Dropofenak

Tarkib

1 ml da quyidagilar mavjud:

faol modda: diklofenak natriy - 1 mg;

yordamchi moddalar: tiomersal, borat kislotasi, natriy borat, propilenglikol, dinatriy edetat, kremofor EL, natriy gidroksid eritmasi pH 7,0-8,5 gacha, inyeksiya uchun suv.

Tavsif

Rangsizdan och sariq ranggacha bo‘lgan shaffof eritma.

Dori shakli

Ko‘z tomchilari 0,1% 5 ml, 10 ml (flakonlar)

Farmakologik ta’siri

Fenilsirka kislotasi hosilasi bo‘lgan nosteroid yallig‘lanishga qarshi vosita yallig‘lanishga qarshi va og‘riq qoldiruvchi hamda o‘rtacha isitma tushiruvchi ta’sirga ega. Siklooksigenaza 1 (SOG1) va siklooksigenaza 2 (SOG2) ni tanlab ingibirlamasdan, araxidon kislotasi metabolizmini buzadi, yallig‘lanish o‘chog‘ida prostaglandinlar (Pg) miqdorini kamaytiradi. Mahalliy qo‘llanganda noinfeksion etiologiyali yallig‘lanish jarayonlarida shish va og‘riqni kamaytiradi, mioz rivojlanishini bloklaydi. Bundan tashqari, diklofenak trombotsitlar agregatsiyasini ingibirlaydi. Uzoq muddat qo‘llanilganda desensibilizatsiyalovchi ta’sir ko‘rsatadi.

Farmakokinetika

Preparat ko‘z gavharidan tashqari turli to‘qimalarga yaxshi o‘tadi.

Oldingi kamera namligida maksimal terapevtik konsentratsiyaga (TCmax) instillyatsiyadan 30 daqiqa o‘tgach erishiladi. Terapevtik ahamiyatga ega bo‘lgan konsentratsiyalarda tizimli qon aylanishiga o‘tmaydi.

Ko‘rsatmalar

katarakta operatsiyasi paytida miozni to‘xtatish;

ko‘z olmasidagi jarrohlik aralashuvlaridan keyingi yallig‘lanish jarayonlarini davolash va oldini olish;

katarakta operatsiyasidan keyin makulaning kistoz shishining oldini olish;

yuqumli bo‘lmagan konyunktivitlarni davolash;

jarohatdan keyingi yallig‘lanish jarayonini davolash va oldini olish (mahalliy antibakterial terapiyaga qo‘shimcha sifatida).

Qo‘llash usuli va dozalari

Mahalliy. Intraoperatsion miozni ingibirlash uchun preparat operatsiya oldidan 30 daqiqalik interval bilan (4 marta) 2 soat davomida konyunktiva xaltasiga tomiziladi. Makulaning kistoz shishining oldini olish uchun preparat operatsiyadan keyin 2-3 hafta davomida 1 tomchidan kuniga 3 marta tomiziladi. Davolash maqsadida ahvolning og‘ir-yengilligiga qarab sutkada 3-4 mahal 1 tomchidan buyuriladi. Davolash kursi 1-2 hafta davom etishi mumkin.

Nojo‘ya ta’sirlari

ko‘zning achishishi, ko‘rish qobiliyatining noaniqligi (tomizilgandan so‘ng darhol);

shox pardaning xiralashishi (belmo), irit;

allergik reaksiyalar: ko‘z qichishi, giperemiya, angionevrotik shish, isitma, titroq, fotosensibilizatsiya, teri toshmasi (asosan eritematoz, eshakemi), ko‘p shaklli ekssudativ eritema;

ko‘ngil aynishi, qusish

Qarshi ko‘rsatmalar

preparatning tarkibiy qismlariga yuqori sezuvchanlik;

kelib chiqishi noaniq bo‘lgan qon hosil bo‘lishining buzilishi;

oshqozon-ichak traktidagi eroziv-yarali jarayonlar qo‘zish bosqichida.

Ehtiyotkorlik bilan:

atsetilsalitsil kislotasini qabul qilish natijasida kelib chiqqan bronxial astma; epitelial gerpetik keratit (shu jumladan anamnezda);

qon ivishining buzilishiga olib keladigan kasalliklar (shu jumladan gemofiliya, qon ketish vaqtining uzayishi, qon ketishga moyillik);

keksalik

Dozani oshirib yuborish

Shifokor buyurgan dozaga rioya qilinganda, dozani oshirib yuborish ehtimoli kam.

Maxsus shartlar

Kontakt linzalar preparat instillyatsiyasidan oldin olib tashlanadi va tomizilgandan keyin kamida 30 daqiqa o‘tgach qayta o‘rnatiladi.

Instillyatsiyadan keyin ko‘rish idrokining noaniqligi yuzaga kelganda, u tiklangunga qadar transport vositalarini boshqarishdan va diqqatning yuqori konsentratsiyasi hamda psixomotor reaksiyalar tezligini talab qiladigan potensial xavfli faoliyat turlari bilan shug‘ullanishdan tiyilish kerak.

Preparat yaroqlilik muddati tugaganidan keyin qo‘llanilmasligi va bolalar qo‘li yetmaydigan joyda saqlanishi lozim.

Bolalarda qo‘llanilishi

18 yoshgacha bo‘lgan bolalarda faqat kutilgan terapevtik ta’sir mumkin bo‘lgan nojo‘ya ta’sirlar rivojlanish xavfidan yuqori bo‘lgan taqdirdagina qo‘llash lozim.

Homiladorlik va emizish davrida

Preparatni homilador va emizikli onalarni davolash uchun davolovchi shifokor ko‘rsatmasi bo‘yicha qo‘llash mumkin, agar kutilayotgan davolash samarasi mumkin bo‘lgan nojo‘ya ta’sirlar rivojlanish xavfidan yuqori bo‘lsa.

Dorilarning o‘zaro ta’siri

Zarurat tug‘ilganda boshqa ko‘z tomchilari, shu jumladan, tarkibida glyukokortikosteroidlar bo‘lgan tomchilar bilan bir vaqtda qo‘llash mumkin. Bunda ta’sir etuvchi moddalarning keyingi dozalarda yuvilib ketishining oldini olish uchun instillyatsiyalar orasidagi tanaffus kamida 5 daqiqa bo‘lishi kerak.

Saqlash shartlari

Yorug‘likdan himoyalangan joyda, 25 °C dan yuqori bo‘lmagan haroratda saqlang.

Yaroqlilik muddati

2 yil.

Flakon ochilgandan so‘ng preparat 1 oy davomida ishlatiladi.

Chiqarish shakli

0,1% li ko‘z tomchilari 5 ml yoki 10 ml dan, saqlagich halqa bilan ta’minlangan, tiqin-tomizgichli va burab yopiladigan himoya qalpoqli plastik flakonlarda.

1 flakon qo‘llash bo‘yicha yo‘riqnoma bilan birga karton qalamdonda.

Ishlab chiqaruvchi

Aseptica, MCHJ, O‘zbekiston.