga bo‘yalishiga sabab bo‘lishi mumkin. Bu simptom klinik ahamiyatga ega emas.

Temir tanqisligi holati va temir ionlari yetishmovchiligi darajasini laboratoriya usulida tasdiqlash kerak.

Homiladorlik va emizish davrida qo‘llash

Homiladorlik va laktatsiya davrida preparatni qo‘llash organizmga zararli ta’sir ko‘rsatmaydi.

Ferropol dori vositasi homiladorlik va emizish davrida faqat shifokor bilan maslahatlashgan holda qo‘llanilishi mumkin.

Avtotransportni boshqarish va mexanik uskunalarga xizmat ko‘rsatish qobiliyatiga ta’siri

Ferropol avtomobil yoki mexanizmlarni boshqarish qobiliyatiga ta’sir ko‘rsatmaydi.

Boshqa dori vositalari bilan o‘zaro ta’siri

O‘zaro ta’sirlarga oid tadqiqotlar o‘tkazilmagan. Temirning kompleks birikma shaklida ekanligini hisobga olsak, oziq-ovqat mahsulotlari komponentlari (fitatlar, oksalatlar, tanin) va bir vaqtning o‘zida qabul qilinadigan dori vositalari (antatsidlar, tetratsiklinlar) bilan o‘zaro ta’siri ehtimoli kam.

Preparatni qabul qilish yashirin qon testi natijalariga ta’sir ko‘rsatmaydi.

Yaroqlilik muddati

3 yil.

Ochilgan flakondan 6 oy davomida foydalanish kerak.

Qadoqda ko‘rsatilgan yaroqlilik muddati tugagandan keyin qo‘llanilmasin.

Ta’til shartlari

Retsept bo‘yicha.

Chiqarish shakli

Ichish uchun tomchilar, eritma. 30 ml li to‘q rangli shisha flakonlar, birinchi ochishni nazorat qiluvchi burama qopqoqlar va tomizgich-probka bilan yopilgan. Har bir flakon vkladish varag‘i bilan birga alohida karton qutilarga joylashtiriladi.

Saqlash shartlari

Asl qadoqda 25 °C dan past haroratda saqlang.

Dori vositasini bolalar qo‘li yetmaydigan joyda saqlash lozim.

Ishlab chiqaruvchi

Medana Farma A. O.

98-200 Seradz, V. Loketka ko‘chasi 10, Polsha.