Зитмак 200

Tarkib

1 flakon (15 ml yoki 30 ml) quyidagilarni o‘z ichiga oladi: faol modda - azitromitsin digidrat 628.93 mg yoki 1257.86 mg mos ravishda 600 mg yoki 1200 mg azitromitsinga ekvivalent;

yordamchi moddalar: shakar (shakar kukuni), suvsiz natriy fosfat, gidroksipropilsellyuloza (Klutsel EXF), ksantan yelimi, banan aromatizatori, olcha aromatizatori.

Tavsif

Oqdan och sariq ranggacha, o‘ziga xos banan va olcha hidiga ega bo‘lgan kukun.

Tozalangan suv bilan suyultirilgandan so‘ng, banan va olcha hidiga ega bo‘lgan oq yoki och sariq rangli bir xil suspenziya hosil bo‘ladi.

Dori shakli

Ichish uchun suspenziya tayyorlash uchun kukun 200 mg/5 ml, tozalangan suv bilan to‘plamda.

Farmakoterapevtik guruh

Tizimli qo‘llash uchun antibakterial preparatlar. Makrolidlar, linkozamidlar va streptograminlar. Makrolidlar. Azitromitsin. ATX kodi: J01FA10.

Farmakologik xususiyatlari

Farmakokinetika

Azitromitsin ichilganda tez so‘riladi, bunga uning kislotali muhitga chidamliligi va lipofilligi sabab bo‘ladi. Bir marta qabul qilingandan so‘ng, 37% azitromitsin ichga so‘riladi va plazmadagi eng yuqori konsentratsiyasi (0,41μg/ml) 2-3 soatdan keyin qayd etiladi. Vd ning taqsimlanish hajmi taxminan 31 l/kg ni tashkil etadi. Azitromitsin nafas yo‘llari, siydik-tanosil a’zolari va to‘qimalari, prostata bezi, teri va yumshoq to‘qimalarga yaxshi kirib, to‘qima turiga qarab 1 dan 9 μg/ml gacha yetadi. To‘qimalardagi konsentratsiyasining yuqoriligi (plazmadagi konsentratsiyadan 50 marta yuqori) va yarim parchalanish davrining uzoq davom etishi azitromitsinning qon plazmasi oqsillari bilan past darajada bog‘lanishi hamda eukariot hujayralarga kirib, lizosomalarni o‘rab turgan past pH muhitida konsentratsiyalanishi bilan bog‘liq. Azitromitsinning lizosomalarda to‘planish xususiyati hujayra ichidagi qo‘zg‘atuvchilarni eliminatsiya qilish uchun ayniqsa muhimdir. Fagotsitlar azitromitsinni infeksiya joylashgan joylarga yetkazib beradi, u yerda fagotsitoz jarayonida ajralib chiqadi. Lekin azitromitsin fagotsitlarda yuqori konsentratsiyada bo‘lishiga qaramay, ularning funksiyasiga ta’sir ko‘rsatmaydi. Terapevtik konsentratsiyasi oxirgi dozani ichga qabul qilgandan keyin 5-7 kun davomida saqlanadi. Azitromitsin qabul qilinganda jigar fermentlari faolligining tranzitor oshishi mumkin. Qon plazmasidan dozaning yarmini chiqarib yuborish 2-4 kun davomida to‘qimalarda dozaning yarmini kamaytirishda aks etadi. Preparatni 8 soatdan 24 soatgacha qabul qilgandan so‘ng yarim chiqarilish davri 14-20 soatni, preparatni 24 soatdan 72 soatgacha qabul qilgandan so‘ng esa 41 soatni tashkil etadi, bu esa ZITMAKni kuniga 1 marta qabul qilish imkonini beradi. Asosiy chiqarish yo‘li - o‘t orqali. Taxminan 50% o‘zgarmagan holda, qolgan 50% faol bo‘lmagan metabolitlar shaklida chiqariladi. Qabul qilingan dozaning taxminan 6% qismi buyraklar orqali chiqariladi.

Farmakodinamika

ZITMAK® 200 preparatining faol moddasi - azitromitsin keng ta’sir doirasiga ega antibiotik bo‘lib, makrolid antibiotiklarning yangi kichik guruhi - azalidlarning birinchi vakili hisoblanadi. Bakteriostatik ta’sirga ega, ammo yallig‘lanish o‘chog‘ida yuqori konsentratsiya hosil qilinganda bakteritsid ta’sir ko‘rsatadi. Azitromitsin sezgir mikroorganizmlarda oqsil sintezini ingibirlaydi, grammusbat, grammanfiy, anaerob, hujayra ichi va boshqa mikroorganizmlarning ko‘pchilik shtammlariga nisbatan faollik ko‘rsatadi: Mycoplasma pneumoniae, Haemophilus ducreyi, Moraxella catarrhalis, Propionibacterium acnes, Gardnerella vaginalis, Actinomyces species, Bordetella pertussis, Borrelia burgdorferi, Mobiluncus species; Haemophilus influenzae, Streptococcus pyogenes, Haemophilus parainfluenzae, Streptococcus pneumoniae, Legionella pneumophila, Streptococcus agalactiae, Neisseria meningitides, Streptococcus viridans, Neisseria gonorrhoeae, Streptococcus group C, F, G, Helicobacter pylori, Peptococcus species, Campylobacter jejuni, Peptostreptococcus, Pasteurella multocida, Fusobacterium necrophorum, Pasteurella haemolytica, Clostridium perfringens, Brucella melitensis, Bacteroides bivius, Bordetella parapertussis, Chlamydia trachomatis, Vibrio cholerae, Chlamydia pneumoniae, Vibrio parahaemolyticus, Ureaplasma urealyticum, Plesiomonas shigelloides, Listeria monocytogenes, Staphylococcus epidermidis, Staphylococcus aureus* (*erit Escherichia coli, Bacteroides fragilis, Salmonella enteritidis, Bacteroides oralis, Salmonella typhi, Clostridium difficile, Shigella sonnei, Eubacterium lentum, Yersinia enterocolitica, Fusobacterium nucleatum, Acinetobacter calcoaceticus, Aeromonas hydrophilia.

Qo‘llanilishi

yuqori nafas yo‘llari infeksiyalari (bakterial faringit/tonzillit, sinusit, o‘rta otit);

pastki nafas yo‘llari infeksiyalari (bakterial bronxit, interstitsial va alveolyar pnevmoniya, surunkali bronxitning kuchayishi);

teri va yumshoq to‘qimalar infeksiyalari (surunkali ko‘chib yuruvchi eritema - Laym kasalligining boshlang‘ich bosqichi, saramas, impetigo, ikkilamchi piodermatozlar);

Helicobacter pylori bilan bog‘liq oshqozon va o‘n ikki barmoqli ichak kasalliklari urogenital yo‘l infeksiyalari (so‘zakli va so‘zaksiz uretrit va/yoki servitsit).

Qo‘llash usuli va dozalari

ZITMAK® 200 peroral suspenziya ko‘rinishida sutkada 1 marta ovqatdan 1 soat oldin yoki 2 soat keyin o‘lchov qoshig‘i yordamida qabul qilinadi.

Yuqori va pastki nafas yo‘llari, teri va yumshoq to‘qimalarning infeksiyalari (surunkali ko‘chib yuruvchi eritema bundan mustasno)

Kurs dozasi 30 mg/kg ni tashkil etadi. Davolashning ikki sxemasi qo‘llaniladi:

1) 10 mg/kg tana vazniga kuniga bir marta 3 kun davomida.

2) birinchi kuni tana vazniga 10 mg/kg va 2-kundan 5-kungacha tana vazniga 5 mg/kg dan.

Tana vazni 14 kg dan ortiq bo‘lgan bolalar va kattalarga ZITMAK® 200 suspenziyasini buyurish tavsiya etiladi.

Tana vazni ZITMAK® 200 peroral suspenziya tayyorlash uchun kukun 200 mg/5 ml

10-14 kg 2,5 ml (100 mg)

15-25 kg 5 ml (200 mg)

25-34 kg 7,5 ml (300 mg)

35-44 kg 10 ml (400 mg)

≥ 45 kg 12,5 ml (500 mg)

Bolalarda streptokokkli faringitni davolashda azitromitsin 10 mg/kg yoki 20 mg/kg bir martalik dozada 3 kun davomida samarali ekanligi qayd etilgan.

Streptococcus pyogenes qo‘zg‘atgan faringitning oldini olish uchun, ehtimol revmatik isitma bilan, yondosh kasallik sifatida penitsillin qo‘llaniladi.

Surunkali ko‘chib yuruvchi eritema

Preparatning bir martalik dozasi 60 mg/kg ni tashkil etadi: bir marta 20 mg/kg dan - 1-kuni va 10 mg/kg dan - keyingi 2 dan 5 kungacha.

Helicobacter pylori bilan bog‘liq oshqozon va o‘n ikki barmoqli ichak kasalliklarida:

Azitromitsinning dozasi antisekretor vositalar va boshqa dori vositalari bilan birgalikda (kompleks terapiyada) kuniga 1 marta tana vazniga 20 mg/kg ni tashkil etadi.

Agar preparat dozasi o‘tkazib yuborilgan bo‘lsa, uni darhol qabul qilish, so‘ngra keyingi dozalarni 24 soatlik interval bilan qabul qilish kerak. Siydik-tanosil yo‘llari infeksiyalari:

Nogonokokkli uretrit/servitsit - 1 g bir marta.

Gonokokkli, shuningdek asoratlangan, uzoq davom etuvchi uretrit/servitsit - 7 kunlik interval bilan 3 marta 1 g dan (1-7-14).

Kurs dozasi 3 g.

Buyrak yetishmovchiligi.

Buyrak disfunksiyasi yengil bo‘lgan bemorlarda (KFT 10-80 ml/min) dozani o‘zgartirishga hojat yo‘q. Buyrak faoliyatining og‘ir buzilishlari (KFT <10 ml/min) bo‘lgan bemorlarda azitromitsinni ehtiyotkorlik bilan qo‘llash zarur.

Jigar yetishmovchiligi.

Azitromitsin jigarda metabolizmga uchrab, o‘t orqali chiqarilishi sababli, preparatni og‘ir jigar kasalligi bo‘lgan bemorlarga qo‘llash mumkin emas. Azitromitsinning jigar faoliyatiga ta’sirini o‘rganishga qaratilgan tadqiqotlar o‘tkazilmagan.

Keksa bemorlar

Keksa yoshdagi bemorlarga kattalar bilan bir xil doza buyuriladi. Keksa bemorlar orasida proaritmogen holatlar bo‘lishi mumkin, shuning uchun yurak aritmiyasi va ikki tomonlama taxikardiya rivojlanish xavfi tufayli ehtiyotkorlik bilan qo‘llaniladi.

Suspenziyani tayyorlash usuli

Bitta flakondagi suyuqlikka 9 ml yoki 15 ml tozalangan suv qo‘shiladi va mos ravishda 15 ml yoki 30 ml hajmdagi bir jinsli suspenziya hosil bo‘lguncha aralashtiriladi.

Qabul qilishdan oldin flakondagi suyuqlik bir xil suspenziya hosil bo‘lguncha yaxshilab chayqatiladi. Bevosita suspenziya qabul qilingandan so‘ng, bolaga og‘iz bo‘shlig‘ida qolgan suspenziyani yuvib yutish uchun bir necha qultum suyuqlik ichiriladi.

Nojo‘ya ta’sirlari

Ko‘pincha (>1/100, < 1/10):

ko‘ngil aynishi, qusish, ich ketishi, qorin og‘rig‘i.

Tez-tez emas (>1/1000, < 1/100):

suyuq ich kelishi, meteorizm, ovqat hazm qilishning buzilishi, ishtahaning yo‘qolishi.

Kamdan-kam (>1/1000, < 1/100):

bosh og‘rig‘i, bosh aylanishi, uyquchanlik, talvasalar;

trombotsitopeniya;

tajovuzkorlik, qo‘zg‘alish, bezovtalik, asabiylik, uyqusizlik;

paresteziya va asteniya;

eshitish qobiliyatining buzilishi, karlik va quloqlarda shovqin;

yurak urishi, qorincha taxikardiyasi bilan kechuvchi aritmiya, QT oralig‘ining uzayishi;

til rangining o‘zgarishi, qabziyat, psevdomembranoz kolit;

jigar aminotransferazalari, bilirubin darajasining vaqtinchalik ko‘tarilishi, xolestatik sariqlik, gepatit;

yuqori sezuvchanlik reaksiyalari (qizarish, teri toshmasi, qichishish, eshakemi, angionevrotik shish, fotosezuvchanlik), ko‘p shaklli eritema, Stivens-Jonson sindromi va toksik epidermal nekroliz;

artralgiya.

Juda kamdan-kam (>1/10000, < 1/1000):

interstitsial nefrit, o‘tkir buyrak yetishmovchiligi;

charchoq, konvulsiyalar;

ta’m va hid bilishning o‘zgarishi;

artralgiya;

vaginitlar, kandidoz, superinfeksiyalar;

anafilaktik shok shu jumladan shish (kamdan kam hollarda o‘limga olib keladigan).

Qarshi ko‘rsatmalar

azitromitsin, eritromitsin yoki makrolid va ketolid antibiotiklarga yoki preparatning boshqa tarkibiy qismlariga yuqori sezuvchanlik;

jigar va buyrak faoliyatining og‘ir buzilishlari;

homiladorlik va laktatsiya davri.

Dorilarning o‘zaro ta’siri

Antatsidlar: Antatsidlarni bir vaqtning o‘zida qo‘llashning azitromitsin farmakokinetikasiga ta’siri o‘rganilganda, qon plazmasida azitromitsinning maksimal konsentratsiyasi 25% ga pasaygan bo‘lsa-da, biosinguvchanlikda o‘zgarishlar kuzatilmadi. Bemorlar bir vaqtning o‘zida azitromitsin va antatsidlarni qabul qilmasligi kerak. Setirizin: Sog‘lom ko‘ngillilarda azitromitsinning 5 kunlik kursini muvozanat holatida 20 mg setirizin bilan birgalikda qabul qilish farmakokinetik o‘zaro ta’sirga va QT oralig‘ida sezilarli o‘zgarishga olib kelmadi.

Didanozin (didezoksiinozin): OIV musbat 6 nafar bemorda 1200 mg/sut azitromitsin 400 mg/sut didanozinni birgalikda qabul qilish platseboga nisbatan didanozin farmakokinetikasining muvozanat holatiga ta’sir ko‘rsatmaydi.

Digoksin (P-gp substratlari): Makrolid antibiotiklarni, jumladan azitromitsinni, digoksin kabi P-glikoprotein substratlari bilan bir vaqtda qo‘llash zardobdagi P-glikoprotein substratlari darajasining oshishiga olib keladi. Shuning uchun azitromitsin va P-glikoprotein substratlari, masalan, digoksin bir vaqtda qo‘llanganda, zardobdagi P-glikoprotein substratlari konsentratsiyasining oshishi mumkinligini yodda tutish kerak.

Zidovudin: Azitromitsinning 1000 mg bir marta va 1200 mg yoki 600 mg ko‘p marta qo‘llanilganda, zidovudin yoki uning glyukuronid metabolitlarining plazma farmakokinetikasiga yoki siydik bilan chiqarilishiga sezilarsiz ta’sir ko‘rsatishi aniqlandi. Biroq, azitromitsinni qabul qilish periferik qon mononuklearlarida fosforillangan zidovudin (klinik faol metabolit) konsentratsiyasini oshirdi. Ushbu ko‘rsatkichlarning klinik ahamiyati noaniqligicha qolmoqda, ammo ular bemorlarga foydali bo‘lishi mumkin. Azitromitsin jigarning sitoxrom R450 tizimi bilan o‘zaro ta’sirlashmaydi. U eritromitsin va boshqa makrolidlar kabi farmakokinetik dori o‘zaro ta’sirida ishtirok etmaydi. Azitromitsin sitoxrom P450 ni sitoxrom-metabolit kompleksi yordamida indutsirlamaydi yoki inaktivatsiya qilmaydi.

Ergotamin hosilalari: Nazariy jihatdan ergotizm rivojlanishi mumkinligi sababli, azitromitsinni qoraqarag‘ay hosilalari bilan bir vaqtda qo‘llash tavsiya etilmaydi. Farmakokinetik tadqiqotlar azitromitsin va sitoxrom R450- bilvosita metabolizmi ma’lum bo‘lgan quyidagi preparatlar bilan o‘tkazildi.

Atorvastatin: Atorvastatin (10 mg har kuni) va azitromitsinni (500 mg har kuni) birgalikda yuborish qon plazmasidagi atorvastatin konsentratsiyasini o‘zgartirmadi (HMG CoA-reduktaza tahlili asosida). Shunga qaramay, azitromitsinni statinlar bilan qabul qilgan bemorlarda postmarketing rabdomioliz holatlari qayd etilgan.

Karbamazepin: Azitromitsinning sog‘lom ko‘ngillilarda farmakokinetik o‘zaro ta’sirini o‘rganishda, preparat qon plazmasidagi karbamazepin miqdoriga yoki uning faol metabolitlariga sezilarli ta’sir ko‘rsatmadi.

Simetidin: Azitromitsindan 2 soat oldin qabul qilingan simetidinning bir martalik dozasining azitromitsin farmakokinetikasiga ta’sirini o‘rganuvchi farmakokinetik tadqiqotda azitromitsin farmakokinetikasining o‘zgarishi kuzatilmadi.

Kumarinli peroral antikoagulyantlar: O‘zaro ta’sirning farmakokinetik tadqiqotlarida azitromitsin sog‘lom ko‘ngillilarga yuborilgan 15 mg varfarinning bir martalik dozasining antikoagulyant ta’sirini o‘zgartirmaydi. Marketingdan keyingi davrda azitromitsin va peroral kumarin antikoagulyantlarini birgalikda qabul qilgandan so‘ng antikoagulyatsiyaning kuchayishi haqida xabarlar olingan. Sabab-oqibat bog‘liqligi aniqlanmagan bo‘lsa-da, kumarin kabi peroral antikoagulyantlarni qabul qilayotgan bemorlarga azitromitsin buyurilganda protrombin vaqtini kuzatish chastotasini hisobga olish lozim.

Siklosporin: 3 kun davomida kuniga 500 mg azitromitsin, so‘ngra bir marta 10 mg/kg siklosporin peroral qabul qilgan sog‘lom ko‘ngillilarda o‘tkazilgan farmakokinetik tadqiqotda siklosporinning Cmax va AUC0-5 ko‘rsatkichlari sezilarli darajada oshganligi aniqlandi. Shu sababli, ushbu preparatlarni bir vaqtning o‘zida yuborishni ko‘rib chiqishdan oldin ehtiyot bo‘lish kerak. Agar ushbu dorilarni birgalikda yuborish zarur bo‘lsa, siklosporin darajasini nazorat qilish va dozani tegishli ravishda o‘zgartirish lozim.

Edavirenz: Azitromitsinning kuniga 600 mg va edavirenzning 400 mg bir martalik dozasini 7 kun davomida birgalikda qabul qilish klinik ahamiyatga ega farmakokinetik o‘zaro ta’sirlarga olib kelmaydi. Flukonazol: Azitromitsinning 1200 mg bir martalik dozasini birgalikda qabul qilish flukonazolning 800 mg bir martalik dozasining farmakokinetikasini o‘zgartirmaydi. Azitromitsinning umumiy ta’siri va yarim chiqarilish davri flukonazol bilan birga qo‘llanilganda o‘zgarmadi, biroq azitromitsinning Cmax (18%) klinik jihatdan sezilarsiz pasayishi kuzatildi.

Indinavir: Azitromitsinning 1200 mg bir martalik dozasini birgalikda qabul qilish 5 kun davomida kuniga uch marta 800 mg dozada yuboriladigan indinavir farmakokinetikasiga statistik jihatdan sezilarli ta’sir ko‘rsatmadi.

Metilprednizolon: Sog‘lom ko‘ngillilarda farmakokinetik o‘zaro ta’sirini o‘rganishda azitromitsin metilprednizolon farmakokinetikasiga sezilarli ta’sir ko‘rsatmadi.

Midazolam: Sog‘lom ko‘ngillilarda azitromitsin bilan kuniga 500 mg dan 3 kun davomida birgalikda yuborish 15 mg midazolamning bir martalik dozasi farmakokinetikasi va farmakodinamikasida klinik jihatdan ahamiyatli o‘zgarishlarni keltirib chiqarmaydi.

Nelfinavir: Azitromitsin (1200 mg) va nelfinavirni muvozanat holatida (750 mg kuniga uch marta) birgalikda yuborish azitromitsin konsentratsiyasining oshishiga olib keldi. Klinik ahamiyatga ega nojo‘ya ta’sirlar kuzatilmadi va dozani tuzatish talab etilmaydi.

Rifabutin: Azitromitsin va rifabutinni bir vaqtda qo‘llash bu preparatlarning qon plazmasidagi konsentratsiyasiga ta’sir ko‘rsatmadi. Neytropeniya azitromitsin va rifabutin bir vaqtda qo‘llanilganda aniqlandi. Neytropeniya rifabutinni qo‘llash bilan bog‘liq bo‘lsa-da, azitromitsinni bir vaqtda qabul qilish bilan sababiy bog‘liqlik aniqlanmadi.

Sildenafil: Normal sog‘lom ko‘ngilli erkaklarda azitromitsinning (3 kun davomida har kuni 500 mg) sildenafil yoki uning asosiy aylanib yuruvchi metaboliti AUC va Cmax ko‘rsatkichlariga ta’siri haqida dalillar olinmagan.

Terfenadin: Farmakokinetik tadqiqotlarda azitromitsin va terfenadin o‘rtasidagi o‘zaro ta’sir haqida xabar berilmagan. Ba’zi hollarda o‘zaro ta’sir ehtimolini butunlay istisno qilish mumkin emas. Shunga qaramay, bunday o‘zaro ta’sir mavjudligi haqida aniq dalillar topilmadi.

Teofillin: Azitromitsin va teofillin sog‘lom ko‘ngillilar tomonidan bir vaqtda qo‘llanganda, ularning klinik jihatdan ahamiyatli farmakokinetik o‘zaro ta’siri to‘g‘risida dalillar olinmagan.

Triazolam: 14 nafar sog‘lom ko‘ngillida azitromitsinning 1-kuni 500 mg va 2-kuni 250 mg hamda 0,125 mg triazolamning 2-kuni birgalikda yuborilishi triazolam va platseboning birgalikda yuborilishiga nisbatan triazolam uchun farmakokinetik o‘zgaruvchilarning birortasiga sezilarli ta’sir ko‘rsatmadi.

Trimetoprim / sulfametoksazol: Trimetoprim / sulfametoksazol DS (160 mg / 800 mg) ni 7 kun davomida azitromitsin 1200 mg bilan birgalikda yuborish 7-kuni trimetoprim yoki sulfametoksazolning maksimal konsentratsiyasiga, umumiy ta’siriga yoki chiqarilishiga sezilarli ta’sir ko‘rsatmadi. Zardobdagi azitromitsin konsentratsiyasi boshqa tadqiqotlarda kuzatilganidek bo‘ldi.

Maxsus ko‘rsatmalar

Preparatni qo‘llash davomiyligi yo‘riqnomada ko‘rsatilgan muddatlardan oshmasligi kerak.

Boshqa makrolidlar kabi, kamdan-kam hollarda jiddiy allergik reaksiyalar, jumladan Kvinke shishi va anafilaksiya haqida xabar berilgan. Azitromitsinga bo‘lgan bu reaksiyalarning ba’zilari qaytalanuvchi simptomlarning rivojlanishiga olib keladi va uzoqroq kuzatuv hamda davolashni talab qiladi.

Jigar azitromitsinni chiqaruvchi asosiy a’zo hisoblanadi, shuning uchun azitromitsinni jigar kasalligi yaqqol namoyon bo‘lgan bemorlarga ehtiyotkorlik bilan buyurish lozim. Jigar disfunksiyasi belgilari va alomatlari, masalan, sariqlik bilan bog‘liq tez rivojlanuvchi asteniya, qoramtir siydik, qon ketishga moyillik yoki jigar ensefalopatiyasi paydo bo‘lganda, zudlik bilan jigarning funksional sinamalari/tahlillarini o‘tkazish. Jigar disfunksiyasi rivojlanganda azitromitsin qabul qilishni to‘xtatish.

Qorakuya hosilalarini qabul qilayotgan bemorlarda ergotizmning paydo bo‘lishiga bir vaqtning o‘zida ba’zi makrolid antibiotiklarni qabul qilish sabab bo‘ladi. Sporina va azitromitsin o‘rtasidagi o‘zaro ta’sir imkoniyati haqida ma’lumotlar yo‘q. Shunga qaramay, ergotizm rivojlanishi nazariy jihatdan mumkin bo‘lganligi sababli, azitromitsin va sporinya hosilalari alohida qabul qilinadi.

Har qanday antibiotiklarni qabul qilishda bo‘lgani kabi, chidamli mikroorganizmlar, jumladan, zamburug‘lar keltirib chiqaradigan superinfeksiya belgilarini kuzatish tavsiya etiladi. Clostridium difficile (CDAD) qo‘zg‘atgan diareya antibakterial vositalar, jumladan azitromitsin qo‘llanilgan barcha holatlarda qayd etilgan va og‘irlik darajasi yengil diareyadan og‘ir kolitgacha o‘zgarishi mumkin. Antibakterial vositalar bilan davolash ichakning normal florasini o‘zgartiradi, bu esa C. difficile ning haddan tashqari ko‘payishiga olib keladi.

Og‘ir buyrak yetishmovchiligi (KFT <10 ml/min) bo‘lgan bemorlarda azitromitsinning tizimli ta’siri 33% ga oshganligi kuzatildi. Proaritmogen omillar mavjud bo‘lgan (ayniqsa, keksa bemorlarda), shu jumladan QT intervalining tug‘ma yoki orttirilgan uzayishi bo‘lgan bemorlarda; IA sinf antiaritmik preparatlari (xinidin, prokainamid), III (dofetilid, amiodaron va sotalol), sizaprid, terfenadin, antipsixotik preparatlar (pimozid), antidepressantlar (sitalopram), ftorxinolinlar (moksifloksatsin va levofloksatsin), suv-elektrolit baoansi buzilishlari bo‘lgan, ayniqsa gipokaliyemiya yoki gipomagniyemiya, klinik ahamiyatga ega bradikardiya, yurak aritmiyasi yoki og‘ir yurak yetishmovchiligi bo‘lgan bemorlarda azitromitsinni qo‘llashda ehtiyotkorlikka rioya qilish lozim. Azitromitsinni qo‘llash miastenik sindrom rivojlanishini qo‘zg‘atishi yoki miasteniyaning zo‘rayishini keltirib chiqarishi mumkin.

Saxaroza

Preparat tarkibida saxaroza mavjud. Fruktozani ko‘tara olmaslikning kam uchraydigan irsiy kasalliklari, glyukoza va galaktoza malabsorbsiyasi sindromi yoki saxaroza-izomaltaza yetishmovchiligi bo‘lgan bemorlar ushbu preparatni qabul qilmasligi kerak.

Qandli diabet bilan og‘rigan bemorlar ehtiyotkorlik bilan qabul qilishlari kerak.

Dori vositasining transport vositasini yoki potensial xavfli mexanizmlarni boshqarish qobiliyatiga ta’sirining o‘ziga xos xususiyatlari

ZITMAK® 200 mg/5 ml suspenziya transport vositalari va potensial xavfli mexanizmlarni boshqarishda reaksiya tezligiga ta’sir ko‘rsatmaydi.

Dozani oshirib yuborish

Dozani oshirib yuborish bo‘yicha ma’lumotlar yetarli emas.

Belgilari: ko‘ngil aynishi, qusish, ich ketishi, vaqtincha eshitish qobiliyatini yo‘qotish.

Davolash: oshqozonni yuvish, faollashtirilgan ko‘mir ichish va simptomatik davo tayinlash.

Chiqarilish shakli va qadoqlash

16.0 g (15 ml suspenziya tayyorlash uchun 200 mg/5ml) yoki 29.0 g (30 ml suspenziya tayyorlash uchun 200 mg/5ml) kukun birinchi ochishni nazorat qilgan holda burab yopiladigan polietilen qopqoq bilan berkitilgan oq rangli plastik flakonlarga joylashtiriladi.

Flakon ustiga yorliq yopishtiriladi.

9 ml (15 ml suspenziya tayyorlash uchun 200 mg/5ml) yoki 15 ml (30 ml suspenziya tayyorlash uchun 200 mg/5ml) tozalangan suvli o‘lchov qoshig‘i, plastmassa va plastik ampula bilan komplektdagi 1 flakon davlat va rus tillarida tibbiy qo‘llash bo‘yicha yo‘riqnoma bilan birga ishlab chiqaruvchi firmaning gologrammasi bo‘lgan karton qutiga joylashtiriladi.

Saqlash shartlari

25 °C dan yuqori bo‘lmagan haroratda, quruq va yorug‘likdan himoyalangan joyda saqlanadi. Bolalar qo‘li yetmaydigan joyda saqlang!

Saqlash muddati

3 yil.

Tayyorlangan suspenziyani saqlash muddati - 14 kun.

Yaroqlilik muddati o‘tgandan keyin qo‘llanilmaydi.

Dorixonalardan berish shartlari

Retsept bo‘yicha.

Ishlab chiqaruvchi

"Nobel Almati farmatsevtika fabrikasi" AJ

Qozog‘iston Respublikasi, Olmaota shahri, Shevchenko ko‘chasi, 162 E

Ro‘yxatdan o‘tganlik guvohnomasi egasi

"Nobel Almati farmatsevtika fabrikasi" AJ Qozog‘iston Respublikasi, Olmaota shahri, Shevchenko ko‘chasi, 162-uy.

Qozog‘iston Respublikasi hududidagi iste’molchilardan dori vositalarining sifati bo‘yicha e’tirozlarni (takliflarni) qabul qiluvchi tashkilotning nomi, manzili va aloqa ma’lumotlari (telefon, faks, elektron pochta)

"Nobel Almati farmatsevtika fabrikasi" AJ Qozog‘iston Respublikasi, Olmaota shahri, Shevchenko ko‘chasi, 162-E

Telefon raqami: (+7 727) 399-50-50

Faks raqami: (+7 727) 399-60-60

Elektron manzil: [email protected]